Makamu wa Pili wa Rais wa Zanzibar Balozi Seif Ali Iddi akiwasilisha salamu za Pole za Serikali ya Mapinduzi ya Zanzibar wakati wa kuuaga Mwili wa Marehemu Waziri wa Nchi Ofisi ya Rais Menejimenti ya Utumishi wa Umma Marehemu Celina Ompeshi Kombani Karimjee Jijini Dar es salaam. (Picha na Othman Khamis Ame, Ofisi ya Makamu wa Pili wa Rais wa Zanzibar)
Waziri wa Nchi Ofisi ya Waziri Mkuu, Sera Uratibu na Bunge, , Jenister Muhagama akitioa salama za Serikali wakati wa kuaga mwili wa aliyekuwa Waziri wa Nchi Ofisi ya Waziri ya Rais Menejimenti ya Utumishi wa Umma, marehemu Celina Kambani. (Picha na Francis Dande)
![]()
Baadhi ya wabunge wakiwa viwanja vya Karimjee katika kuaga mwili wa aliyekuwa Waziri wa Nchi Ofisi ya Waziri ya Rais Menejimenti ya Utumishi wa Umma, marehemu Celina Kambani.
![]()
Mama Maria Nyerere akiwasili katika viwanja vya Karimjee.
![]()
Makamu wa Rais Dk. Mohammed Gharib Bilal akisalimiana na mama Maria Nyerere.
![]()
Makamu wa Rais (katikati) akiwa na viongozi wa Serikali.
Makamu wa Rais Dk. Mohammed Gharib Bilal akitoa heshima za mwisho wakati wa kuaga mwili katika viwanja vya Karimje Dar es Salaam.
Makamu wa pili wa Rais wa Serikali ya Umoja wa Kitaifa Zanzibar, Blozi Seif Ally Idd akitoa heshima za mwisho.
Mke wa Rais mama Salma Kikwete akitoa heshima za mwisho.
Spika wa Bunge Anne Makinda akitoa heshima za mwisho.
Mama Maria Nyerere akitoa heshima za mwisho.
Baadhi ya ndugu na jamaa wakiwa huzuni.
xxxxxxxxxxxxxxxxxxxxxxxxx
xxxxxxxxxxxxxxxxxxxxxxxxx
Mwili wa Waziri wa Nchi Ofisi ya Rais Menejimenti ya Utumishi wa Umma Celine Ompesh Kombani aliyefariki Dunia Alhamisi iliyopita katika Hospitali ya Andra Prash Apolo ya Nchini India umeagwa rasmi kwa Heshima zote za Kiserikali.
Marehemu Waziri Celine Ompesh Kombani alianza kuumwa Tarehe 26 Agosti mwaka huu ambapo Tarehe Mosi Septemba alipelekwa Nchini India kwa matibabu zaidi na kugundulika kuwa na maradhi ya Saratani ya Kongosho iliyoathjiri ini lake.
Heshima ya kuuaga rasmi Kiserikali Mwili wa Marehemu Celine ulioletwa kutoka Nchini India Juzi Mchana na kupokelewa na Viongozi mbali mbali wa Serikali, Vyama vya Siasa, marafiki na wana familia zilifanyika katika viwanja vya Karimejee Jijini Dar es Salaam.
Makamu wa Rais wa Jamuhuri ya Muungano wa Tanzania Dr. Moh’d Gharib Bilal aliuongoza Umma wa Watanzania katika kuuaga mwili wa Marehemu Celine Ompesh Kombani ambao baadaye utapelekwa shambani kwake Lukole Jimboni Ulanga Mkoani Morogoro kwa Mazishi.
Kwa Upande wa Zanzibar maombolezo hayo yaliongozwa na Makamu wa Pili wa Rais wa Zanzibar Balozi Seif Ali Iddi aliyeambatana pia na baadhi ya Mawaziri wa Serikali ya Mapinduzi ya Zanzibar, Wabunge, Wawakilishi pamoja na Wanasiasa.
Mh. Celina Ompesh Kombani alizaliwa Tarehe 19 Juni Mwaka 1959 katika Kijiji cha Kisewe Wilaya ya Ulanga Mkoani Morogoro akiwa Mtoto wa Pili miongoni mwa Watoto 16 wa Mzee Ompesh Kombani.
Alianza kupata elimu yake ya Msingi kuanzia mwaka 1968 hadi mwaka 1974 katika Skuli ya Kwiro Mahenge na baadaye kuendelea na elimu ya Sekondari kuanzia mwaka 1975 hadi 1978 kwenye skuli ya Sekondari ya Kilakala Mkoani Morogoro.
Marehhemu Celine Ompesh Kombani aliendelea na masomo ya Kidato cha Tano hadi cha sita katika Shule ya Sekondari ya wasichana Tabora akiunganisha na Elimu ya juu katika chuo cha Uongozi wa fedha cha IDM Mzumbe na kupata Stashahada ya Uongozi na Utawala na baadaye Shahada ya Juu ya Uzamili katika Chuo hicho cha Uongozi wa Fedha IDM Mzumbe.
Mwaka 1985 Marehemu Celine Ompesh Kombani aliajiriwa katika Halmashauri ya Wilaya ya Kilosa Mkoani Morogoro akiwa Afisa Utumishi nafasi iliyomuwezesha kupanda Madaraka na kuteuliwa kuwa Meneja wa Rasilimali Watu katika Kiwanda kilichopo Morogoro.
Katika uhai wake Marehemu Celine aliwahi kuwa Afisa Utawala wa Chuo cha Kilimo Morogoro, Kiongozi wa Halaiki ya Vijana wa Chipukizi wa Chama cha TANU, Mwenyekiti wa Tawi la CCM Kilosa pamoja na Mwenyekiti wa UWT Mkoa wa Morogoro.
Katika nyanja ya Kisiasa Marehemu Celine Ompesh Kombani alikuwa Mbunge wa Jimbo la Ulanga kwa vipindi viwili mfululizo kuanzia mwaka 2005 hadi 2015 nafasi iliyomuwezesha kuteuliwa kushika nyadhifa mbali mbali za juu za Uongozi Serikalini.
Marehemu Celine aliwahi kuwa Naibu Waziri Tawala za Mikoa na Serikali za Mitaa Ofisi ya Waziri Mkuu, Waziri wa Nchi Ofisi ya Waziri Mkuu, Waziri wa Katiba na Sheria pamoja na Waziri wa Nchi Ofisi ya Rais Menejiment ya Utumishi wa Umma nafasi aliyodumu nayo hadi kufariki kwake.
Wakitoa salamu za maombolezo ya Makundi mbali mbali, Wawakilishi wa Makundi hayo ikiwemo Serikali ya Mapinduzi ya Zanzibar, Bunge la Jamuhuri ya Muungano wa Tanzania, Taasisi za Kijamii walimuelezea Marehemu Celine Ompesh Kombani kuwa alikuwa Mtu wa Watu.
Walisema Marehemu Celine alikuwa Kiongozi mahiri aliyekubali na kuridhia kuwa karibu na Taasisi na Watu wa makundi ya aina yote bila ya kujali itikadi, jinsia au Dini ya mtu.
Mapema akiongoza sala maalum ya kumuombea safari njema Marehemu Celine Ompesh Kombani Mchungaji Wilfred Mmary alisema Muungu muweza na asili ya kila kitu amekausha pumzi ya Mpendwa Celine akifanya hivyo bila kosa bali ni kutekeleza utukufu wake kwa viumbe vilivyo chini ya himaya yake.
Mbele ninaendelea nnazidi kutembea. Maombi uyasikie. Bwana umpambe. Ebwana uniinue ili nipande milima yote. Ni shairi alilolikariri mchungaji Wilfred ambalo alisema lilikuwa likiimbwa na kumjumuisha Pia Marehemu Celine wakati wa Ibada zao za misa.
Tume ya Taifa ya Uchaguzi Tanzania { NEC } kupitia Mkurugenzi wake Bwana Kailina Ramadhan imeahirisha uchaguzi wa Jimbo la Ulanga Mkoani Morogoro kufuatia Kifo cha Waziri Celine Ompesh Kombani aliyekuwa miongoni mwa wagombea nafasi ya Ubunge wa Jimbo la Ulanga kupitia chama Tawala Cha CCM.
Marehemu Waziri Celina Ompesh Kombani ameacha Mume, Watoto Watano pamoja na Wajukuu Wanne. Muungu iweke roho ya Marehemu Celine Ompesh Kombani mahali anapostahiki kwa mujibu wa amali yake. Amin.
Othman Khamis Ame
Ofisi ya Makamu wa Pili wa Rais wa Zanzibar
28/9/2015.