Afisa Mtendaji Mkuu wa Tanzania Commercial Bank TCB Sabasaba Moshingi  (kushoto), akikabidhi   msaada wa kisima cha maji kwa Mbunge wa Jimbo la Paje Unguja  Mh Sudi Hassan kwa niaba ya wamama wa Jimbo hilo wanaojishughulisha na Kilimo cha mwani kwaajili ya kustawisha Kilimo cha zao hilo  hafla ya makabidhiano hayo yefanyika unguja mwishoni mwa wiki wengine pichani ni baadhi ya wamama waliopatiwa msaada huo.

Afisa Mtendaji Mkuu wa Tanzania Commercial Bank TCB Sabasaba Moshingi  akiwa katika picha ya pamoja na viongozi mbalimbali pamoja na wakulima wa zao la mwani kutoka jimbo la paje Unguja.

Afisa Mtendaji Mkuu wa Tanzania Commercial Bank TCB Sabasaba Moshingi  akifurahi pamoja na viongozi mbalimbali na wamama wakulima wa zao la mwani  Unguja mara baada yakukabidhi msaada wa kisima kwaajili ya kustawisha Kilimo cha zao hilo  hafla ya makabidhiano hayo yefanyika unguja.

Na Hussein Ndubikile, Dar es Salaam

Waziri wa Maendeleo ya Jamii, Jinsia, Wanawake na Makundi Maalum Mhe. Dkt. Dorothy Gwajima amesema Serikali haitavumilia vitendo vya ukatili vinavyoendelea kutokea kwenye jamii.

Adeladius Makwega-MAKOLE

Siku moja nilikuwa nasafiri kutokea Dodoma kuelekea Tanga, kwa kuwa siku hiyo usafiri ulikuwa unasumbua sana iliniladhimu kuunganisha magari tangu Dodoma hadi Chalinze kwanza, niliposhuka Chalinze jua lilikuwa limezama huku mji huu ukiwa umechangamka mno.

Hata nilipofika hapa usafiri pia ulikuwa mgumu mno, nilisubiri kwa saa kadhaa na baadaye ilikuja gari moja ndogo ya ndugu mmoja ambaye alitufanyia hisani kutuchukua abiria kadhaa lakini hisani yake hiyo haikuweza kupunguza abiria waliopo stendi.

Gari nililopanda nilibaini lilikuwa la kiafisaliafisali, ndani yake walikuwapo watu wengine wawili, dereva akawa watatu mie na mwezangu tukawa jumla watu watano. Wakati tunajipanga namna ya kukaa vizuri, kwanza tuliiweka mizigo yetu ya mikononi yakiwa mabegi kadhaa na mie mwanakwetu nilikuwa boksi moja dogo.

Ndugu mmoja niliyemkuta ndani ya gari akaniuliza hilo boksi lako umebeba nini? Nilijibu, Nimebeba zabibu, akaniambia weka hapo katikati ya kiti cha dereva, kweli nikafanya hivyo. Akaniuliza umetoka nazo Dodoma? Nilimjibu naam, nawapelekea wanangu huko Tanga, kwa maana Tanga tajiri wa matunda lakini fukara wa zabibu.

Ndugu huyu akasema yeye ni mfanyabiashara wa zabibu na kwa mwaka 2022 zabibu zimezaa sana kwa kuwa ni mwaka wa mvua chache. “Hivi tunavyoongea nimetoka kuupokea mzigo wangu wa zabibu kutoka Dodoma ulipelekwa Dar es Salaam. Hapa nakwenda Arusha kuupokea mzigo wangu mwingine umepakiwa Dodoma na umeanza safari kwetu Arusha zabibu zina pesa sana.”

Nikampongezi ndugu yetu huyu kwa kufanya biashara hii akisema kuwa mwaka huu watapata pesa nyingi, nilimpa heko kwa kuchagua biashara hii ya msimu akisema msimu ukiiisha huwa anafanya biashara zingine.

Ndugu huyu akasema kuwa hata kama unawapelekea wanao jitahidi sana kuwapa zabibu kiasi kidogo usiwape nyingi kwa wakati mmoja, zinalewesha sana hizi. Nikauliza kweli? Ndugu huyu akasema ni kweli kabisa hakuna utani katika hili.

“Wakati ninaanza biashara hii nilijifunza jambo moja kubwa sana, wakati wa mavuno ukifika nilikuwa nasimamia kuvuna, kwa kuwa nilikuwa mgeni nilikuwa navuna huku nakula zabibi kidogo kidogo, baada ya muda kidogo naenda kulala nikiwaacha vijana wa kuvuna wakiendelea. Nikija kuzinduka nilibaini kuwa mzigo wangu ulikuwa pungufu mno.”

Nilijiuliza maswali shida nini hata gari likija kupakia lilikuwa nusu ya mzigo haupo nikawa napata hasara mno. Jambo hilo lilimsumbua hadi alipokuja kuambiwa kuwa wakati wa kuvuna zabibu mwiko mkubwa hautakiwi kula na kama unahitaji kula zabibu ziliwe wakati zoezi la kuvuna limekamilika.

Nikamuuliza ni zabibu zote sharti ni hilo hilo? Ndugu huyu akasema ndiyo tena zile zabibu nyeupe zenyewe ni kali zaidi, kubwa ni kutokuzila kabisa wakati wa kuvuna maana ukifanya hivyo mwanakwertu utakula wa chuya.

Vijana wa kigogo ni wajanja sana watakwambia mzee chukua zabibu hii ni tamu zaidi ya ile utapewa kitita cha kwanza utakila utakimaliza utapewa cha pili utakimaliza ukipewa cha tatu mwanakwetu ukikimaliza hali itabadilika.

“Sasa hivi nimewambia wadogo zangu ambao wananisimamia kuvuna, kula kula zaibibu wakati wa kuvuna huo ndiyo mwiko wake, kula baada ya kumaliza zoezi.” Alisema ndugu huyu.

Dereva wa gari hili akasema siyo katika kuvuna zabibu tu hata hata katika mambo ya uongozi jamii, taasaisi , shirika hata serikalini walio chini wanakutazama mkubwa wewe ukoje kama unapenda kuonja onja iwe pesa au tamaa yoyote. Wakitambua kuwa wewe ni mwanachama wa tamaa watakuwa wanakuletea letea kidogo kidogo, tambua kuwa na wao wanaiba ukishazoea utalewa na mwisho wa siku hamuwezi kuvuna chochote.

“Hamuwezi kufikia malengo yenu, mtakwama tu maana mtakuwa ni nyumba ya hasara kila uchao.”

Mwanakwetu nilifika Tanga salama salimini na mzigo wangu wa zabibu mkononi na kuwapa wanangu kidogo kiogo kuogopa ule ulevi wa zabibu kama walivyoniambia ndugu zangu hawa na simulizi ya uwoga wa kuvuna hasara na Tanga tajiri matunda.

makwadeladius@gmail.com

0717649257

Na Lucas Raphael,Tabora

Shirika la umeme mkoa waTabora Tanesco limetoa zawadi ya ngao kwa  Taasisi na watu binafsi walifanya vizuri  kwa kulipa bila za umeme baada ya kupata huduma hiyo kwa mwaka huu kwa lengo la kutambua mchango wao kwa shirika   .

Akizngumza katika hafla fupi ya kuwapongeza wateja hao meneja wa shirika hilo mkoa wa Tabora mhandisi Khadija Mbarouk iliyofanyika katika ofisi za shirika hilo jana

Alisema kwamba shirika limechukua hatua hiyo ya kuwatambua wateja hao wa kubwa ,baada ya kuonyesha jitiada za kuchangia pato la shirika na serikali kwa ujumla .

Alisema kwamba licha ya shirika kutoa huduma pia linafanya biashara ya usambaza uememe kwa wateja wake hivyo wanawajibu wa kulipa bili zao kila mwezi na kila mwaka kwa wakati.

Mhandisi Khadija alisema kwamba katika kuadhimisha wiki ya huduma kwa wateja tumeona kutambua wateja wachache waliweza kutumia huduma ya Tanesco na kulipa zaidi ya shilingi milioani 200  kwa mwaka

Meneja huyo wa Tanesco mkoa wa Tabora aliwataja wateja huo kuwa ni  Mamlaka ya Maji Safi na Usafi wa Mazingira mkoa wa Tabora (TUWASA) iliyotumia huduma ya umeme na kulipia kiasi cha shilling milioni 764,831,278 kwa mwaka huu .

Alisema kwamba licha ya Tuwasa pia Mamlaka ya Maji na Usafi wa Mazingira wilaya ya Nzega( NZUWASA) ambayo ilitumia huduma ya  hiyo na kulipia kiasi cha shilingi milionbi 164,898,690 kwa mwaka huu.

Wengine ni Kampuni ya simu za mikono ya TTCL ambayo imelipa kiasi cha shilingi milioni 51,083,142 kwa mwaka  na Kampuni ya uchenjuaji wa Dhahabu wilayani Igunga mkoani hapa ya Taur Tanzania ilifanikiwa kulipa kiasi cha shilingi milini 217,976,835 kwa mwaka huu.

Alimtaja mteja mwingine ni  mmiliki wa Hotel ya JM, Jimmy Marco aliyelipa kiasi cha shilingi milioni 25,705,592 mwaka  huu  .

Akizungumza kwa niaba ya wateja wengine mwakilishi wa mkurungezi wa Mamlaaka ya maji safi na usafi wa mazingira mkoani Tabora Tuwasa Namyaki Moleli alisema kwamba wanalishukuru shirika la Tanesco kwa kufanya kitu kama hiki amchao kinachochea ujirani mwema licha ya kupita bilia kwa wakati

Alisema ni wajibu kwa kila Taasisis na watu binafsi wanatumiahuduma ya  umeme au huduma yoyote nyingine ikiwemo maji kukumbuka kulipa bila kwa wakati .

“ umeshapata huduma na umetumia huduma ndivyo hivyo hivyo inakupasa kukumbuka kulipa bili kila mwezi ulipotumia huduma hiyo .alisem Namyaki  

Kamishna wa Sera wa Wizara ya Fedha na Mipango, Bw. Elijah Mwandumbya, akisisitiza wadau wa ukusanyaji wa mapato yasiyo ya kodi kuongeza jitihada zaidi, wakati wa  Semina ya taratibu za ukusanyaji wa mapato hayo, jijini Dodoma.

Na Mwandishi Wetu

 
Serikali imezitaka wizara, idara zinazojitegemea na taasisi za Serikali zinazokusanya Mapato yasiyo ya kodi, kuongeza juhudi katika ukusanyaji wa mapato ili kufikia malengo ambayo Serikali imejiwekea kwaa mwaka wa fedha 2022/2023.

Rai hiyo imetolewa jijini Dodoma na Kamishna wa Sera wa Wizara ya Fedha na Mipango, Bw. Elijah Mwandumbya, wakati wa Semina ya taratibu za ukusanyaji wa Mapato yasiyo ya kodi iliyowakutanisha maafisa mipango, TEHAMA, wahasibu na wakaguzi wa ndani.

Bw. Mwandumbya alisema tathmini za hivi karibuni zinaonesha mwenendo usioridhisha wa mapato yasiyo ya kodi kwa Wizara, Idara zinazojitegemea na Taasisi za Serikali zinazokusanya mapato hayo ukilinganisha na  mapato ya kodi.

“Katika Bajeti ya mwaka huu Serikali imejipanga kutumia shilingi trilioni 41 hivyo ni lazima tuikusanye ili kuweza kutekeleza Bajeti iliyopitishwa na Bunge, Mapato hayo ni ya kodi yanakusanywa kupitia Mamlaka ya Mapato Tanzania (TRA) na mapato yasiyo ya kodi yanayokusanywa na Wizara, Idara zinazojitegemea na taasisi za Serikali”, alieleza Bw. Mwandumbya.

Alisema kuwa licha ya mapato yanayokusanywa na TRA, wizara na idara zinazojitegemea, kiasi kinachobaki katika utekelezaji wa bajeti Serikali hukopa mikopo yenye gharama nafuu au mikopo ya kibiashara ambayo ni takribani asilimia 40 ya bajeti yote.

Alisema Serikali hufanya maamuzi ya kukopa ili kutekeleza mipango iliyojiwekea ikiwemo ya utekelezaji wa miradi mikubwa ya kimkakati ambayo ikikamilika inafungua fursa nyingine za kiuchumi kwa Sekta binafsi kukua na hatimaye kuzalisha mapato zaidi.

Bw. Mwandumbya alibainisha kuwa inapotokea kuna eneo ambalo halijafanikiwa  katika ukusanyaji wa mapato hata kama lilipangiwa kiwango kidogo cha mapato, huathiri utekelezaji wa bajeti Serikali.

Hivyo aliwataka wataalamu walioshiriki semina hiyo kuwa chachu kwa wengine katika maeneo yao kwa kuwajengea uwezo ili kuleta ufanisi na kuhakikisha kuwa taratibu stahiki zinazingatiwa katika ukusanyaji na usimamizi wa mapato ya Serikali.

Kwa upande wake mshiriki wa semina hiyo, Bi. Rose Werema, kutoka Mahakama ya Tanzania alisema wanaishukuru Wizara ya Fedha na Mipango kwa kuandaa mafunzo hayo kwa kuwa yatawasaidia kuweka mikakati ambayo itawezesha kufikia malengo ya ukusanyaji wa mapato kulingana na vyanzo vilivyoainishwa.

“Tumeweza kupitishwa katika malengo ambayo Serikali imeweka kwa ajili ya kuweza kuendesha huduma zake mbalimbali na katika hayo tuna sehemu ya kuweza kuchangia ili kufanikisha lengo la Serikali.” alisema Bi. Werema

Wafanyakazi wa shirika la Posta Mkoa wa Singida wakishiriki zoezi la kufanya usafi ikiwa ni maadhimisho ya wiki ya huduma kwa wateja yaliyofanyika jana mkoani hapa. Wa pili kulia ni  Meneja wa Posta mkoani hapa, Michael Mwanachuo.

Picha ya pamoja.

Picha ya pamoja.

Na Godwin Myovela, Singida

KAULI Mbiu inayovuma kwa kasi ya Shirika la Posta nchini (TPC) isemayo ‘Posta Twenzetu Kidijitali-Haijawahi Tokea! imezidi kujidhihirisha kupitia ofisi za shirika hilo mkoani hapa, ambapo kupitia wiki ya huduma kwa wateja, mamia ya wananchi wameonyeshwa kufurahishwa na maboresho ya kihuduma yanayoendelea kutolewa kwa sasa.

 Akizungumza muda mfupi baada ya wafanyakazi wa shirika hilo kushiriki zoezi la kufanya usafi wa mazingira na kutoa faraja kwa wagonjwa ndani ya hospitali ya mkoa wa Singida-kama azma yake kwenye ushiriki wa majukumu ya kijamii, Meneja wa Posta mkoani hapa, Michael Mwanachuo, pamoja na mambo mengine alisema mwaka huu shirika hilo limekuja kivingine.

Alisema wakiwa kwenye maadhimisho ya wiki ya huduma kwa wateja, inayokwenda sambamba na shamrashamra za shirika hilo kuelekea kilele cha siku ya Posta Duniani ambayo huadhimishwa ifikapo Oktoba 9 kila mwaka shirika kwa kuzingatia mifumo ya kasi ya TEHAMA linaendelea kusafirisha barua kwa njia ya haraka (EMS) ndani na nje ya nchi na usafirishaji mizigo mikubwa.

Pia kwa kutumia TEHAMA ya Posta Kiganjani ambayo humwezesha mteja yeyote kupata huduma za posta popote, Mwanachuo alisema mpaka sasa fursa mbalimbali kwa matokeo bora na ya uhakika zinaendelea kutolewa kwa kuzingatia kasi na ufanisi, ikilinganishwa na siku za nyuma.

“Posta kwa sasa tupo kidijitali zaidi nitoe wito kwa umma kuzidi kutembelea ofisi za shirika letu na kutuunga mkono kwa kujipatia huduma zetu mbalimbali za kidijitali zilizoboreshwa.” Alisema Mwanachuo.

Shirika hilo kwa sasa pamoja na mambo mengine linatoa huduma za kidijitali za Uwakala wa Fedha, Masanduku ya Barua, Duka Mtandao, Intaneti Café, na mfumo madhubuti wa kufuatilia barua au kifurushi kilichotumwa kupitia mtandao kujua kimefikia wapi au kimepokelewa na nani.

Huduma nyingine ni pamoja ‘Posta Cash’, Uwakala wa Bima, Huduma za uuzaji wa hisa za makampuni mbalimbali na huduma za Bodi ya Mikopo na Baraza la Mitihani sanjari na huduma kwa wananchi wanaohitaji vyeti vya kuzaliwa ambapo kazi ya kujaza fomu na nyaraka zote ni sehemu ya majukumu ya shirika hilo ambapo mwananchi akikamilisha taratibu zote anakwenda kwa Wakala wa Usajili Ufilisi na Udhamini (RITA) kwa hatua ya mwisho ya kuchukua cheti.

Shamrashamra hizo zilipambwa na shughuli mbalimbali kwa shirika hilo mkoani hapa kufanya usafi wa mazingira, utoaji wa huduma za kidijitali sanjari na kujumuika kukata na kula keki na wateja wake ‘wakiwemo wachezaji wa Timu ya Mpira wa Miguu ya Singida Big Stars’ kama sehemu ya kurudisha shukrani.

Mkurugenzi wa Landesa Tanzania, Godfrey Massay akipekua baadhi ya taarifa za ardhi wakati wa mafunzo ya wanahabari na wadau wa ardhi yaliyofanyika mjini Morogoro.

Adeladius Makwega–MAKOLE

Oktoba 5, 2022 nikiwa Mji wa Serikali Jijini Dodoma, nilipata bahati ya kumuona Ali Mayai Tembele akipita katika ofisi moja ya watumishi wa Wizara ya Utamaduni, Sanaa na Michezo ambapo alimsabai mwanakwetu. 

Katika msafara wake ndugu Tembele ambaye ni Kaimu Mkurugenzi wa Idara ya Maendeleo ya Michezo nchini aliambatana na Ado Komba ambaye mimi natambua cheo chake cha awali ni Mkurugenzi Msaidizi wa Maendeleo ya Michezo nchini kabla ya kuondolewa mwalimu Yusuf Singo.

Mwalimu Ado Komba ni kiongozi ninayeheshimiana naye sana na kumfahamu muda mrefu tangu akiwa TAMISEMI, siku hiyo alimuongoza ndugu Tembele nilipo na kusema neno hili,

“Huyu jamaa unayemuona anaitwa Kazimbaya Makwega, hatari sana, kuwa naye makini.” Aliyasema maneno haya kwa utani huku na mwanakwetu akicheka, akilini mwangu nikatafakari sana kwa kuwa Ado Komba ni mwalimu wa michezo wa muda mrefu na utani katika michezo una nafasi kubwa katika kupeleka ujumbe. 

Nilijiuliza kwanini Mwalimu Komba anitanie mbele ya kiongozi mgeni? Kwani asinitanie hivyo tukiwa wenyewe ? Mbona hajawai kunitania hivyo? Nikatafakari hilo nikasema hapa na mimi niseme jambo kwa kiongozi huyu mpya wa michezo nchini Tanzania ambaye ndiyo kwanza ameingia ofisini. Ofisi nilipokuwapo kwa juu kulikuwa na picha Rais wa Jamhuri ya Muungano wa Tanzania mheshimiwa Samia Suluhu Hassan ikishuhudia Tembele na Komba nikizungumza nao.

“Tembele wasaidie hawa jamaa, kwa sasa ni sawa na ile simulizi ya nitampiga mchungaji wa kondoo na kundi lake litatawanyika, waweke pamoja, fanya nao kazi kwa karibu hili tupate maendeleo ya michezo nchini Tnazania.”

Ali Mayai akacheka, wakaondoka zao kuelekea ofisi zingine za wizara hiii.

Kwa bahati nzuri Mkurugenzi wa Michezo aliyeondoka ndugu Yusuf Singo binafsi ninamfahamu na nimewahi kuingia nae katika vikao kadhaa vya kamati za Bunge akiwa na viongozi kadhaa wa Wizara ya Habari, Utamaduni, Sanaa na Michezo na baadaye Wizara ya Utamaduni, Sanaa na Michezo.

Ninaweza kusema haya dhidi yake,

“Yusufu Singo alikuwa ni Mkurugenzi mwenye umahiri mkubwa katika propaganda ya michezo na hata anapolielezea suala la michezo kwa mtu anayefahamu elimu hii na hata yule ambaye hafahamu elimu hiyo ilikuwa ni rahisi mno kumuelewa, kwa hakika alikuwa anafahamu michezo ya darasani vizuri sana. Lakini Singo hakuwa mchezaji wa moja kwa moja kitu ambacho Ali Mayai Tembele anacho japokuwa Tembele nayeye kuwa mahiri katika propanganda ya michezo yote anakosa, lakini mchezo wa soka propaganda yake anaifahamu.”

Tembele kuwa mchezaji wa mchezo mmoja shida yake bado anahitaji mno elimu ya kuwekeza kujifunza uongozi katika michezo mingine kama vile riadha, ngumu, netibali na kadhalika na kuifahamu hiyo ndiyo kurugenzi ya michezo, ili afuzu katika hilo ndugu huyu anawajibu wa kuwakusanya kondoo waliotayawanyika baada ya kupigwa mchungaji wao.

Ninaamini Ili kuboresha michezo nchini nafasi kama hizi wakati mwingine kama itatupendeza tuchukue maafisa michezo waliopo katika katika vyombo vya ulinzi ili waje kujenga ari ya michezo kitaifa na mwisho mafanikio ya michezo.

Swali ambalo linabaki kwa kila mmoja wetu kama Yusuf Singo alishindwa je alishindwa yeye mwenyewe peke yake? Sie tulio chini au wale walio juu hawakumkwamisha? Je adhabu inapaswa kuendelea kwa walio chini na walio juu yake? Je Tembele hayawezi kumkuta yalimkuta Yusuf Singo?

“Katika michezo tukishinda tunashinda sote; tukifungwa tunafungwa sote.” Hii tafakari sana msomaji wangu.

Mwanakwetu ninaomba niishie hapo kwa leo,  kwaheri Yusuf Singo Karibu Ali Mayai.

makwadeladius@gmail.com

0717649257

Mamlaka ya Majisafi na Usafi wa Mazingira Dodoma (DUWASA) inaungana na taasisi, mamlaka na kampuni mbalimbali kuadhimisha ‘Wiki ya Huduma kwa Mteja’ kwa kuwafikia wateja wake wakubwa na wadogo katika maeneo tofauti tofauti.

Mkurugenzi wa Manunuzi DUWASA, Bw. Alex Maheri akiongoza ujumbe wa Mamlaka hiyo kwa niaba ya Mkurugenzi Mtendaji, Mhandisi Aron Joseph amekabidhi cheti cha kumtambua mteja wetu mkubwa ambaye ni Chuo Kikuu cha Dodoma (UDOM).

Cheti hicho, kimepokelewa na Naibu Makamu Mkuu wa UDOM, Profesa Wineaster Saria.

Baadhi ya viongozi wengine wa DUWASA walioambatana na Maheri ni Kaimu Mkurugenzi wa Huduma kwa Wateja, Bw. Philipo Funga, Meneja Huduma kwa Wateja, Bi. Pendo Mkali.

Wengine ni, Kaimu Mkuu wa Kitengo cha Mawasiliano na Uhusiano, Bw. Edwin Mwijage na Meneja wa DUWASA Kanda ya Kongwa, Bw. Amran Gama ambapo walitoa elimu, kupokea na kusikiliza malalamiko na ushauri kutoka kwa wateja katika Kanda ya Kongwa eneo la Morisheni, Machinjioni na Ngonga.

Na John Richard Marwa

'Kila Ndege huruka na mbawa zake' ndio, kama Popo na mbawa zake huruka kivyake, Mwewe na mbawa zake hunyakua mwenyewe, ni kama kasi ya binadamu Iko miguuni mwake.

Leo ni siku adhimu kwenu wanasimba, siku inayowakumbusha mapito yenu yaliyojenga jina lenu na limekaa kwenye mioyo ya Waafrika na wapenda soka.

Ni kipindi cha kwanza cha dakika 90 za ugenini dhidi ya De Agosto fanyeni kama mlivyowafanya Mbabane Swallows, Nkana Red Devils na Red Arrows hapo jana.

Njia ni ileile ya kusini mwa Afrika, kwenda kuwatesa kaskazini mwa Afrika mliyoifanya kuwa mbuga yenu. Sio Serengeti wala Ngorongoro bali mapori yote ya Afrika mnayatawala.

Kumbukeni 'Maji ukiyavulia nguo huna budi kiyakoga' kawaonyeshe hao wa Angola namna ya kukoga na kunawa, namna ya kutafuna kisha njooni nao muwafunze kumeza.

Vipi Ndugu yenu kawaangusha?? ama mlimuachia mzinga asijue cha kufanya? Nyuki wamemwachia nundu, sumu Iko kwenye utamu wake. Si mnajua mzinga wenu na nyuki wake, basi 'Mfuata nyuki hakosi asali', asali' yenu ni De Agosto, mumunyeni ama lambeni lunyasi.

Mnatambua kuna ugumu, lakini msisahau.. 'Mchumia juani hulia kivulini' kubalini kuteseka leo, kivuli cha makundi mtashibia hapo si mnajua zigo limetuna?!

Kama kuna ugumu utajitokeza kumbukeni Mkoba wenu... 'Mbinu hufuata mwendo' ishini humo maana mwendo wenu mnaujua, basi rejesheni mbinu zenu kwenye uwanja wa vita.

Vipi nafsi zenu zimepooza baada ya mtani kushindwa kutamba ama Azam kulishwa 'ice cream zake mwenyewe'?! Kumbukeni kuwa 'Mchimba kisima huingia mwenyewe' ndio hiki ni kisima chenu wenyewe mlichokichimba ingieni kunyweni maji yenu kwa utulivu, ndugu zenu wataendelea kujifunza wawe kama nyinyi.

Kila la heri Simba SC, kumbukeni mna Chama, Okrah, Phiri, Sakho, Bocce, Zimbwejr, Kanoute, Mkude, Mzamiru, Inonga, Onyango, Manula na vijana wenu, Afrika inawaamini ndo fahari ya  hatua ya makundi Ligi ya Mabingwa Afrika CAFCL.

Mkuu wa Wilaya ya Ilala, Ng’wilabuzu Ludigija (wa pili kushoto) akipeana mkono na Mkaguzi Mkuu wa Ndani wa Benki ya NMB, Benedicto Baragomwa katika hafla ya kukutana na wateja wakubwa wa Benki ya NMB katika hoteli ya Johari Rotana jijini Dar es salaam. Kushoto ni Mstahiki Meya wa jiji la Ilala, Omar Kumbilamoto na kulia ni Meneja wa NMB Kanda ya Dar es Salaam, Donatus Richard.

Ufanisi mkubwa wa kiutendaji ambao Benki ya NMB imeupata miaka ya hivi karibuni umeiwezesha taasisi hiyo kinara wa huduma za kifedha nchini kuimarika kiufadhili.

Viongozi wake waandamizi wamebainaisha mwishoni mwa juma lililopita kuwa miongoni mwa matokeo ya kufanikiwa huko kifedha ni kuiwezesha benki hiyo kuongeza kiasi cha mkupuo mmoja wa mkopo kwenye miaka ya hivi karibuni.

Akizungumza Ijumaa jijini Dar es Salaam wakati wa hafla ya Mtandao wa Wateja Wakubwa na Wanaochipukia (BEN) wa NMB Mkaguzi Mkuu wa Ndani wa benki hiyo, Bw Benedicto Baragomwa, alisema kiwango kikubwa cha mkupuo mmoja wa mkopo sasa kimefikia TZS bilioni 250.

Kiasi hicho ni kikomo cha kikanuni ambacho benki hiyo inaweza kumkopesha mteja mmoja kwa mkupuo.

Hilo limewavutia sana wateja wa NMB na viongozi wa jiji na mkoa wa Dar es Salaam walioudhuria mkutano huo walioipongeza kwa hatua hiyo kubwa kiufadhili na kusema ni matokea ya uwezo wake kiubunifu na uwekezaji wa kizalendo inaoufanya nchini.

“Sisi ndio mkopeshaji mkubwa mwenye viwango vya faida ambavyo havina mpizani sokoni na haina tofauti tofauti za huduma za mikopo kama ile ya dharura inayopatikana papo kwa papo kidijitali kwa kutumia simu za mkononi,” Bw Baragomwa aliwaambia washiriki 100 wa mkutano wa BEN wa Mkoa wa Dar es Salaam.

Akizungumza katika hafla ya namna hii iliyofanyika pia katuika jiji la Mbeya, mkuu wa idara ya mikopo wa benki ya NMB, Demetus Kamguna alisema sasa hivi NMB inajivunia kuwa na mizania mipana yenye rasilimali zenye thamani ya takribani TZS trilioni 9 pamoja na amana zipatazo TZS trilioni 6.6.

Aidha, alisema kukua kwa mali zake zote kumesaidia kupanua kiasi cha mtaji wake hadi zaidi ya TZS trilioni 1 na kupelekea kuzidisha ukomo wa mkupuo mmoja kwa kila mkopaji mwenye sifa.

“Pia NMB tunatoa mikopo kadri ya uwezo wa mfanyabiashara, tukiwa na uwezo wa kutoa hado TZS bilioni 250 kwa mkopaji mmoja,” kiongozi huyo mwandamizi alisema kwenye mchapalo huo wa kujadili masuala muhimu na wateja wake wakubwa wa Mkoani Mbeya uliofunguliwa rasmi ya Mkuu wa Mkoa ya Mbeya, Bw Juma Homera.

Akielezea kiwango kipya cha mkupuo wa juu wa mkopo kwa kila mteja, Mkuu wa Idara ya Biashara wa NMB, Bw Alex Mgeni, alimwambia mwandishi wa habari hii kuwa maendeleo ya ukopeshaji yaliyopatikana pia ni matokea chanya ya faida kubwa ambazo NMB imekuwa ikipata miaka ya hivi karibuni.

Pamoja na mambo mengine mengi, faida za NMB zimekuwa pia zikitumika kuimarisha utendaji na uendeshaji wa benki hiyo na pia kudhatiti mtaji wake. Matokeo ya uwekezaji huo, Bw Mgeni alifafanua, ni pamoja na kuongeza kiwango cha NMB kuwakopesha wateja wake.

“Kimsingi, mtaji wetu sasa ni TZS trilioni 1.2 ambazo zinapelekea mkupuo mmoja wa mikopo yetu kufikia hadi TZS bilioni 300 kwa kuzingatia kanuni ya Benki Kuu ya benki kukopesha asilimia 25 ya mtaji wake,” Bw Mgeni alisema.

Katika hotuba yake ya ufunguzi, Mkjuu wa mkoa wa Mbeya aliwasihi Benki ya NMB kuendelea kuwaunga mmono wakulima kwani ni sekta inayokuwa kwa kasi sasna kwa hivi Karibuni huku akisisiktiza juu ya kuendelea kuwek nguvu kubwa katika ufadhili wa kilimo cha maparachichi, mchele na pareto.

Aidha, katika hafla ya jijini Dar es Salaam, Mkuu wa Wilaya ya Ilala, Bw Ludigija, aliimwagia sifa NMB kwa kuja na wazo la BEN akisema si muhimu tu kwa ajili ya kupata mrejesho kutoka kwa wateja lakini pia kusaidia kuchangia mawazo ya sera za kitaifa.

NMB ilianzisha mtandao wa BEN mwaka 2014 ikilenga kuitumia mikutano yake kama jukwaa la kukutana na wateja wake wenye mzunguko wa fedha kuanzia TZS bilioni 5 kwa mwaka kwa ajili ya kubadirishana wazo na uzoefu wa kibiashara.

Mpango huo ulilenga mikoa mikubwa na inayoongoza kiuzalishaji na mpaka sasa, mtandao huu upo kwenye mikoa saba tu ambako ina washirika zaidi ya 1,000. Mikoa hiyo ni Dar es Salaam, Dodoma, Morogoro, Kilimanjaro, Mwanza, Arusha na Mbeya.

Kwa upande wake, Meya wa Ilala, Bw Omary Kumbilamoto, alisema NMB sasa ni mshirika wa kimkati wa maendeleo ya kibiashara wa kitaifa ambaye anaisaidia Serikali ya Awamu ya Sita kuboresha upatikanaji wa huduma za kijamii.

 

  Ofisa Mkuu wa Hifadhi ya Taifa ya Mlima Kilimanjaro (KINAPA) - Charles Ng'endo, akiwakabidhi rasmi bendera wafanyakazi wa Benki ya NMB watakayoipeperusha katika kilele cha Mlima Kilimanjaro. Akishuhudia ni Meneja wa NMB Kanda ya Kaskazini-Dismas Prosper (Mwenye  tisheti ya bluu).

Msafara wa wafanyakazi wa NMB wanaopanda Mlima Kilimanjaro wakiwa wameanza safari yao ya siku 7.

Na Mwandishi Wetu

Ikiwa ni mwendelezo wa kuadhimisha mwezi wa huduma kwa wateja, wafanyakazi 6 wa Benki ya NMB jana wameanza safari ya siku 7 ya kupanda Mlima Kilimanjaro kupitia geti la Machame ambapo wataipeperusha bendera ya benki hiyo katika kilele cha mlima huo.

Akizungumza katika hafla ya kuwaaga na kuwakabidhi rasmi bendera wafanyakazi hao, Ofisa Mkuu wa Hifadhi ya Taifa ya Mlima Kilimanjaro(KINAPA), Charles Ng'endo alisema kama Hifadhi ya KINAPA wamefarijika sana na utaratibu iliofanywa na NMB katika kuadhimisha mwezi huu muhimu wa huduma kwa wateja kwa kupanda Mlima Kilimanjaro, aidha wao kama hifadhi  watahakikishia kuwa wamewawekea mazingira mazuri na utaratibu mzuri wa kuwahudumia mpaka wanafika kileleni.

Aliongeza kuwa “kufanya hivi kunatusaidia kutangaza utalii wa ndani na tunafahamu hifadhi ya Taifa TANAPA na NMB tumekuwa na mahusiano ya karibu ya kibiashara na kiutoaji wa huduma kwa wananchi. Hivyo, kupanda Mlima Kilimanjaro na kufika kileleni kutaimarisha mahusiano kati yetu sote na kupeleka ujumbe kwa wateja wetu kuweza kutangaza utalii wa ndani,"

Nae Meneja wa benki hiyo Kanda ya Kaskazini-Dismas Prosper alisema kuwa, NMB kwa kutambua umuhimu wa sekta ya Utalii hapa nchini, waliona ni jambo la kifahari kusherekea mwezi wa huduma kwa wateja pamoja na wateja wao ambao wapo katika hii kwa kupandamlima Kilimanjaro ili kuutangaza mlima huo. Timu hiyo imepandishwa Mlima na kampuni ya Zara tours yenye uzoefu wa miaka mingi.

Akimalizia kuzungumza, kiongozi wa msafara huo wa wafanyakazi wa NMB ambaye pia ni Afisa Mkuu wa Wateja Wakubwa wa NMB – Alfred Shao alisema kuwa, NMB imefanya mambo mengi makubwa hapa nchini ikiwamo kuwa Benki bora na yenye masuluhisho mengi ya kifedha kwa wateja wao na kwamba wanataka kuwadhihirishia umma na wateja wao kuwa wanao uwezo wa kuwahudumia mpaka kilele cha Mlima Kilimanjaro na wajue wanamaanisha wanaposema ‘NMB Karibu Yako’.

Wengine waliopanda Mlima ni Nishad Jinah, Stella Motto, Reginald Baynit, Agnes Mlolele na Christopher Mwalugenge

Na Mwandishi Wetu

MAOMBI maalum ya  kuwaombea viongozi wakuu wa nchi, pamoja na Tanzania kwa ujumla yanatarajia kuanza leo (jumatatu) jijini Dar es Salaam.

Maombi hayo ya wiki moja yatakayoambatana na semina ya neno la Mungu yameandaliwa na kanisa la Calvary Tanzania Assemblies of God (CAG) 'Chuo cha Manabii', lililopo eneo la Bandari Kavu, Ubungo Maziwa.

Akizungumza kanisani hapo jana,Katibu wa Kanisa hilo Lucas John alisema maombi hayo ni sehemu ya kutimiza maandiko katika biblia.

"Maandiko katika waraka wa kwanza kwa Timotheo 2:1-2,Mungu ameliagiza kanisa kufanya maombi kwa ajili ya viongozi na wenye mamlaka ili Taifa lidumishe upendo,amani na utulivu,"alisema

"Kufanya hivi ni katika kutii agizo hilo pamoja na kutekeleza moja ya majukumu ya msingi ya kanisa letu,"aliongeza

Katibu huyo alisema maombi hayo yataongozwa na Mchungaji Kiongozi wa Kanisa hilo,Imelda Maboya akishirikiana na viongozi wengine,yatafikia tamati jumapili ijayo Octoba 16,2022

"Tunawakaribisha watu kutoka sehemu mbalimbali jijini kuhudhuria maombi haya yatakayokuwa yakianzaa saa 11 jioni kanisani hapa,"aliongeza.

CAG ina makanisa zaidi ya 1500 Tanzania Bara na Zanzibar.