Waziri wa Ujenzi na Uchukuzi, Mhandisi Leonard Chamuriho (katikati waliokaa) akiwa katika picha ya pamoja na  wajumbe wa baraza la wafanyakazi la sekta ya Uchukuzi, mara baada ya kulifungua Mkoani Mwanza.

Waziri wa Ujenzi na Uchukuzi,  Mhandisi  Leonard Chamuriho,  amewataka wafanyakazi wa sekta ya uchukuzi kuhakikisha wanatekeleza makubaliano yaliyosainiwa kati yao na wakuu wa taasisi ili kuwe na ufanisi na thamani ya fedha.

Waziri Chamuriho ameyasema hayo mara baada ya kufungua baraza la wafanyakazi wa sekta hiyo, lilifanyika katika ukumbi wa chuo cha Benki Kuu (B.o.T) Mkoani Mwanza na kusisitiza kuwa Serikali haitasita kuchukua hatua kwa mtumishi atakayekiuka makubaliano hayo.

"Hatutasita kuchukua hatua pale tutakapobaini kuwa kazi zinafanywa kwa mazoea na kusahau malengo tuliyojiwekea kwa utendaji wa kazi za kila siku. "alisema waziri Chamuriho.

Aidha waziri chamuriho amesisitiza umuhimu wa taasisi za sekta ya uchukuzi kushirikiana ili kuwa na matokeo chanya hususani katika miradi mikubwa ya kimkakati inayotekelezwa kwenye miundombinu.

Hata hivyo waziri Chamuriho ameeleza changamoto ya vishiria vya uwepo rushwa na kuwataka watumishi wa sekta ya uchukuzi kujiepusha kwa kuzingatia sheria, kanuni na taratibu za utumishi.

"Zipo rushwa za aina nyingi, ikiwemo za kuomba fedha, zawadi, mapenzi  na hata kuwanyima haki watu haki zao, unyanyasaji wa kijinsia, na  ukiukaji wa haki za binadamu ". Alisema Waziri Chamuriho.

Kwa upande wa Mwenyekiti wa Baraza hilo ambaye ni Kaimu Katibu Mkuu wa Sekta ya Uchukuzi, Gabriel Migire amemuhakikishia Waziri Mhandisi Chamuriho kuwa maelekezo yote yatafanyiwa kazi na kutoa mrejesho kwa kuzingatia

Katika hatua nyingine Mwenyekiti, Gabriel Migire amempongeza Waziri Chamuriho kwa utendaji uliotoa matokea chanya kwenye miradi ya ki  mkakati ya sekta ikiwemo ujenzi wa Reli ya Kisasa ya SGR, Ununuzi na Ukarabati wa Meli za Mv Viktoria na Butiama, ujenzi wa Chelezo, Ujenzi wa Meli Mpya ya MV. Mwanza na Ununuzi wa Ndege.

Mkuu wa Wilaya ya Muleba, Mhandisi Richard    Ruyango, akitoa maagizo ya kukamatwa kwa msimamizi wa Bandari ya Katembe Magarini, Maduhu Makajanga.

Na Lydia Lugakila, Muleba

Mkuu wa Wilaya ya Muleba Mkoani Kagera, Mhandisi Richard Ruyango, ameagiza kukamatwa kwa  msimamizi wa bandari ya Katembe Magarini, Maduhu Makajanga, kutokana na tuhuma ya kuwatoza tozo kubwa ya ushuru wafanyabiashara wa samaki kinyume na utaratibu wa Serikali baada ya wafanyabiashara hao kulalamikia kitendo hicho.

Hayo yamejiri baada ya mkuu wa wilaya huyo kutembelea bandari hiyo na kuzungumza na wafanyabiashara hao katika mwaro huo.

Wakilalamikia Hali hiyo wamesema kuwa awali walikuwa watozwa ushuru wa Kawaida unaoendana na maelekezo ya Serikali licha ya bandari hiyo kuanza kupadisha tozo hivyo na kuwalazimu kutumia badari Nyingine ya Mngaza iliyopo Wilayani chato.

Naye Mkuu wa Wilaya ya Muleba Mhandisi Richard Ruyango baada ya kusikiliza malalamiko hayo ameamuru msimamizi huyo wa bandari akamatwe ili ahojiwe  na taasisi ya kuzuia na kupambana na rushwa(TAKUKURU).
 
Mkuu wa Wilaya ya Muleba Mkoani Kagera Mhandisi Richard Ruyango ameagiza kukamatwa kwa  msimamizi wa bandari ya Katembe Magarini Bwana Maduhu Makajanga kutokana na tuhuma ya kuwatoza tozo kubwa ya ushuru wafanyabiashara wa samaki kinyume na utaratibu wa Serikali hii ni baada ya wafanyabiashara hao kulalamikia kitendo hicho.

Hayo yamejiri baada ya Mkuu wa Wilaya ya Muleba Mhandisi Richard Ruyango kutembelea bandari hiyo na kuzungumza na wafanyabiashara hao katika mwaro huo.

Wakilalamikia Hali hiyo wamesema kuwa awali walikuwa watozwa ushuru wa Kawaida unaoendana na maelekezo ya Serikali licha ya bandari hiyo kuanza kupadisha tozo hivyo na kuwalazimu kutumia badari Nyingine ya Mngaza iliyopo Wilayani chato.

Naye Mkuu wa Wilaya ya Muleba Mhandisi Richard Ruyango baada ya kusikiliza malalamiko hayo ameamuru msimamizi huyo wa bandari akamatwe ili ahojiwe  na taasisi ya kuzuia na kupambana na rushwa. (TAKUKURU).

Nyavu haramu 1565 zenye thamani ya Sh. Bilioni 1.4 zikiteketezwa mkoani Kagera.

Na Lydia Lugakia, Muleba
 

Kamati ya Ulinzi na Usalama wilayani Muleba mkoani Kagera imefanikiwa kuteketeza nyavu haramu zipatazo 1565 zenye thamani ya bilioni 1.4 katika mwaro wa magarini uliopo katika kata ya Nyakabango.

Kwa mujibu wa mwenyekiti wa kamati ya ulinzi na usalama Wilayani humo ambaye pia ni mkuu wa Wilaya ya Muleba Mhandisi Richard Ruyango  nyavu hizo zipo zilizo salimishwa na nyingine kukamatwa katika  zoezi la doria iliyoendeshwa kwa kipindi cha mwaka 2019/2020.

Mhandisi Ruyango amesema kuwa nyavu hizo zilizokamatwa na kusalimishwa ni kokoro 538, nyavu ndogo za dagaa 12, timba 305, nyavu ndogo za makila 705 na katuli 5 .

Kufuatia Hali hiyo kamati hiyo imesema haitomfumbia macho mvuvi yoyote ambaye atavua kinyume na sheria katika ziwa  victoria.

Kwa upande wake Afisa Uvuvi Wilaya ya Muleba, Wilfred Tibendelana, amesema katika kuendelea kudhibiti uvuvi usiokubalika kisheria huku halmashauri hiyo ikiahidi kuendelea kushirikiana na kamati ya ulinzi na usalama pamoja na viongozi wa vijiji na kata ili kulinda rasilimali za ziwa victoria na Burigi.

Kwa upande wao baadhi ya wananchi wilayani Muleba wameshukuru kamati hiyo kwa zoezi hilo licha ya uwepo wa changamoto ya baadhi ya viongozi waliopo katika maeneo yao kujihusisha na vitendo vya rushwa baina yao na wavuvi hivyo kuishauri ofisi ya mkurugenzi mtendaji wa halmashauri hiyo kufanya doria za mara kwa mara ili  kuwachukulia hatua Kali za kisheria viongozi hao.

Afisa Elimu Sekondari wa Wilaya ya Ikungi, Mwalimu Ngwano Ngwano akizungumza kwa niaba ya mkurugenzi wa halmashauri ya wilaya hiyo, Justice Kijazi na Mkuu wa Wilaya Edward Mpogolo amempongeza na kumshukuru Mtaturu kwa dhamira yake ya kusaidia maendeleo ya wananchi kwenye sekta mbalimbali katika jimbo hilo.

Na Dotto Mwaibale, Ikungi

MBUNGE wa Singida Mashariki, Miraji Mtaturu ameendelea kuwa kumbuka wanafunzi katika jimbo lake kwa kuwanunulia vifaa mbalimbali vya shuleni.

Vifaa alivyotoa ni sare za shule, madaftari na kalamu vyote vikiwa na thamani ya zaidi ya shilingi milioni 30 ambapo wanufaika ni wanafunzi wa shule za msingi na sekondari wapatao 1161 kutoka katika familia zisizo na uwezo zilizopo jimboni humo.

Hatua hiyo ni utekelezaji wa ahadi yake ya kuwasaidia wanafunzi katika jimbo hilo ikiwa ni kuunga mkono jitihada za Rais Dkt. John Magufuli za kutoa elimu bure kuanzia shule za msingi hadi sekondari.

Akizungumza wakati akigawa vifaa hivyo leo hii Mtaturu alisema amekuwa akifanya hivyo tangu alipo chaguliwa kuwa mbunge wa jimbo hilo.

“Serikali yetu ya awamu ya tano imewekeza kwenye elimu, inatoa elimu bila ya malipo nami kama mbunge wa jmbo hili nimeona niunge mkono jitihada hizo kwa kusaidia sare na vifaa vya shule ili kusiwepo kikwazo na hivyo kuwezesha lengo la serikali kutimia,” alisema Mtaturu.

Alisema katika utendaji kazi wake kipaumbele chake cha kwanza ni elimu kwa kuwa ndio msingi wa maendeleo hasa kwa watoto.

Mtaturu alisema dhamira yake hiyo ya kuwasaidia wanafunzi hao inaenda sambamba na kauli mbiu yake isemayo  'ElimuYetu, Maendeleo Yetu' inayochochea upatikanaji wa elimu kwa wote ili iwe njia ya kupatikana kwa maendeleo.

Kwa upande wake Afisa Elimu Sekondari wa Wilaya ya Ikungi, Mwalimu Ngwano Ngwano akizungumza kwa niaba ya mkurugenzi wa halmashauri ya wilaya hiyo, Justice Kijazi na Mkuu wa Wilaya Edward Mpogolo amempongeza na kumshukuru Mtaturu kwa dhamira yake ya kusaidia maendeleo ya wananchi kwenye sekta mbalimbali katika jimbo hilo.

NA DANSON KAIJAGE, SHINYANGA

MKUU  wa Mkoa wa Shinyanga  Zainab Telack ameagiza Maafisa Kilimo Mkoani Shinyanga kutoa elimu ya mfumo wa stakabadhi gharani kwa wakulima wa zao la choroko ili waache tabia ya kuuza mazao yakiwa bado kuepuka kuwanufaisha wanunuzi badala ya wakulima ambao wanatumia nguvu nyingi kuandaa mazao hayo.

Kiongozi huyo wa Mkoa amesema hayo jana wakati wa ufunguzi wa kikao cha siku moja kilichowakutanisha  wadau wa zao la choroko Mkoani Shinyanga ili kujadili namna bora ya matumizi ya mfumo wa stakabadhi gharani kwa lengo la kuhakikisha unaleta tija kwa wakulima wa zao hilo na taifa kwa ujumla.

Aidha  Telack aliongeza kuwa kwa kutumia mfumo wa stakabadhi gharani itawezesha wanunuzi wa zao la choroko kujua sehemu sahihi ya kupata zao hili likiwa katika ubora na kuepuka kuibiwa fedha zao na matepeli.

 Telack amesema  kuwa ni agizo la serikali kuhakikisha mazao ya aina ya kunde yanatumia mfumo stakabadhi gharani kama ilivyo kwa zao la korosho na sasa Shinyanga kwa kuanzia inaanza na zao la Choroko na baadae itahamishia nguvu zake kwenye zao la dengu na mpunga lengo likiwa kuahakikisha wakulima wa mazao haya wanapata faida ya jasho lao na kujiletea maendeleo.

 ‘’Nataka kuona wakulima Mkoani Shinyanga wakiwa na uwezo wa kusomesha watoto, kujenganyumba bora na kufaidika na jasho lao sio mkulima analima mpunga katika maji mengi lakini mnunuzi ananunua mpunga bado ukiwa shambani nakuvuna gunia sitini kwa kumlagai mkulima kwa kumpatia bodaboda.’’Amesema Mkuu wa Mkoa huo.

Pis  Telack alimwagiza Kaimu Mrajisi wa Vyama Vya Ushirika Mkoa wa Shinyanga,Hilda Simon kukutana na viongozi wa vyama vya msingi na Cha Ushirika Mkoa wa Shinyanga(SHIRECU) kuweka mikakati ya pamoja ya kutoa elimu kwa wakulima ili wajue faida za kutumia mfumo wa stakabadhi gharani.

Naye Kaimu Mrajisi wa Vyama Vya Ushirika Mkoa wa Shinyanga Hilda Simon alisema kuwa changamoto ya kushindwa kutumia mfumo wa stakabadhi gharani inapelekea kushindwa kuwa na takwimu sahihi za zao hilo, kuendelea kuwepo kwa utoaji vibali holela vilivyokuwa vikitolewa na Halmashauri bila kupitia vyama vya Msingi.

Hilda aliongeza kuwa vibali hivyo vilikuwa vikitolewa kwa wanunuzi wa kati ambao kimsingi ndio wapinzani wa mfumo wa stakabadhi gharani na hivyo kuendelea kumyonya mkulima kwa kununuoa choroko kwa bei za chini akitaja pia changamoto ya wakulima kukosa uvumilivu wa kusubili malipo kuwa ni sababu pia ya kushindwa kutumia mfumo wa stakabadhi gharani.

Wakati huo huo Mwenyekiti wa Chama cha Mapinduzi Mkoa wa Shinyanga Mabala Mlolwa aliwaambia wadau wa kikao hicho kuwa viongozi wa vyama msingi mkoani humo ni tatizo sana kwakuwa hawajui uchungu wa wakulima kwani hawana hata shamba moja kazi yao imekuwa ni kuongea maneno maneno tu nakuwataka wakulima kuchagua viongozi ambao pia wana mashamba ya zao hilo.

Suala la Mfumo wa Stakabadhi Shambani sio jipya lakini kumekuwepo changamoto mbalimbali za utekelezaji wa mfumo huo ndio maana Mkoa unajipanga upya kuhakikisha unaondoa changamoto zilizopo na kutafuta namna bora ya uendeshaji mfumo huo kwa kushirikisha wadau wa zao hilo.

Naibu Waziri wa Ujenzi na Uchukuzi, Mhandisi Godfrey Kasekenya, akitoa maelekezo kwa uongozi wa Chuo cha Reli cha Tabora na watalaamu wa karakana ya reli iliyopo mkoani humo.

Naibu Waziri wa Ujenzi na Uchukuzi Mhandisi Godfrey Kasekenya, amezungumzia umuhimu wa Chuo cha Reli Tabora kuongeza kozi za reli zinazoendana na mabadiliko ya sayansi na teknolojia ili kuzalisha wataalam wengi wa reli wataohudumu katika miradi mikubwa ya reli inayoendelea kujengwa nchini. 

Ameyasema hayo mkoani Tabora, wakati alipokagua chuo hicho na karakana ya reli ambapo pamoja na mambo mengine amesisitiza kuwepo kwa mikakati madhubuti ya kulisaidia Taifa katika usimamizi na ujenzi wa miundombinu ya reli mpya ya kisasa na ile ya reli ya kati inayoendelea kuboreshwa.

"Huu ni wakati wa Shirika la Reli nchini ( TRC), pamoja na Taasisi zake kuja na mtazamo mpya utakaowezesha juhudi za Serikali za kufufua Sekta ya Reli kufanikiwa", amesema Mhandisi Kasekenya.

Aidha ameitaka TRC kuhakikisha inaboresha mifumo ya ukusanyaji wa mapato ili fedha inayopatikana iwezeshe kuboresha huduma zake na kupata faida.

Kasekenya ameeleza lengo la Serikali ni kuhakikisha mizigo mizito inasafirishwa kwa reli nchini kote ili kulinda barabara.

Aidha, Naibu Waziri Kasekenya amesisitiza umuhimu wa watumishi wa reli waliopo kazini kupata mafunzo ya mara kwa mara ili kuondoa kufanya kazi kwa mazoea.

Amewataka watumishi wa reli kuwa waadilifu na kuacha vitendo vyote vya rushwa na uhujumu ili kuiwezesha reli kuwa salama wakati wote.

"Hakikisheni huduma za reli zinakuwa za haraka na uhakika, punguzeni urasimu kwa wafanyabiashara", amesisitiza Mhandisi Kasekenya.

Naye Mkuu wa Chuo cha Reli Tabora, Bw. Damas Mwajanga, amemhakikishia Naibu Waziri huyo kuwa chuo hicho tayari kimepata ithibati ya NACTE na hivyo kimeanza kuongeza udahili wa wanafunzi ili kuweza kuhudumia soko la reli katika Ukanda wa Afrika Mashariki.

Zaidi ya wanafunzi 200 wa ngazi za cheti na diploma wanasomea mafunzo ya reli katika kampasi zake  za Tabora na Morogoro.

Chuo cha Reli cha Tabora kilianzishwa mwaka 1947 ikiwa ni kituo kikuu cha kuhudumia reli katika Ukanda wa Afrika Mashariki na kimekuwa kikitoa mafunzo ya ufundi wa treni, udereva wa treni, umeme, watalaam wa mawasiliano ya treni na wakaguzi wa mabehewa.

Kaimu Afisa Mtendaji Mkuu, Wakala ya Maabara ya Veterinari (TVLA), Dkt. Stella Bitanyi akimuonesha Naibu Waziri wa Mifugo na Uvuvi, Pauline Gekul moja ya chanjo wanazozalisha alipotembelea Kituo cha Wakala hiyo cha kutengeneza chanjo kilichopo Wilayani Kibaha, Mkoani Pwani Januari 11, 2021.

Kaimu Afisa Mtendaji Mkuu, Wakala ya Maabara ya Veterinari (TVLA), Dkt. Stella Bitanyi (kulia) akimueleza jambo Naibu Waziri wa Mifugo na Uvuvi, Pauline Gekul (katikati) alipotembelea Kituo cha Wakala hiyo kilichopo Wilayani Kibaha, Mkoani Pwani Januari 11, 2021. Kushoto ni Kaimu Msajili, Bodi ya Nyama, Imani Sichwale.

RAIS wa Zanzibar na Mwenyekiti wa Baraza la Mapinduzi Mhe.Dk. Hussein Ali Mwinyi akiwapungia mkono Wananchi wakati akiyapokea Maandamano ya Maadhimisho ya sherehe za Miaka 57 ya Mapinduzi ya Zanzibar, zilizofanyika katika viwanja vya Mnazi mmoja Jijini Zanzibar na kushirikisha Vikosi vya Ulinzi na Usalama Zanzibar Amsha Amsha Mapinduzi.(Picha na Ikulu).

WANANCHI wa Zanzibar wakishiriki katika Maandamano ya kuadhimisha sherehe za Miaka 57 ya Mapinduzi ya Zanzibar zilizoadhimishwa katika viwanja vya Mnazi Mmoja Jijini Zanzibar.

NA VICTOR MASANGU, PWANI 

Mganga Mkuu wa Mkoa wa Pwani  Gunini Kamba amewawatahadharisha na kuwaonya vikali  baadhi ya  wanafunzi wa shule ya msingi na sekondari  kuachana kabisa na vitendo vya kujisaidia  katika maeno ya vichake kwani kufanya hivyo kunaweza kusababisha madhara makubwa ya  kutokea kwa mlipuko wa magonjwa mbali mbali ikiwemo kipindu pindu.

Akizungumza na waandishi wa habari Ofisini kwake kuhusiana na   mikakati waliyojiwekea katika ngazi ya Mkoa katika kupambana na kudhibiti katiba hali ya kuwepo kwa magonjwa ya mlupiko katika maeneo mbali mbali hususana katika mkusanyiko wa wtu wengine kama vile mashuleni.

“Kwa sasa hivi tupo katika msimu mpya wa mwaka wa 2021 ambapo wanafunzi wa shule za msingi na sekondari tayari wamefungua shule zao na kuanza masomo lakini pamoja na mambo mengine yote ni lazima sisi kama wataalamu wa afya tuweke mipango madhubuti ya kuwalinda watoto wetu hasa katika kipindi hiki na kuwatahadharisha na kutojisaidia ovyo ovyo katika maeneo ya vichaakni kwani hii ni hatari sana kupata magonjwa ya mlipuko.

Aidha Kamba alifafanya kubwa kwa kipindi hiki cha ni lazima viongozi wa shule pamoja na mamlaka zinazohusika kuhakikisha kwamba wanazingatia maagizo ambayo yanatolewa na wataalamu wa afya ikiwemo kuzingatia usafi wa mazingira pamoja na kuweka mafi safi na salama katika maeneo ya shule ili wanafunzi wanapotoka kujisaidia waweze kusafisha na kunawa mikono yao kwa lengo la kuthibiti milipuko ya magonjwa hayo.

Pia aliongeza kuwa katika kupambana na wimbi la mlipuko wa magonjwa wanaendelea kushirikiana bega kwa bega na walimu wa shule mbali mbali zilizopo katika Mkoa wa Pwani juu ya kuwaelimisha umuhimu  wa usafi wa mazingira katika maeneo yao ya kazi na kuwapa mafunzo ambayo yataweza kuwasaidia katika kuwaelimisha watoto wao katika kujikinga na magonjwa ambayo yanatokana na uchafu.

“Suala la baadhi ya wanafunzi au jamii yoyote kuwa na tabia ya kujisaidia katika maeneo ya vichakani hii sio sahii kabisa hata kidogo kwani ni hatari zaidi kutokea kwa magonjwa ya milipuko kama vile kuumwa na tumbo,kuhara na  kuibuka kwa  ugonwa wa kipindipindu na kitu kingine mtu anaweza kujisaidia na mvuaikaja kunyesha hivyo ikikisomba kinyesi kunaweza kuleta madhra makubwa katika jamii ambayo ipo karibu na maeneo hayo.

Naibu Waziri wa Ujenzi na Uchukuzi, Mhandisi Godfrey Kasekenya ameitaka menejimenti na viongozi wa taasisi wa Sekta ya Uchukuzi kufanya maamuzi ili kutochelewesha maendeleo kwa wananchi katika utekelezaji wa miradi.

Ametoa kauli hiyo wakati akifunga Mkutano wa siku mbili wa baraza la Wafanyakazi la sekta ya Uchukuzi lililofanyika Mkoani Mwanza na kusema kuwa awamu hii imejikita katika matokeo na sio mazoea.

“Katika awamu hii watendaji wengi wamekuwa wakichelewa kutoa maamuzi katika maeneo mbalimbali sababu ya kutojiamini hii inafanya utekelezaji wa miradi kuchelewa kukamilika na kuchelewesha maendeleo kwa wananchi” amesema Mhandisi Kasekenya.

Mhandisi Kasekenya ametabaisha umuhimu wa kuwa na ratiba ya ukaguzi wa miradi kwa kila muhula na kusisitiza kuwa ukaguzi huo utawezesha kupunguza changamoto zinazojitokeza kwenye utekelezaji wa miradi.

“Namna bora ya kutatua changamoto zinazojitokeza kwenye miradi ni kuwa na ratiba ya kukagua miradi hiyo mara kwa mara, na ratiba hizo zipangwe kwa miradi yote inayotekelezwa chini ya Sekta’ Amesisitiza Mhandisi Kasekenya.

Aidha, Mhandisi Kasekenya amesema kuwa ni muhimu wataalam wa sekta walio kwenye miradi kuchukua ujuzi wakati huu ambapo miradi inaendelea ili utaalam huo uwasaidie kusiimamia vizuri miradi itakapokamilika.

Kwa upande wake Mwenyekiti wa Baraza na Kaimu Katibu Mkuu Gabriel Migire ameahidi kutekeleza maagizo hayo na kusisitiza kuwa kitengo cha Ufatiliaji na Tathimini-Uchukuzi kitaboresha zoezi hilo na kuhakikisha linafanyika na kuleta matokeo chanya.

Baraza la Wafanyakazi la sekta ya uchukuzi lililofanyika kwa siku mbili mkoani Mwanza limejumuisha menejementi na watumishi wa kila idara katika sekta na wakuu wa taasisi zilizo chini yake ambapo pamoja na mambo mengine limepitia utekelezaji wa miradi ya sekta na kuweka mikakati mbalimbali ya kuboresha utendaji wa sekta.

 Na Lydia Lugakila, Karagwe

Mtu mmoja aliyetambulika kwa jina la Muombe Martin (20), mkazi wa kata ya Nyaishozi wilaya ya Karagwe mkoani Kagera amefariki dunia kwa kujinyonga juu ya mti wa muembe kwa kutumia kipande cha Khanga huku chanzo cha kujinyonga kikiwa hakijafahamika.

Akizungumza  katika eneo la tukio Ofisa Mtendaji wa Kata ya Nyaishozi, Jastus Vedasto, amesema kuwa tukio hilo limetokea usiku wa kuamkia januari 13, 2021.

Amesema kuwa mwili wa marehemu umegundulika baada ya wapita njia kupita katika eneo hilo na kubaini mwili huo ukiwa unaninginia juu ya mti huo katika sehemu ya shamba la jirani yake.

Vedasto ameongeza kuwa baada ya kupokea taarifa za wananchi, uongozi wa kata umefika katika eneo la tukio na kutoa taarifa katika kituo cha Polisi Nyaishozi kilichopo wilayani Karagwe ambapo baada ya Jeshi la Polisi kufika eneo la tukio wameruhusu mwili wa marehemu kuzikwa.

NA VICTOR MASANGU, PWANI

Mbunge wa Jimbo la Kibaha Vijijini, Michael Mwakamo, ameiasa jamii pamoja na kundi la  mama lishe kuhakikishe wanazingatia maelekezo yanayotolewa na wataalamu wa afya ikiwemo suala zima la unawaji wa mikono kwa kutumia maji safi na salama yanayotiririka kwa kutumia sabuni  ili kuepukana kabisa na wimbi la  magonjwa ya milipuko ambayo ni hatari kwa afya za wananchi.

Akizungumza na waandishi wa habari kuhusiana na mikakati  aliyojiwekea katika suala zima la  kuboresha sekta ya afya  Mwakamo alibainisha kwamba kwa sasa ameweka mikakati madhubuti ya kuweza kushirikiana na wataalamu wa afya kwa lengo la kutoa elimu na mafunzo  juu ya umuhimu wa kunawa mikono hasa katika maeneo yenye mikusanyiko mingi ya watu.

 “Mimi kama Mbunge wa jimbo la Kibaha mjini napenda kuchukua fursa hii kuwahimiza wananchi wangu wote pamoja na mama lishe kuweka mazingira ya kufanya usafi katika maeneo ambayo wanafanyia kazi lengo ikiwa ni kujilinda wao wenyewe pamoja na walaji kuondokana na magonjwa ya mlipuko,”alisema Mwakamo.

Pia Mbunge huyo aliongeza kuwa suala la uchafuzi wa mazingira ni hatari sana katika jamii ambayo inatuzunguka kwani linaweza kuleta madhara makubwa kwa baadhi ya wananchi kujikuta wanapata magonjwa hayo ya mlipuko ambayo chanzo chake kikubwa  kinatokana na baadhi ya wananchi kutupa taka ovyo kitu ambacho sio kizuri kabisa kwa afya ya binadamu.

Pia aliipongeza serikali ya awamu ya tano pamoja na wataalamu mbali mbali wa masuala ya afya kwa kuelekeza nguvu zao kubwa katika kuhakikisha suala la usimamizi wa usafi wa mazingira linafanyiwa kazi kuanzia katika ngazi za chini hadi juu na kuwepa kuwapa fursa wananchi waweze kuendsha shughuli zao mbali mbali katika hali ya usafi.

Aidha Mwakamo alisema kuwa katika kuunga  mkono juhudi za serikali ya awamu yatano katika mpango wake wa kufanya usafi wa mazingira atahakikisha kwamba anashirikiana bega kwa began a wananchi wa jimbo lake la kuendesha zoezi la mara kwa mara katika maeneo ya makazi ya watu ili kuweza kusafisha mazingira yawe katika hali ya usafi.

“Kitu kikubwa mimi nitaweka utaratibu mzuri wa kuendelea kushirikiana na wananchi wa jimbo langu kuanzia ngazi za vijiji kuendesha zoezi la usafi wa mara kwa mara pamoja na kuchoma taka zote ambazo zinakuwa zimezagaa lengo ikiwa ni kufanya kuondokana kabisa na magonjwa ya milipuko ambayo yanaweza kujitokeza kama vile kuumwa na matumbo, kuhala pamoja na mengineyo,”alisisitiza Mwakamo.

Katika hatua nyingine aliongeza kuwa wananchi wanapaswa kunywa maji safi na salama  ambayo tayari yanakuwa  yamechemshwa na kuuwa vijidudu ambayo vipo na kwamba itaweza kuwasaidia kwa kiasi kikubwa kuendelea kujishughulisha katika kazi zao mbali mbali bila ya kuwa na changamoto ya kuumwa na magonjwa ya aina mbali mbali.

Naibu Waziri wa Ujenzi na Uchukuzi, Mhandisi Godfrey Kasekenya, akizungumza na uongozi wa Wakala wa Barabara nchini (TANROADS), (hawapo pichani), wakati wa ziara yake kwa wakala huo, mkoani Dar es Salaam. 

 

Dar es Salaam, Tanzania

 

Akizungumza mkoani Dar es Salaam, mara baada ya kutembelea taasisi za Wakala wa Barabara nchini (TANROADS),  Bodi ya Usajili wa Wakandarasi (CRB), Bodi ya Usajili wa Wahandisi (ERB) na Bodi ya Usajili wa Wabunifu Majengo na Wakadiriaji Majenzi (AQRB), amewataka wataalamu hao kufahamu kuwa maendeleo na ukuaji wa uchumi unategemea sana taaluma zao.

"Tumieni fursa za miradi mikubwa inayoendelea nchini kujifunza ili kuliwezesha Taifa kuwa na watalaam wake watakaomudu kujenga miradi mikubwa katika siku zijazo", amesema Naibu Waziri Kasekenya.

Aidha, amezitaka taasisi binafsi na umma kuweka mipango madhubuti ya kuwapokea wanafunzi wa fani za kihandisi katika mazoezi ya vitendo ili kuwajengea uwezo.

Kwa upande wake, Kaimu Mtendaji Mkuu wa TANROADS, Mhandisi Crispianus Ako, amesema TANROADS imejipanga kuhakikisha barabara zote kuu na za mikoa zenye urefu wa KM 36,258 zinapitika katika kipindi chote cha mwaka.

Amesisitiza kuwa katika kuhakikisha barabara zinalindwa ili ziweze kudumu kwa muda mrefu TANROADS inasimamia mizani 82 katika maeneo mbalimbali nchini.

Katika hatua nyingine, Mwenyekiti wa Bodi ya ERB, Prof. Ninatubu Lema, amesema bodi hiyo inaendelea kusajili na kusimamia shughuli za kihandisi nchini ambapo zaidi ya wahandisi elfu thelathini (30,000) wamesajiliwa hadi  sasa.

Katika kuhakikisha wahandisi wazingatia maadili, Msajili wa ERB, Mhandisi Patrick Barozi, amesema bodi hiyo imekuwa ikitoa leseni ya uhandisi na imekuwa ikiwachukulia hatua kali wahandisi wanaokiuka maadili.

Mhandisi Barozi ametoa rai kwa wanafunzi wa kike kusoma masomo ya sayansi ili idadi ya wahandisi wanawake iongezeke ambapo hadi sasa kati ya wahandisi elfu thelathini (30,000) walisojaliwa nchini wanawake ni asilimia 11 tu.

Naye Msajili wa Bodi ya Wakandarasi (CRB), Rhoben Nkori, amemuhakikishia Naibu Waziri Kasekenya kuwa bodi hiyo inaendelea kuhakikisha wakandarasi wazawa wanaongezeka na kupata miradi mingi ili uwekezaji mwingi wanaoufanya uwe wa  hapa nchini.

"Tunahakikisha wakandarasi wazembe wanafutiwa usajili ili wakandarasi waliopo wawe wale wanaofanya kazi kwa ubunifu na uzalendo", amefafanua Nkori.

Kwa upande wa Msajili wa Bodi ya AQRB, Mkadiriaji Majenzi Edwin Nnunduma, amesema kuongezeka kwa idadi wabunifu majengo na wakadiriaji majenzi kutaboresha sekta ya ujenzi hapa nchini na kuwezesha miradi mingi ya ujenzi kuwa ya uhakika na yenye viwango vya ubora.

Naibu Waziri Kasekenya yupo mkoani Dar es Salaam katika ziara ya kukagua taasisi zilizo chini ya Wizara yake ambapo ametembelea na kuzungumza na uongozi wa Wakala wa Barabara nchini (TANROADS),  Bodi ya Usajili wa Wakandarasi (CRB), Bodi ya Usajili wa Wahandisi (ERB) na Bodi ya Usajili wa Wabunifu Majengo na Wakadiriaji Majenzi (AQRB).

NA DENIS MLOWE, IRINGA

MBUNGE wa jimbo la Kilolo mkoani Iringa, Justin Nyamoga amesema atahakikisha ndani kipindi cha miaka mitano ya uongozi wake wanakijiji cha Mgoweko kilichoko kata ya Nyanzwa wilaya ya Kilolo wanapatiwa umeme

Akizungumza wakati wa mkutano wa kuwashukuru wananchi kwa kumchagua kuwa mbunge uliofanyika katika kijiji cha Mgoweko, Nyamoga alisema kuwa kitendo cha wananchi hao kukipatia kura za kutosha chama cha Mapinduzi katika uchaguzi mkuu kimewapa deni kubwa la kuhakikisha wanaleta maendeleo.

Alisema kuwa kura za kishindo alizopata rais na wabunge zimekuwa deni kubwa kwao hivyo watahakikisha ndani ya kipindi cha miaka mitano vijiji hivyo vinapata umeme wa REA kwani atasimamia hilo kwa karibu zaidi.

“Ndani ya hii miaka mitano nitahakikisha kwamba tunashirikiana katika kutatua kero ambazo zipo zinatatuliwa na wananchi wanaendelea kuwa na maisha bora zaidi katika kipindi hichi ambapo nchi ipo katika uchumi wa kati na kuhakikisha kwamba mwananchi mmoja mmoja anafurahia maisha katika awamu hii ya tano chini ya Rais John, Magufuli” alisema

Aidha Nyamoga alisema kuwa katika sekta ya afya atahakikisha ujenzi wa zahanati ulioanzishwa na wanakijiji cha Nyawegete ndani ya kipindi cha miaka mitano wanakamilisha ili iweze kuhudumia wananchi na kuwapongeza kwa hatua hiyo.

Aliongeza kuwa changamoto ya maji wanayokabiliana nayo wananchi wa kijiji hicho atahakikisha anashirikiana na RUWASA ili kuondoa tatizo hilo na vitongoji 17 ambavyo havijapata huduma ya umeme wanapata huduma hiyo.

Aidha alichangia mifuko 10 ya saruji ili kukamilisha ujenzi wa matundu ya choo katika shule ya msingi Nyawegete na kuendelea kuwaahidi suala la mawasiliano ya simu ili kupata kampuni ambayo itawekeza kata ya Masisiwe ili kuondokana na tatizo la mawasiliano.

Nyamoga ambaye mbunge kwa mara ya kwanza katika jimbo hilo alisema kuwa kwa kushirikiana na wananchi wa kata ya Masisiwe atahakikisha anafanikisha adhama ya wananchi kuwa na jengo la ofisi ya kata ya Masisiwe .