Mkurugenzi wa Benki ya CRDB, tawi la Lumumba, John Almasi (kulia) akimkabidhi zawadi ya vifaa vya Shule mtoto mwenye Ulemavu wa ngozi, Aisha Omary, wakati wa Wiki ya Huduma kwa Wateja, ambapo wafanyakazi wa tawi hilo walipotembelea Kituo cha Watoto wenye Ulemavu cha Jeshi la Wokovu, Kurasini jijini Dar es Salaam. (Na Mpiga Picha Wetu)
CRDB Bank Tawi la Lumumba, Yaukaribishwa mwaka, kwa Kutembelea Kituo cha Watoto wenye ulemavu cha Jeshi la Wokovu, Kurasini jijini Dar es Salaam
Huku wakiongozwa na Mkurugenzi wa CRDB Tawi la Lumumba, John Almasi, wafanyakazi hao, walijumuika na watoto hao, kwa kuwapa zawadi mbalimbali, na kushiriki kutoa huduma mbalimbali shuleni hapo.
Akizungumzia kuanza kwa mwaka, Mkurugenzi wa CRDB, Tawi la Lumumba, John Almasi, amesema wameamua kuanza mwaka kwa kuwakumbuka watu wenye uhitaji, kwa vile CRDB ni Benki ya Jamii, na watu wenye uhitaji pia ni sehemu ya jamii, hivyo wameonelea ni bora waadhimishe, kwa kutembelea na kuwasawadia watoto wenye ulemavu wa kituo cha Jeshi la Wokovu, Kurasini.
Wakiishukuru benki hiyo, mwakilishi wa watoto hao, Mary Mwingira, aliishukuru Benki ya CRDB kwa kuwakumbuka na kuwajali, na akatoa wito kwa taasisi nyingine, ziige mfano wa CRDB kwa kuwakumbuka.
Makamo Mwenyekiti wa Chama cha Albino Tanzania, Joseph Masasi pia aliishukuru Benki ya CRDB kwa kuwakumbuka watu wenye ulemavu wa ngozi, na kukumbushia, watu hao wana changamoto za mahitaji ya ziada, yakiwemo mafuta mazito ya kuzuia miale ya jua.
Benki ya CRDB, imewakabidhi zawadi mbalimbali, watoto hao, vikiwemo vifaa vya shule na vyakula mbalimbali.