Na Lydia Lugakila, Kagera

Mhe. Stephen Byabato Mbunge wa Jimbo la Bukoba Mjini na Naibu Waziri wa Mambo ya Nje na Ushirikiano wa Afrika Mashariki ametatua baadhi ya kero zilizodumu kwa muda mrefu kwa wananchi wanyonge zilizowasilisha kwake wakati wa kupokea kero kwenye Mkutano wa hadhara uliofanyika katika Kata ya Rwamishenye, baada ya kuhitimisha ziara yake kutembelea na kukagua Miradi ya Maendeleo.

Mkuu wa Wilaya ya Kigamboni, Halima Bulembo (katikati) akipokea sehemu ya msaada wa viti na meza kutoka kwa Kaimu Meneja wa Benki ya CRDB Kanda ya Dar es Salaam, Muhumiliza Buberwa (wa nne kushoto) vilivyotolewa na Benki ya CRDB kwa ajili ya shule mpya ya Sekondari ya Kisarawe II iliyopo wilayani humo. Wengine ni Meneja wa Benki ya CRDB Kanda ya Pwani, Badru Idd (wa pili kushoto), Meneja wa CRDB Tawi la Kibada, (Isaya Lyimo), Meneja Mwandamizi Idara ya Tawala za Mikoa na Serikali za Mitaa Benki ya CRDB, Suzan Shuma (wa tatu kushoto). Kulia ni Kaimu Afisa Elimu Sekondari Wilaya ya Kigamboni, Emmanuel Mwakalinga, Kaimu Mkuu wa Shule ya Sekondari Kisarawe II, Ashura Bihongo na Kaimu Katibu Tawala Wilaya ya Kigamboni, Adellah Ntenjera, hafla hiyo ilifanyika Novemba 29, 2023 katika Ofisi ya Mkuu wa Wilaya. (Na Mpiga Picha Wetu).

 Afisa Habari na Mawasiliano kutoka Ofisi ya Msajili wa Hazina (OTR) Sabato Kosuri, akizungumza wakati wa mkutano huo.

UTANGULIZI

•Maabara ya Mkemia Mkuu wa Serikali ilianzishwa mwaka 1895.

•Lengo kuu la kuanzishwa kwake ilikuwa ni kufanya utafiti wa magonjwa ya Ukanda wa Joto (Tropical diseases).

•Baada ya Uhuru, Maabara ilikuwa Idara ya Mkemia Mkuu wa Serikali chini ya Wizara ya Afya  ikihusika na masuala mbalimbali yaliyohitaji uchunguzi wa kimaabara.

•

•Mwaka 1999 ilibadilishwa na kuwa mojawapo ya Wakala za Serikali.

•Mwaka 2017, Wakala wa Maabara ya Mkemia Mkuu wa Serikali kupitia Gazeti la Serikali 248 la tarehe 21/07/2017, ilitangazwa kuwa Mamlaka chini ya Sheria ya Mamlaka ya Maabara ya Mkemia Mkuu wa Serikali ya mwaka 2016.

Majukumu ya Mamlaka

Utoaji wa Ushahidi wa kitaalam unaohusu uchunguzi wa kimaabara Mahakamani

•Mashauri ya jamii

Dawa za kulevya , mauaji, uabakaji, ulawiti na ujangili wa wanyama pori.

•Mashauri ya madai

Uhalali wa wazazi kwa mtoto, utatuzi wa migogoro inayohusiana na mirathi.

MAFANIKIO

Mitambo na vifaa vya Kisasa vya Uchunguzi wa Kimabaara

Mamalaka imenunua Mitambo mikubwa Minane (8) na midogo 134 yenye thamani ya Shilingi Bilioni 9.3 ilinunuliwa katika kipindi cha mwaka wa Fedha 2021/2022 na 2022/2023.

Mwaka wa Fedha 2021/2022:

•watalaam 28 walihudhuria mafunzo ya muda mrefu.

•Watumishi 147 walihudhuria ya mafunzo ya muda mfupi ndani na nje ya nchi;

•Watumishi 56 waliwezeshwa kuhudhuria mikutano ya kitaaluma; na

•Watumishi 23 waliwezeshwa kupata mafunzo ya awali ya Utumishi ya Umma (Induction course).

Huduma za Uchunguzi wa Kimaabara

Mwaka wa Fedha 2021/2022 wastani wa sampuli/vielelezo 155,817, sawa na asilimia 139.94 ya lengo la wastani wa kuchunguza sampuli/vielelezo 111,349 ulifanyika.

Mwaka wa Fedha 2022/2023, sampuli 212,306 sawa na asilimia 133.9 ya lengo la kuchunguza sampuli 158,600 zilifanyiwa uchunguzi wa kimabaara.

Utoaji wa Matokeo ya Uchunguzi kwa Wakati (Mkataba wa Huduma kwa Mteja)

Wastani wa siku 11 za kazi unatumika kubainisha uwepo wa sumu kwenye sampuli.

Wastani wa siku 6.5 za kazi kukamilisha uchunguzi wa kimaabara kwa sampuli za dawa za kulevya, mioto, na milipuko.

Wastani wa siku 27 za kazi kukamilisha uchunguzi wa kimaabara kwa sampuli za vinasaba vya binadamu (kutegemea aina ya sampuli).

Wastani wa siku 11 za kazi unatumika kubainisha uwepo wa sumu kwenye sampuli.

Wastani wa siku 6.5 za kazi kukamilisha uchunguzi wa kimaabara kwa sampuli za dawa za kulevya, mioto, na milipuko.

Wastani wa siku 27 za kazi kukamilisha uchunguzi wa kimaabara kwa sampuli za vinasaba vya binadamu (kutegemea aina ya sampuli).

Umuhimu wa Huduma za Uchunguzi wa Kimaabara

Kuleta haki, amani na utulivu wa nchi kwa kutoa ushahidi Mahakamani kwenye mashauri yanayotokana na uchunguzi wake.

Kutatua migogoro kwenye jamii (uhalali wa wazazi kwa mtoto, mirathi).

Kuwezesha kupandikiza figo kwa wagonjwa kwa ushirikiano na Madaktari Bingwa.

Kutambua Ubora na Usalama wa bidhaa za Viwandani na Kilimo kwa ajili ya kulinda afya ya Jamii.

Usimamizi na Udhibiti wa Kemikali Nchini

Usajili wa Wadau

Wadau wanaojishughulisha na biashara ya kemikali wameongezeka kutoka 2125 (2020/2021) hadi 3371  (2022/2023).

Huduma za Mamlaka kupitia Matumizi ya TEHAMA

Mfumo wa Usajili na Utoaji Vibali kwa Wadau wa Kemikali (Customer Chemicals Management Portal - CCMP).

Mfumo wa Mahudhurio ya Watumishi (Biometric Attendance System).

Huduma za Mamlaka kupitia Matumizi ya TEHAMA

Mfumo wa Usajili na Utoaji Vibali kwa Wadau wa Kemikali (Customer Chemicals Management Portal - CCMP); (Kutoka siku saba hadi ndani ya  saa moja)

Mfumo wa Mahudhurio ya Watumishi (Biometric Attendance System). (Kuongeza uwajibikaji mahala pa kazi)

Huduma za Kimaabara kwa Viwango vya Ubora wa Kimataifa

Ithibati ya Mifumo ya Ubora (ISO 9001:2015) iliyohuishwa kwa mara tatu mfululizo – Mifumo ya Ubora ya uendeshaji wa Mamlaka umekubalika Kimataifa.

Ithibati katika Umahiri wa uchunguzi wa kimaabara (ISO 17025:2027).

Utoaji Elimu kwa Umma

Mamlaka katika Mwaka wa Fedha 2021/2022 na 2022/2023:

Ilitoa elimu kwa wadau 24,020 kuhusu  majukumu ya yake kupitia maonesho mbalimbali na mafunzo.

Imeingia mkataba na baadhi ya vyombo vya habari kwa ajili ya kuendelea  kutoa elimu kwa umma kuhusiana na huduma zinazotolewa na Mamlaka.

Mipango ya baadaye

Ujenzi wa miundombinu wezeshi ya utekelezaji wa majukumu ya Mamlaka kwa kukamilisha yafuatayo:

Kuendelea kusogeza huduma za Mamlaka   kwa wananchi katika kanda/mikoa kulingana na uhitaji na uwezo.

Kuendelea kununua   mitambo na  vifaa vya Maabara kwa ajili ya Maabara za Makao Makuu ya Mamlaka Dodoma pamoja na Ofisi za Kanda.

Kuendelea kujenga na kutumia mifumo ya kielektroniki (TEHAMA) ili kuongeza ufanisi katika utoaji wa huduma za Mamlaka.

Kuimarisha huduma za uchunguzi wa kimaabara kwa kuendelea kununua mitambo ya kisasa inayoendana na mabadiliko ya sayansi na teknolojia za uchunguzi wa Maabara.

Ujenzi wa miundombinu wezeshi ya utekelezaji wa majukumu ya Mamlaka kwa kukamilisha yafuatayo:

Kuendelea kusogeza huduma za Mamlaka   kwa wananchi katika kanda/mikoa kulingana na uhitaji na uwezo.

Kuendelea kununua   mitambo na  vifaa vya Maabara kwa ajili ya Maabara za Makao Makuu ya Mamlaka Dodoma pamoja na Ofisi za Kanda.

Kuendelea kujenga na kutumia mifumo ya kielektroniki (TEHAMA) ili kuongeza ufanisi katika utoaji wa huduma za Mamlaka. 

Kuimarisha huduma za uchunguzi wa kimaabara kwa kuendelea kununua mitambo ya kisasa inayoendana na mabadiliko ya sayansi na teknolojia za uchunguzi wa Maabara.

Akizungumza jijini Dar es Salaam,  Novemba 29, 2023, alipokutana na wanufaika wa Mfuko wa Fidia kwa Wafanyakazi (WCF) kuelekea Maadhimisho ya Siku ya Kimataifa ya Watu wenye Ulemavu Duniani inayotarajiwa kufanyika kitaifa jijini Dodoma, Desemba 2, 2023. 

Profesa Ndalichako mesema, “Ndugu zangu hivi karibuni tutaanza kutoa Fao la Huduma ya Utengamao wa Kijamii na kutoa mafunzo ya kujenga ujuzi kwa wafanyakazi wanaopata ulemavu wakiwa kazini na aina ya ujuzi tutakaotoa utategemea uhitaji.” Alisema

Alisema lengo la Serikali ni kumpatia mfanyakazi ujuzi ambao utaendana na hali ya ulemavu wake, mfano alikuwa dereva na akapata ajali iliyopelekea ulemavu wa miguu, huyu anaweza kubadilisha ujuzi na kusomea kazi nyingine. 

Sambamba na kuwajengea ujuzi, fao hilo pia litatoa fursa ya kumjengea miundombinu inayoendana na hali yake, na hivyo kumuwezesha kumudu maisha katika mazingira anayoishi.” Alifafanua Profesa Ndalichako.

Kwa upande wao, wanufaika wa WCF wameishukuru Serikali kwa huduma wanazopokea kutoka katika Mfuko huo licha ya kupata ulemavu na wengine kuondokewa na wapendwa wao.

“Naomba kuhamasisha waajiri kuweza kuwachangia wafanyakazi wao, kwani viwango vya uchangiaji ni vidogo, tunaishukuru Serikali imepunguza viwango vya uchangiaji hadi kufikia asilimia 0.5” Alisema Norbert Tesha, ambaye amepata ulemavu wa kudumu baada ya kupata ajali akiwa kazini mwaka 2016.

“Hatuwezi kujua kesho yetu, lakini kama kuna misingi mizuri iliyowekwa leo, basi kesho yetu itakuwa njema, kila mtu ni mlemavu mtarajiwa.” Alisema, Bw. Tesha.

Mnufaika mwingine Bi. Emmaculet Nhigula, ambaye alimpoteza mumewe kwa ajali ya gari, amesema, “Mimi na watoto wangu wanne, tunanufaika sana na Mfuko huu, rafiki yetu kwa sasa ni WCF, huwa nikipita kwenye barabra hii na kuliona jengo lenu, ninasema hawa ni rafiki zangu wanaotembea na mimi nyakazi ngumu." Alisema

Alisema yale mafao ya kila mwezi yamekuwa na msaada mkubwa sana, yamesaidia kusomesha watoto wangu na sikuweza kuwahamisha kutoka shule walizokuwa wanasoma kabla ya kufariki baba yao.” Alisema Bi. Emaculate. 

Maadhimisho ya Siku ya Kimataifa ya Watu Wenye Ulemavu, yanalenga kuwahamasisha viongozi wa taasisi za kibiashara Duniani kutambua mchango maridhawa wa watu wenye ulemavu.

Kwamujibu wa Shirika la Afya Duniani (WHO), kwasasa inakadiriwa kuwa watu bilioni 1.3 duniani wanaishi na changamoto ya ulemavu, hii ni sawa na asilimia 16% ya Watu wote duniani.

Kauli mbiu ya maadhimisho ya mwaka huu ni “ Tuungane katika hatua za Kuokoa na kufikia Malengo ya SDGs kwa Watu wenye Ulemavu”.

Waziri wa Nchi Ofisi ya Waziri Mkuu (Kazi, Vijana, Ajira na Wenye Ulemavu), Mhe. Profesa Joyce Ndalichako (wapili kushoto) akiwa na Mkurugenzi Mkuu wa Mfuko wa Fidia kwa Wafanyakazi (WCF), Dkt. John Mduma (wakwanza kushoto), wakati akizungumza na wanufaika wa Fidia inayotolewa na WCF, kwenye Ofisi za Mfuko huo, jijini Dar es Salaam. 

Profesa Ndalichako, akizungumza na waandishi wa habari kwenye ofisi za WCF jijini Dar es Salaam. Katikati ni Mkurugenzi Mkuu wa WCF, Dkt. John Mduma na Bw. Rasheed Maftah, Mkurugenzi wa Kitengo cha Huduma kwa  Wenye Ulemavu, Ofisi ya Waziri Mkuu.

Picha ya pamoja.

Na Lydia Lugakila Kyerwa.

ASKARI wa Shirika la Hifadhi za Taifa Tanzania (TANAPA) wamefanikiwa kuyaondoa makundi ya wanyamapori aina ya Tembo walikuwa wamevamia maeneo ya vijiji vitano vilivyoko kwenye kata ya businde iliyoko wilayani kyerwa Mkoani Kagera kwa zaidi ya miaka 10 na kusababisa kaya zaidi ya 50 kuhama katika vijiji hivyo kwa hofu ya wanyama hao walioanza  kuwashambulia na kuwaua pamoja na kuharibu mazao yao ya kilimo mashambani.

Kamishina wa Uhifadhi Dkt. Fredrick Mofulu ambaye ni Mhifadhi Mkuu wa Hifadhi ya Taifa ya Ibanda-Kyerwa iliyoko wilayani kyerwa mkoani humo aliyeongoza operesheni hiyo alisema ilichukua siku tano hadi kufanikiwa.

Alisema  vijiji vilivyokuwa vimevamiwa na tembo hao viko kwenye kata ya Bisinde ambavyo ni Nyakashenyi, Businde, Kibare, Bugara na Kijumbura , alieleza kuwa tembo hao wamedhibitiwa na kuswagwa hadi kwenye umbali wa kilomita zaidi 45 kutoka katika maeneo ya vijiji hivyo yaliyokuwa yamevamiwa.

Kamishina huyo alisema tembo hao wameishadhibitiwa na anayo matumaini ya kuwa  hawatarudi katika vijiji hivyo kwa njia za kuingia alizosema kuwa ni tatu zimeishabainika na zitawekewa ulinzi wa kutosha utakaowazuia kupenya.

Alisema katika kuimarisha ulinzi wa kuwadhibiti tembo wasirudi katika vijiji hivyo umeanzishwa mpango wa kutoa mafunzo kwa vijana wa vijiji hivyo ya namna ya kuwadhibiti tembo hao yatayotolewa na chuo cha wanyamapori cha Pasiasi kilichoko mkoani Mwanza.

Aliendelea kusema kuwa mafunzo hayo yatawajengea uwezo mkubwa vijana hao wa kupata mbinu za kitaalam za kuwadhibiti tembo wasirudi tena katika maeneo ya vijiji, na kila kijiji kitatoa vijana 2 ambao watapata mafunzo hayo.

Kwa upande wake, Mkuu wa wilaya ya Kyerwa Bi. Zaitun Msofe alishukuru kazi kubwa iliyofanywa na askari wa TANAPA ya kuwaondoa tembo hao ambao walishakuwa kero kubwa kwa Wananchi ya aVijiji hivyo.

“Wengi wamejaribu wameshindwa lakini nyie mmeweza, nawashukuru sana Wananchi wangu wataishi kwa amani na utulivu, walikuwa wamekata tamaa, sasa nawataka mfanye kazi mpunguze maumivu mliyokuwa mnayapata baada ya kuvamia na tembo" alisema Bi Msofe.

Aliahidi kuwa serikali ya awamu ya sita itaendelea kutatua kero zao zikiwemo za ukarabati wa barabara na kuchimba visima vya maji na pia itaendelea pia kutatua kero zinazosababishwa na Wanyama waharibifu wakiwemo Viboko wanaosumbua na kushambulia watu katika eneo la Kakanja lililoko wilayani Kyerwa.

Nao baadhi ya Wananchi waliolazimika kuhama vijiji vyao kwa hofu ya kushambuliwa na tembo wakizungumza kwa nyakati tofauti waliishukuru serikali kwa kumaliza tatizo hilo na wameahidi kurudi kwenye maeneo yao kuendelea na shughuli zao baada ya kuhakikishiwa usalama wa maisha yao na mali zao.

WAZIRI MKUU Kassim Majaliwa amesema Serikali iko kwenye maandalizi ya awali ya ujenzi wa kampasi 14 mpya za vyuo vikuu kwenye mikoa ya pembezoni isiyokuwa na vyuo vikuu. 

Afisa Mkuu wa wateja Binafsi na Biashara wa Benki ya NMB, Filbert Mponzi na Mkurugenzi Mtendaji wa Oryx Gas Tanzania, Benoit Araman wakibadiliashana mikataba baada ya utiaji saini hati ya makubaliano  ya ushirikiano. Kushoto ni Meneja mauzo wa Oryx Gas, Shaban Mohamed, wapili kutoka kulia ni Mkuu wa Idara ya Kadi wa Benki ya NMB, Philbert Casmir na kulia ni kaimu Meneja wa Benki ya NMB kanda ya Dar es salaam.

Afisa Mkuu wa wateja Binafsi na Biashara wa Benki ya NMB, Filbert Mponzi na Mkurugenzi Mtendaji wa Oryx Gas Tanzania, Benoit Araman wakitiliana saini hati ya makubaliano  ya ushirikiano. Kushoto ni Meneja mauzo wa Oryx Gas, Shaban Mohamed, wapili kutoka kulia ni Mkuu wa Idara ya Kadi wa Benki ya NMB, Philbert Casmir na kulia ni kaimu Meneja wa Benki ya NMB kanda ya Dar es Salaam.

NA MWANDISHI WETU

BENKI ya imeingia Makubaliano ya Ushirikiano (MoU) na Kampuni ya Uuzaji na Usambazaji Gesi ya Oryx Gas Tanzania, yaliyopewa jina la 'Moto Mkali Bei Poa', ambao ni mpango mkakati unaolenga kuhamasisha matumizi ya nishati mbadala ya kupikia, ili kuunga mkono juhudi za utunzaji mazingira kukabiliana na mabadiliko ya tabianchi.

Makubaliano hayo yamesainiwa jijini Dar es Salaam Novemba 26, ambako NMB iliwakilishwa na Mkuu wa Wateja Binafsi na Biashara, Filbert Mponzi, huku Oryx Tanzania ikiwakilishwa na Mkurugenzi Mtendaji wake, Benoit Araman, mbele ya Mkuu wa Idara ya Rasirimali Watu Oryx Energies, Kanda ya Afrika Mashariki, Loveness Hoyange..  

Akizungumza wakati wa hafla hiyo, Mponzi alisema utunzaji mazingira ni agizo lililopewa msisitizo na Benki hiyo kinara kwa suluhishi mbalimbali za kifedha na kijamii, wanajisikia fahari kusaini makubaliano hayo, yanayoenda kuwapa urahisi wa upataji gesi  kwa mikopo ya riba nafuu na punguzo la bei.

“Makubaliano haya yanaakisi dhamira ya dhati tuliyonayo NMB katika utunzaji wa mazingira, eneo ambalo wiki jana tulizindua kampeni ya kitaifa ya ugawaji mizinga ya nyuki kwa vikundi vya wafugaji nchini, ikifuata nyayo za ile kampeni ya mapema mwaka huu ya upandaji miti milioni moja kote nchini, ambayo tunatarajia kukamilisha kama tulivyopanga.

“NMB tunatambua, kujali na kuthamini utunzaji wa mazingira kwa ustawi wa kizazi cha sasa na cha baadaye, ndio maana tukaja na Kampeni hii ya Moto Mkali, Bei Poa, lengo likiwa ni kuhamaisha wateja wetu kuungana na Serikali katika kumaliza changamoto ya uharibifu wa mazingira.

“Kupitia kampeni hii, tunaenda sio tu kukopesha wateja wetu mikopo ya ununuzi wa gesi na kunufaika na punguzo la bei wataponunua kwa njia za malipo ya kadi na yale ya kidijitali kwa maana ya Lipa Mkononi, bali tumeangalia mnyororo mzima wa thamani unaowajumusiha wauzaji, ambao nao watakopeshwa fedha za kuongeza bidhaa katika vituo vyao vya mauzo,” alisema Mponzi.

Kwa upande wake, Araman, alitambia mashirikiano hayo baina yao ambao ni vinara wa huduma za nishati mbadala na NMB wanaoongoza sekta ya fedha nchini, na kwamba ukongwe wao katika masuluhisho ya kifedha, unawapa uhakika wa mafanikio katika vita waliyoshiriki kwa miaka mingi ya mabadiliko ya tabianchi.

“Sisi ni wakongwe katika utunzaji wa mazingira kwa kusambaza na kuuza nishati mbadala mbadala, lengo likiwa kuunga mkono juhudi za Serikali yar AIS Samia Suluhu Hassan, ambaye alitoa agizo la kuhakikisha hadi mwaka 2030, tunatokomeza uharibifu wa mazingira na kila Mtanzania awe anatumia gesi ya kupikia na sio mkaa au kuni, ambazo ni hatari pia kwa afya.

“Tumekuwa watoa huduma wa muda mrefu zaidi barani Afrika na Tanzania ikiwa sehemu ya wanufaika wa huduma zetu na tunaamini katika ushirikiano huu na NMB, utaenda kuwa chachu ya ufanisi wa mpango mkakati wetu wa kuhakikisha tunawapa wateja wetu suluhisho la kupata nishati bora ya kupikia kwa ukaribu, uharaka na unafuu mkubwa.

Awali, Mkuu wa Biashara ya Kadi wa NMB, Philbert Casmir, alisema Moto Mkali, Bei Poa ni kampeni inayodhihirisha dhamira yao katika kuhakikisha wanagusa maisha ya wateja wa benki yake, na kuwa hiyo ndio siri ya makubaliano hayo, ambayo yatatoa mchango mkubwa katika utunzaji mazingira na kupunguza athari za mabadiliko ya tabianchi.

“Kupitia malipo ya kidijitali kwa maana ya Lipa Mkononi, QR Code na Vituo vya Mauzo (PoS), wateja wa NMB wanaenda kunufaika sio tu na manunuzi ya gesi kwa njia ya kadi na kuachana na matumizi ya pesa taslimu, bali wataingia moja kwa moja droo zetu za Kampeni inayoendelea ya MastaBata Halipoi, inayotoa zawadi hazi za Shilingi Milioni 350,” alibainisha.

Naye Meneja Mauzo wa Oryx Tanzania, Shaban Mohamed, alisema Moto Mkali, Bei Poa utajikita katika maeneo ununuzi wa haraka wa Oryx Gas utakaoambatana na unafuu wa bei, Uwezeshaji wa Wasambazaji, Wauzaji wa Maduka ya Oryx pekee (Oryx Exclusive Shops), Punguzo la Bei kwa Wanunuzi wateja wa NMB na mikopo yenye riba nafuu kwa wateja wote.

NA VICTOR MASANGU, KIBAHA 

Akizungumza katika halfa ya kukabidhi msaaada wa vifaa hivyo Meneja wa TRA Mkoa wa Pwani Masawa Masatu alisema kwamba wameamua kusapoti sekta ya afya kwa lengo la kuweza kuwakomboa wakinamama kupata huduma bora hasa wakati wa kujifungua.

NA TULLO CHAMBO, RT

BAADA ya kuzinduliwa na kutambuliwa rasmi, Kamati Maalumu ya Marekebisho ya Katiba ya Shirikisho la Riadha Tanzania (RT), imeweka hadharani namna ya kupokea maoni ya wadau ili kufanikisha zoezi hilo muhimu kwa mustakabali wa mchezo huo.

Kamati hiyo, imeweka wazi utaratibu huo kama ifuatavyo:

TAARIFA KWA UMMA NA VYOMBO VYA HABARI.

01.12. 2023.

Arusha.

1.     Kamati ya Marekebisho ya katiba iliyoundwa na Shirikisho la Riadha Tanzania na kuanza kutekeleza majukumu ya kazi hiyo tarehe 16.10.2023, imeendelea na mchakato wa shughuli zake kwa kupitia nyaraka mbalimbali ili kuisadia kutimiza wajibu huo kikamilifu.

2.     Kamati inapenda kuwatangazia kuwa mchakato wa marekebisho ya katiba utafanywa na wadau na wakereketwa wa mchezo wa riadha wenyewe na kazi ya kamati ni kuyaratibu maoni hayo na kuyaunganisha kwa kuyatafsri katika muundo wa rasimu ya Katiba itakayowasilishwa kwa kamati ya utendaji ya shirikisho la riadha Tanzania (RT) na baadaye mbele ya wajumbe wa mkutano mkuu wa shirikisho kwa ajili ya maamuzi.

3.     Kwa mazingatio hayo, kamati inawatangazia rasmi kuwa maoni hayo yatawasilishwa na kukusanywa mbele ya kamati kwa kupitia mfumo/utaratibu wa njia kuu mbili (2).

3.1.         Kujaza dodoso maalum ambalo litapatikana kwa kila katibu mkuu wa chama cha riadha cha mkoa mwanachama wa shirikisho. Ukisha jaza dodoso hiyo utairejesha kwa katibu wa mkoa wako husika au waweza kuiwasilisha kwa mjumbe wa kamati aliye karibu na mahali ulipo au kuituma mwenyewe kwenye akaunti ya kamati rekebishakatiba@gmail.com moja kwa moja.

3.2.         Kujaza dodoso la kimtandao (google docs) kupitia rink maalum ya maswali https://forms.gle/fgcwhQhPvLkX38xo7– ukishajaza itakweleza kuwasilisha (submit).

4.     Kamati inapenda kusisitiza kwamba, maoni hayo yakishakusanywa na kuratibiwa ndiyo yatakayotengeneza rasimu mpya ya katiba ya shirikisho, hivyo kila mdau na mkereketwa wa mchezo huu anao wajibu wa kutumia fursa hii muhimu kupitia mfumo na utaratibu uliowekwa.

5.     Kamati inawatangazia wadau wote kwamba dirisha la kukusanya maoni litakuwa la siku 35 (thelathini na tano) kuanzia siku na tarehe ya tangazo hili.

Karibuni – kwa maendeleo ya riadha nchini na ustawi wa kiuchumi wa Taifa letu.

Kamati inawatakiwa sikukuu njema ya Christimas 2023 na heri ya mwaka mpya 2024.

Imetolewa na katibu wa kamati.

Wilhem F. Giddabuday

SHIRIKISHO LA RIADHA TANZANIA

‘Kamati ya ukusanyaji maoni na mchakato wa marekebisho ya katiba ya Shirikisho’

rekebishakatiba@gmail.com

TAARIFA KWA UMMA NA VYOMBO VYA HABARI.

01.12. 2023.

Dar es salaam.

MAKUNDI MAALUM YANAYOKUSUDIWA.

Kigamboni na Pangani

Imeelezwa kuwa, zoezi la kuwalipa fidia wananchi waliopisha mradi wa Uchimbaji Madini Tembo (heavy mineral sands) utakaotekelezwa eneo la Fungoni Kigamboni Mkoani  Dar es Salaam limefikia asilimia 92 huku kiasi cha  shilingi bilioni 18  kikiwa tayari  kimekwishakulipwa.

Hayo yamebainika wakati wa ziara ya Katibu Mkuu Wizara ya Madini Kheri Mahimbali alipotembelea eneo hilo mwishoni mwa wiki kwa lengo la kuangalia hatua za uendeleaji wa mradi huo ikiwemo kujua changamoto zinazokabili utekelezaji wake ambapo alihimiza zoezi la ulipaji fidia kukamilishwa haraka ili mradi uanze kama ulivyokusudiwa.

Mradi huo unamilikiwa na kampuni ya Nyati Mineral Sand Limited ambayo ni kampuni ya ubia kati ya Serikali inayomiliki asilimia 16 ya hisa na kampuni ya Strandline Resources Limited inayomiliki asilimia 84 ya hisa unatarajia kuanza shughuli za uchimbaji madini hayo mara zoezi la kulipa fidia wananchi wanaotakiwa kupisha mradi huo utakapokamilika.

Katika taarifa iliyotolewa wakati wa ziara ya Katibu Mkuu, ilielezwa kuwa kulingana na utafiti uliofanywa, mradi wa uchimbaji madini tembo una kiasi cha tani milioni 12 za mbale na uhai wa mradi ni miaka 6 kwa kuchakata tani milioni 2 za mbale kwa mwaka na kuelezwa kuwa, uchorongaji zaidi utafanyika katika maeneo hayo ili kuongeza kiasi cha mashapo na hivyo kuongeza uhai wa mgodi.

Katika hatua nyingine, Desemba 2, 2023, Katibu Mkuu Mahimbali alitembelea katika   mradi mwingine wa uchimbaji madini tembo unaomilikiwa na kampuni hiyo katika eneo linalojulikana kama Tajiri Wilayani Pangani Mkoa wa Tanga ili kuangalia maendeleo ya mradi pamoja na kufahamu changamoto zilizopo katika utekelezaji wa mradi husika.

Kadhalika, mradi huo, Serikali inamiliki asilimia 16 ya hisa na Kampuni ya Stradline Resources Limited inamiliki hisa asilimia 84. 

Katika ziara hiyo ilielezwa kuwa, kulingana na utafiti uliofanywa katika eneo hilo, kiasi cha mashapo yenye kiasi cha tani milioni 268 katika ubora wa asilimia 3.3 kimegunduliwa na uhai wa mradi huo unatarajia kuwa miaka takribani 23. 

Aidha, kulingana na taarifa za Wizara ya Madini, kampuni ya Nyati Mineral Sand Limited imeomba leseni kubwa ya uchimbaji madini (Special Mining Licence) na mchakato wa kutolewa leseni hiyo unaendelea. Vilevile, imeelezwa kuwa, utaratibu wa kulipa fidia wananchi watakaoathirika na mradi katika eneo hilo la pangani utafanyika mara leseni ya uchimbaji madini itakapotolewa na mara baada ya zoezi la kulipa fidia kukamilika shughuli za uchimbaji madini tembo kwenye mradi huo zitaanza.

Kampuni ya Strandline ni miongoni mwa kampuni 4 za uchimbaji wa  madini ambazo  mnamo  Desemba 13, 2021 Serikali  na kampuni husika zilitia saini makubaliano ya mikataba ikiwa ni matokeo ya marekebisho ya Sheria ya Madini  ambayo ilipelekea kuipa nguvu Serikali kumiliki rasilimali hizo kwa niaba ya wananchi kwa lengo la kuleta manufaa zaidi kwa watanzania.

Kampuni nyingine zilizoweka saini mikataba ya makubaliano kipindi husika ni pamoja Black Rock Mining Limited itakayochimba madini ya kinywe wilayani Mahenge mkoani Morogoro, Nyanzaga Mining Limited itakayochimba madini ya dhahabu wilayani Sengerema mkoani Mwanza na kampuni ya Petra Diamond Ltd inayochimba madini ya Almasi Mkoani Shinyanga ambapo katika makubaliano hayo Serikali iliongeza umiliki wa hisa katika mgodi huo kutoka asilimia 25 kufikia asilimia 37.

Hafla ya utiaji saini mikataba hiyo ilishuhudiwa na Rais wa Jamhuri ya Muungano wa Tanzania Dkt. Samia Suluhu ambaye katika hotuba yake alisisitiza kuhusu shughuli za uongezaji thamani madini hayo kufanyika nchini ili kuleta manufaa zaidi kwa taifa.

Miradi ya madini tembo inatarajia kuinufaisha nchi kiuchumi ikiwa  ikiwa ni pamoja na Serikali kupata mapato yatokanayo na kodi, mrabaha, ada ya ukaguzi, ushuru wa huduma na malipo mengine yanayotakiwa kulipwa kwa  mujibu wa sheria za nchi, ikiwemo fursa za ajira kwa watanzania wakiwemo wanaozunguka eneo la mradi pamoja na ajira kupitia shughuli za utoaji huduma mbalimbali katika migodi hiyo.

Madini tembo yatakayochimbwa katika miradi hiyo ni pamoja na rutile, ilmenite, zircon na monazite. Madini hayo yana matumizi mbalimbali ikiwa ni pamoja na kutengeneza vioo, rangi mbalimbali hususan za magari, kutengeneza ceramics (kauri) na pia hutumika katika kinu cha nyuklia.

Afisa Mtendaji Mkuu mpya wa Tanzania Commercial Bank (TCB) Adam Mihayo (kushoto), akipata maelezo kutoka Kwa Mkurugenzi wa Mipango ya Benki hiyo Bw. Muondakweli Kaniki alipofika kuripoti rasmi nafasi ya kuongoza Benki hiyo baada ya kuteuliwa na Rais wa Jamhuri ya Muungano wa Tanzania Mhe. Dkt Samia Suluhu Hassan kuwa Afisa Mtendaji Mkuu wa TCB mwengine pichani ni Mkurugenzi Rasilimali Watu Wa Benki hiyo Bi. Diana Myonga. Hafla hiyo imefanyiaka hivi karibuni makao makuu ya TCB jijini Dar es Salaam

Afisa Mtendaji Mkuu mpya wa Tanzania Commercial Bank (TCB) Adam Mihayo akipokea maua ikiwa ni ishara ya upendo kutoka kwa maafisa wa benki hiyo alipofika kuripoti rasmi nafasi ya kuongoza Benki hiyo baada ya kuteuliwa na Rais wa Jamhuri ya Muungano wa Tanzania Mhe. Dkt Samia Suluhu Hassan kuwa Afisa Mtendaji Mkuu wa TCB.

Afisa Mtendaji Mkuu wa Benki ya NMB, Ruth Zaipuna (kulia) ambaye alikuwa mgeni rasmi katika Mahafali ya Kidato cha Nne ya shule za Feza Girls na Feza Boys akimkabidhi cheti Loi Kitundu, wakati wa Mahafali ya Kidato cha Nne yaliyofanyika katika Ukumbi wa Mikutano wa Kimataifa wa Mwalimu Julius Nyerere (JNICC) jijini Dar es Salaama. Kushoto ni Naibu Mkurugenzi wa Shule za Feza Tanzania, Ali Nungu. (Na Mpiga Picha Wetu).

Na Mwandishi Wetu 

Afisa Mtendaji Mkuu wa Benki ya NMB, Ruth Zaipuna, amewashauri vijana nchini Tanzania kunoa ujuzi wao wa Karne ya 21 ili kufanikiwa katika soko la kisasa la kiushindani la ajira.

Akizungumza katika mahafali ya wanafunzi wa kidato cha nne wa Shule za Sekondari za Feza yaliyofanyika jijini Dar es Salam mwishoni mwa wiki, Zaipuna alisema ujuzi wa Karne ya 21 ni pamoja na kufikiri kwa kina, ubunifu, ushirikiano, mawasiliano, tekinolojia ya habari, uongozi, na stadi za maisha.

“Mkiwa na ujuzi huu, nina hakika kabisa kwamba mtafaulu katika shughuli zenu za maisha iwe mnataka kuajiriwa au kujiajiri. Mtawavutia waajiri na wawekezaji na kwa moyo wa kuendelea kujifunza, mtaimarika siku hadi siku na kujiongezea thamani,” Zaipuna alisema.

Aliongeza, “Kwa miaka mingi, nimekuwa sehemu ya Shule za Feza na ninathamini sana msisitizo ambao shule inaweka katika elimu ya maisha na maendeleo, ushirikiano na jamii na ukuzaji wa stadi za uongozi, sifa ambazo naamini zitakuwa na athiri chanya kwa watoto wetu kwa miaka mingi ijayo,” alisema.

Zaipuna alibainisha kuwa maisha ni safari na kuwataka vijana hao kufanya kazi kwa bidii na kuongeza kuwa wanaweza kufikia chochote wanachokusudia endapo wataendelea kuwa na nidhamu.

“Nilianza safari yangu takriban miongo mitano iliyopita. Miaka 32 iliyopita, nilihitimu kidato cha nne katika Shule ya Sekondari Kilakala, Morogoro. Siku hii imenifanya kutafakari maisha yangu yote tangu nilipohitimu mwaka 1991,” alisema.

Aliwataka wanafunzi hao kujiamini, kufuata nafsi zao na kamwe wasipoteze maadili na kanuni walizopandikizwa wakiwa shuleni.

Alibainisha kuwa baadhi ya vitu ambavyo vimesaidia kupanda daraja la mafanikio ni pamoja na nidhamu, bidii, uadilifu, ubora katika kila kazi iwe kubwa au ndogo na kuendelea kujifunza mambo mbalimbali.

 “Licha ya vikwazo ambavyo mmekumbana navyo mkiwa hapa, mmeibuka kuwa nyota zinazongaa. Katika miaka yenu yote katika Shule za Feza, mmeonyesha dhamira isiyoyumba kwa kuendela kufanya vyema. Mafanikio haya ni uthibitisho wa bidii zenu" alisema.

Aliwashauri wahitimu hao kuchangamkia fursa zinazowajia huku akiongeza kuwa mafanikio hayapimwi kwa alama au sifa tu, bali pia kwa matokeo yanayopatikana katika maisha ya wengine.

Awali, Naibu Mkurugenzi wa Shule za Feza Ali Nungu aliwataka wahitimu kuendeleza miiko ya shule hiyo ilikuleta mabadiliko katika njia watakayochagua.

Aliwapongeza walimu wa shule hiyo, wafanyakazi wengine na wazazi ambao walichukua jukumu kubwa katika safari ya wahatimu hao na kuwataka wahitimu kuamini katika uwezo wao.

Alionyesha imani kwamba kwa tabia zao nzuri, uwezo bora wa kitaaluma na ustahimilivu, watakuwa wakakamavu na wenye shauku katika kutimiza ndoto zao.

Chama cha ACT Wazalendo tumepokea kwa mshtuko, majonzi na simanzi kubwa taarifa za vifo vya watu 47 na majeruhi 85 vilivyotokea wilayani Hanang mkoani Manyara kutokana na mvua kubwa zinazoendelea kunyesha katika mikoa mbalimbali nchini. 

Taarifa rasmi zinasema vifo hivyo na majeruhi vimesababishwa na mvua iliyonyesha usiku wa kuamkia Jumapili Desemba 3, 2023 baada ya sehemu ya Mlima Hanang kumomonyoka na kusababisha tope kutiririka katika makazi ya watu wa maeneo ya Katesh na Gendabi wilayani humo.

Chama chetu kinatoa pole na salaam za rambirambi kwa familia, ndugu, jamaa, marafiki na Watanzania wote kwa maafa haya makubwa yaliyotokea huku tukiwaombea kwa Mwenyezi Mungu majeruhi waweze kupona haraka na kuendelea na maisha yao ya kila siku. 

 Aidha kutokana na maafa haya mazito, tunatoa wito kwa Serikali kuhakikisha majeruhi wanapata huduma zote stahiki zinazohitajika, huduma za kibinadamu kwa wakazi wote wa maeneo yaliyoathirika na maafa hayo sambamba na kukarabati miundombinu mbalimbali iliyoharibika kwa haraka zaidi.