Celine Dion akiwa na Drake.

Mwanamziki wa R&B kutoka nchini Canada, Celine Dion (54), ameweka wazi hali ya afya yake kwa kusema amegundulika kuwa ana ugonjwa usiotibika unaofahamika kama Stiff Person Syndrome (SPS), ambao ni ugonjwa wa neva.

Mara kadhaa ugonjwa huo umesababisha Celine kushindwa kutembea na hata  kuimba, hali itakayomlazimu pia  kuahirisha kushiriki kwenye  maonesho yaliyopangwa kufanyika Ulaya  mwezi Februari mwaka 2023.

 Mwanamuziki wa RnB kutoka nchini Marekani Robert Sylvester Kelly 'R Kelly' (55), ameachia album yake ya kwanza akiwa gerezani.

Msanii huyo anatumikia kifungo cha miaka 30 gerezani kwa makosa mbalimbali ya unyanyasaji wa kingono kwa watoto wenye umri mdogo.

 Na Mwandishi Wetu

Timu ya Taifa ya Brazil imeondoshwa katika Fainal za Kombe la Dunia kwa mikwaju ya penati (4-2) na Croatia mchezo wa hatua ya Robo Fainali.

Licha ya matarajio makubwa ya wapenda soka kote Ulimwenguni bado kazi ilikuwa ngumu kwa wafalme hao wa Soka Duniani.

Croatia waliamua kuzuia kwa ufanisi , wakaziba mianya  katikati ya uwanja , waache Brazil wapige krosi kama wanaweza.

Wakipata mpira waligoma kubutua , uwepo wa viungo wao watatu mafundi Modric Kovacic na Brozovic walifanya Brazil wautafute mpira sana na ule ndio ulikuwa muda wa kupumzika kwa Croatia ( kumiliki mpira ) kwasababu kwenda mbele hawakuwa na hatari sana

Baada ya ufundi wa Neymar , kufunga goli ...Brazil walipoteza nidhamu ya uzuiaji , una viungo wawili wakabaji uwanjani ( Casemiro na Fred ) na bado shambulizi la kushtukiza la Croatia ilionekana Brazil wapo wazi sana mpaka ilifika hatua nyuma wamebaki watatu dhidi ya watatu wa Croatia ... pale Tite hatowaelewa wachezaji wake na kocha wa Croatia kamari ya kuingiza washambuliaji wengi itakuwa imemlipa

Mechi ilikuwa taratibu sana , hakuna timu ambayo ilikuwa inaweka presha kwenye mpira , wachezaji wanagusa mpira mara nyingi sana , kupoteza mpira kirahisi ( na hili kosa halikuadhibiwa sana )
 
Livakovic amefanya saves 10 katika mechi moja hiyo ni rekodi katika mashindano haya mwaka huu mpaka sasa kufanya saves 10 katika mechi moja na bado aliokoa penati moja

Modric Brozovic na Kovacic wakiamua kutawala mpira ... utajuta na Kaburi la Brazil lilichimbwa hapa  


Dakika 120 hakuna mbabe na mikwaju ya penati inawaondosha Brazil na kuiaga michuano ya Kombe la Dunia pale Qatar.

Robo Fainali nyingine ilikuwa ya Uholanzi dhidi ya Argentina mtanange ulitamatika kwa Argentina kutinga hatua ya Nusu Fainali kwa mikwaju ya penati baada ya sare ya mabao (2-2) katika dakika 120.

Michezo mingine itapigwa Leo ambalo wawakilishi wa Afrika Morocco watawakabili Ureno huku vita nyingine itakuwa kwa England dhidi ya Ufaransa.

Aliyekuwa mshamuliaji wa Geita Gold, George Mpole amesema kwa sasa anaangalia changamoto nyingine baada ya kumalizana na timu yake ya zamani.

"Kila kitu kikiwa poa nitaweka wazi wapi nakwenda, hivi sasa ni mapema kuitaja timu, lakini ipo na nimeshamalizana nayo, kuna baadhi ya vitu nikivikamilisha kila kitu kitakuwa wazi.

Aidha Mpole amesema "Sikuwa na shida Geita Gold maana pale ni nyumbani, muda umefika wa mimi kuondoka".

"Nashukuru nimemalizana nao vizuri, kuachana kwa wema ni jambo jema maana huu ni mchezo wa maslahi, sina ninachowadai na hawana wanachonidai " alisema George Mpole.

Mwanamuziki mkongwe wa Jamhuri ya Kidemokrasia ya Congo Elizabeth Tshala Muana Muidikay maarufu kama TSHALA MUANA amefariki dunia Jumamosi Desemba 10, 2022.

Kwa mujibu wa vyanzo vya habari vya Congo, Muana alifariki mjini Kinshasa akiwa na umri wa miaka 64.

Mume wa marehemu, Claude Mashala, alithibitisha kifo chake katika chapisho la Facebook.

"Mapema asubuhi ya leo, Bwana mwema alichukua uamuzi wa kumchukua Mama wa Taifa Tshala Muana. Mungu mwema atukuzwe kwa nyakati zote njema alizotujalia hapa duniani. Kwaheri Mama kutoka kwa M,"ameandika Mashala.

Mashala hakutoa maelezo kuhusu chanzo cha kifo chake.

Marehemu Tshala Muana alipata umaarufu barani Afrika kwa nyimbo kadhaa zilizovuma kila pembe sambamba na mtindo wa Mutuashi.

Nyimbo "Dezo Dezo" ya Ndala Kasheba na nyingine za Kiswahili ya "Karibu yangu", "Tshibola" na nyingine zilimpa umaarufu sana Tanzania ambako alizuru mara kadhaa miaka ya 80 na 90.

Na WMJJWM, Morogoro

Kaimu Katibu Mkuu Wizara ya Maendeleo ya Jamii, Jinsia, Wanawake na Makundi Maalum, Wakili Amon Mpanju, alimelitaka Jukwaa la Kitaifa la Malezi mbadala kutoka na mbinu itakayosaidia kuwanusuru watoto wanaopitia madhila mbalimbali katika hatua za makuzi na kujikuta wapo eneo la Malezi Mbadala.

Wakili Mpanju ametoa wito huo leo Disemba 09, 2022 wakati akifungua kikao kazi kati ya Serikali na wadau mkoani Morogoro.

Mpanju amemtaka Kamishana wa Ustawi wa Jamii, kuhakikisha Jukwaa hilo linakuwa na Uongozi utakaowezesha kuwakutanisha mara mbili kwa mwaka kwa ajili ya kuona ni mikakati ipi itakayosadia kwenye suala la Malezi Mbadala.

“Kamishna hakikisha Jukwaa hili linasimamiwa ipasavyo, hakikisheni, linakutana Mara mbili kwa Mwaka, tengenezeni Muundo, wekeni Mikakati na Mbinu zipi zitumike kuboresha Malezi ya Mtoto, aidha mhakikishe Jukwaa likafika hadi ngazi ya Vijiji na Mitaa” amesema Mapanju.  

Katika hatua nyingine Wakili Mpanju ametaka suala la Malezi Mbadala liwe ni suala la mpito, kwani anaamini kuwa kila Mtoto aliye ndani ya Jamii ana mlezi wake hivyo Jamii isichululie suala la Malezi Mbadala kama ndio suluhisho la kudumu.

“Sheria ya Mtoto Na. 21 ya Mwaka 2009 iliyofanyiwa marekebisho Mwaka 2019, kifungu cha 16 na 144. Watoto wanaohitaji huduma ya Malezi mbadala ni Watoto wanaoishi katika Makao ya Watoto na Watoto waliokinzana na Sheria, Watoto wanaoambatana na mama zao Gerezani, Watoto wanaoishi na kufanya kazi mitaani au wanaombata na mzazi/mlezi ambaye anaomba mitaani, Watoto wanaoishi katika familia ambazo mkuu wa kaya ni mtoto, Mtoto anayeishi na mtu ambaye ni mgonjwa, mlemavu au mzee ambaye anashindwa kukidhi mahitaji ya msingi, Watoto walio katika hatari ya kufanyiwa ukatili wakiwepo wahanga wa usafirishaji haramu wa binadamu” amesema Mpanju.

Wakili Mpanju ameongeza kuwa Serikali imeendelea kushirikiana na wadau mbali mbali katika utoaji wa huduma ya malezi mbadala.

“Hadi sasa jumla ya Mkao ya watoto 325 yamesajiliwa yakiwemo mawili  ya Serikali yenye Jumla ya watoto 9011 Wavulana 4897 na Waschana 4114, aidha serikali imeendelea kuratibu huduma ya malezi ya Kambo na Kuasili ambapo kwa kipindi cha 2020/21 Wizara ilipokea maombi 110  jumla ya watoto 40 waliwekwa kwenye Malezi ya kambo na watoto 50 waliasiliwa wakiume 28 na wakike 22 ikilinganishwa na maombi 131 ambapo jumla ya watoto 48 wakiume21 wakike 27 waliwekwa kwenye malezi ya kambo na watoto 56 waliasiliwa wakiume 17 wakike 39 kwa mwaka 2021/22.

Wakili Mpanju, ameiomba Ofisi ya Rais TAMISEMI, kutumia mifumo Madhubuti ya TEHAMA, itakayosaidia kuweka takwimu sahihi kwa kuwabaini watoto wanaohitaji Malezi mbadala

Kwa upande wake Mwakilishi kutoka Ofisi ya Rais TAMISEMI, Mariam Nkumbwa, amesema watahakikisha wanaimarisha mifumo ya Ufuatiliaji na shughuli zote za Malezi zinaingia kwenye Mipango ya bajeti sambamba na kuimarisha ushirika na wadau ili kuwa na takwimu sahihi.

Naye mwakilishi wa Shirika la SOS Onesmo Itozya amesema,Usalama wa Watoto wa leo ndio Usalama wa Taifa la kesho, wao kama SOS ambao wamekuwa nchini  kwa zaidi ya Miaka 30 bado wanaiona ipo haja suala la Malezi Mbadala likapewa kipaumbele.

“Toka kupata kwa Uhuru wa Nchi yetu, leo tukiwa tunatimiza Miaka 61, nafurahi kwa mara ya kwanza tunakuwa na jukwaa la pamoja la kujadili masuala ya Malezi Mbadala hii haijawahi kutokea, hivyo tutatumia fursa hii tuweze kutoka na afua zitakazo weza kulinusuru taifa na watu waliokosa Malezi bora” amesema Itozya.

Awali akitoa Salaama za Mkoa, Kaimu Mganga Mkuu wa Mkoa, Wahida Ntiro amesema anaipongeza Serikali kwa hatua hiyo huku akiomba Wizara kuongeza Wataalam wa Ustawi wa Jamii kwenye ngazi za Mikoa na Halmashauri ili kuwezesha shughuli hizo kutokukwama.

Stephen Kazimoto Mwenyekiti wa Wadau Madale akizungumza kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam.

.........................

Kikundi cha Wadau Madale Group wamekutana na kufanya mkutano mkuu wa Mwaka eo  kwenye ukumbi wa  Lemoon Garden Madale ikiwa ni kujadili maendeleo pamoja na changamoto mbalimbali zinazokabili kundi hilo.

Kikundi cha Wadau Madale kina takribani miaka mitano(5) ambapo wadau hao wamekuwa wakisaidiana kwenye mambo mbalimbali ya kijamii.

Hayo yameelezwa na Mwenyekiti wa Wadau Madale Group Bw.Stephen Kazimoto wakati akizungumza na Wanachama Katika mkutano wa Mwaka wa kikundi hicho uliofanyika Leo jijini Dar es Salaam na kushirikisha wanakikundi.

Moja wapo ya baadhi ya Vipengele ambavyo vipo kwenye katiba ya Wadau Madale Group  ni kuwepo kwa michango ya msiba endapo mmoja wa wadau atapata msiba, kuwepo kwa ulazima wa michango ya mkutano mkuu kwa kila mdau ambapo mkutano huo utafanyika kila mwaka, matangazo ya Biashara kwa kila meza ni shilingi elfu ishirini (20) hii kwa ajili ya wajasiriamali wadogo wadogo.

Aidha mkutano wa leo tarehe 10 Decemba 2022 umeazimia kutokuwepo kwa uchaguzi wowote wa viongozi hivyo viongozi wa zamani wataendelea kushikilia nafasi zao kwa kipindi cha miaka mitatu (3), kuwepo kwa ada ya elfu ishirini(20) kila mwezi kwa kila mdau ambapo mchango huo utakuwa na Kwa ajili ya kuchangia Wadau pindi wanapopata misiba ya wao wenyewe au wategemezi.

Ifikapo mwaka 2023 kikundi cha wadau kitakuwa tayari kishafungua akaunti ambapo michango yote itakuwa inawekwa kwenye akaunti hiyo lakini pia wadau watafungua Sacoss na wanakaribisha wadau ambao watapenda kujiunga, wadau wameshauri kuwepo kwa jumbe za simu za kawaida ambazo sikitumwa zinaweza mfikia mdau yeyote hata kama anatumia simu isiyokuwa na WhatsApp.

Hata hivyo viongozi wa Wadau mlMadale Group  wameendelea kutoa shukurani kwa wadau wa Madale kushiriki vyema katika mambo mbali mbali ya kijamii lakini pia amewaomba baadhi ya wadau wasiokuwa waaminifu kubadilika na kutoa michango kwa wakati ili waweze kufanikisha kikundi hicho kufika mbali na kufanikisha malengo kwa wakati.

Elesia Mbuya Katibu wa Wadau Madale akizungumza kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam.

Mmoja wa Wanachama wa Wadau Madale akizungumza kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam

Frank Magige Mhazini wa Wadau Madale akizungumza kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam.

Gration Mbelwa Mwenyekiti mstaafu Wadau Madale wa Wadau Madale akizungumza kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam.

 Picha mbalimbali zikiwaonesha Wanachama wa Wadau Madale wakiwa kwenye mkutano mkuu wa Mwaka wa Wadau hao Leo uliofanyika kwenye ukumbi wa Lemoon Catering mkabala na Kituo Cha Polisi Madale Kata ya wazo wilayani Kinondoni jijini Dar es Salaam.

Na Mwandishi Wetu

UONGOZI wa klabu ya Yanga umemtangaza Sebastian Nkoma kuchukua nafasi ya Edna Lema.

Kabla ya kuifundisha Yanga Princess, Seba Nkoma aliwahi kuifundisha Simba Queens.

Lema kabla ya kuwa Kocha Mkuu wa Yanga Princess alikuwa mchezaji wa timu ya Taifa ya wasichana Twiga Stars

Na Hassan Msellem

Jeshi la Polisi Mkoa wa Kusini limewakamata na kuwahoji watu wawili ambao ni wanachama wa chama cha ACT Wazalendo kwa tuhuma za kuwakashifu viongozi wa Serikali ya Mapinduzi ya Zanzibar na kutoa kauli za uchochozi.

Dada wa Bibi Harusi Anna Segere Mirambo akiwa katika picha ya pamoja na Bibi Harusi, Tusibwene Mustafa Juma.

Picha ya pamoja Bibi Harusi na wadogo zake na dada yake Mbumi Donald Mwaibale (kulia)

Mama wa wanandoa hao wakionesha umahiri wa kuserebuka wakati wakiingia ukumbuni. Kushoto ni Mama ya Bibi Harusi, Ambwene Kyoga na kulia ni Mama wa Bwana Harusi, Augusta Francis Mapunda.
Burudani zikiendelea kutolewa ukumbini.

Na Dotto Mwaibale,Dar es Salaam

WANAJESHI (WAJEDA) Valentino John Ambros Tuka na Tusibwene Mustafa Juma kutoka Songea mkoani Ruvuma wameamua kuukimbia ukapera kwa kufunga ndoa Takatifu katika Kanisa la Moravian Usharika wa Kimara  jijini Dar es Salaam.

Ndoa hiyo iliyokuwa ya kuvutia na ya aina yake ambayo imefungwa Desemba 10, 2022 na kuhudhuriwa  na mamia ya watu ilikuwa na mvuto kutokana na shamrashara mbalimbali na burudani za kwaya mbili zilizokuwa zikitoa burudani ikiwepo kwaya ya kanisa hilo kutoka Pugu Kajiungeni na Kimara huku ikisindizwa na ngoma ya ya asili ya kabila la Wangoni.

Ndoa hiyo iliwahusisha ndugu jamaa na marafiki wa pande zote mbili wakiongozwa na wazazi wa wanandoa hao, Mzee John Ambros Tuka na mke wake Augusta Francis Mapunda wakiwa ni  wazazi wa bwana harusi na wazazi wa Bibi Harusi Mustafa Juma akiwa na mzazi mwenzake Ambwene Anyitike Kyoga.

Mchungaji wa Kanisa la Moravian Usharika wa Pugu Kajiungeni , Laiton Silumbwe akitoa wosia kwa wanandoa hao aliwaambia kuwa sasa wamekuwa mwili mmoja hivyo ndoa yao na iheshimiwe na watu  wote na silaha kubwa kwao ni kumtanguliza Mungu katika maisha yao,kudumisha upendo na kuomba msamaha pale watakapokoseana na si vinginevyo.

Alisema ndoa ni kusikilizana na haihitaji ubabe ni kila mmoja kumsikiliza mwenzake na kuwa na watoto ni majaliwa ya Mungu ambapo aliendelea kuwasisitiza wanandoa hao kumtumikia Mungu wakati wote wa maisha yao.

"Kutokana na kuwepo kwa utandawazi kumekuwa na changamoto nyingi kwenye ndoa nahata kufikia kupigana kwa wanandoa mambo haya nendeni mukayashinde kwani hayampendezi Mungu" alisema.

Mwinjiristi Atupele Kyomo kutoka kanisa hilo Usharika wa Msamala  mkoani Ruvuma ambaye aliwasindikiza wanandoa hao alisema sasa wamekuwa mwili mmoja hivyo watu wa nje wakiwepo ndugu, jamaa na marafiki waache kuwaingilia na mtu yeyote atakayehitaji msaada kwa wanandoa hao wanapaswa kuwahusisha wote.

"Kabla ya kufunga ndoa kuna baadhi ya ndugu walikuwa wakimpigia Bwana harusi au Bibi harusi wakiomba hela au mahitaji fulani lakini sasa nawaomba mambo hayo yaacheni ukiwa na shida washirikisheni wote" alisema Mwinjilisti huyo.

Kikosi cha Timu ya KMC FC leo kitaanza maandalizi kuelekea katika mzunguko wa pili wa michuano ya Ligi kuu ya NBC soka Tanzania Bara itakayoendelea Disemba 15 mwaka huu kwa mujibu wa ratiba ya Bodi ya ligi kuu Tanzania TPLB.

Katika hatua hiyo KMC FC itawakaribisha Coastal Union ya mkoani Tanga katika uwanja wa Uhuru hapa Jijini Dar es salaam ambapo itapigwa siku ya Alhamisi ya Disemba 15 saa 16:00 jioni.

Timu hiyo ya Manispaa ya Kinondoni chini ya kocha Mkuu Thierry Hitimana itaanza maandalizi hayo leo ikiwa imetoka kupata ushindi katika mchezo hapo jana wa michuano ya kombe la Azam Sports Federation ASFC  dhidi ya Tunduru Korosho uliomalizika kwa KMC FC kupata ushindi wa  magoli sita kwa moja.

Aidha katika michezo hiyo ya ligi kuu ya NBC,  KMC FC inajiweka vema ili kuanza vizuri katika michezo mitatu ya nyumbani kwa kuhakikisha kwamba inavuna alama zote muhimu na hivyo kuendelea kujiweka sawia katika msimamo wa Ligi.

" Tunakwenda tena kwenye mzunguko wa pili, tunafahamu kuwa utakuwa wenye ushindani zaidi ya ule wa kwanza kutokana na kwamba ndio tunakwenda kumaliza ligi , sasa kila timu itakuwa inajipanga kwa ajili ya kupata matokeo, hivyo KMC FC tunakwenda tukiwa imara na tutafanya vizuri kwenye michezo yetu.

Tutakuwa na michezo mitatu ya mwanzo wa mzunguko wa pili ambapo yote tutakuwa nyumbani,  michezo hiyo ni dhidi ya Coastal Union ya mkoani Tanga, Polisoi Tanzania pamoja na Simba, hivyo tuna waahidi mashabiki zetu kuwa tutafanya vizuri kwenye michezo hiyo.

KMC FC ipo katika nafasi ya 10 na jumla ya alama 16 baada ya kumalizika kwa mzunguko wa kwanza na kwamba inakwenda kwenye mzunguko huo wa pili ikihitaji ushindi kwa kila mchezo ili kufanikisha kupanda kwenye nafasi nzuri mwa msimamo wa Ligi Kuu ya NBC.

Mashabiki walikuwa wakifuatilia fainali ya Kihenzile Cup and awards.

Mashindano ya kihenzile cup and awards 2022 yametamatika kwa timu ya Igowole FC kuibu bigwa baada ya kuifunga timu ya Nyololo kwa mikwaju ya penati baada ya kutoka sare ya kufungana goli 2-2 ndani ya dakika 90 mchezo huo ulichezwa katika kiwanja cha shule ya msingi Igowole.

Kwa ushindi huo Timu ya Igowole imefanikiwa kujinyakulia kiasi Cha shilingi laki 5, Jezi seti 2, mipira miwili, Na T-shirt ambayo atavaa nahodha wa timu Hiyo.

Timu ya Nyololo iliyoambulia nafasi ya Pili imepewa kiasi Cha shillingi Laki 3, Jezi seti 2 na Mipira miwili pamoja na t-shirt Moja Kwa ajili ya Nahodha.

Kwa mujibu wa Mdhamini wa Michuano Hiyo, Mbunge wa Jimbo la Mufindi kusini David Kihenzile, Mshindi wa Tatu ambaye ni timu ya Mtwango baada ya kuifurusha timu ya Malangali Goli 7-0 amejunyakulia Shillingi Laki 1, Jezi seti 1 na T-shirt ya Nahodha.

Kihenzile alisema kuwa Lengo la michuano Hiyo ni kuibua vipaji vya vijana katika Jimbo la Mufindi Kusini na kuwaepusha na makundi hatarishi.

Alisema kuwa atawasemea wanamichezo bungeni ili serikali iweze kupunguza Kodi ya vifaa vya michezo Kwa lengo la kuwatengeneza vijana Kwa faida ya Timu za Tanzania na Taifa kwa ujumla

Kihenzile alisema kuwa katika Kutambua mchango wa shule za msingi zilizofanya vizuri katika mitihani ya darasa la saba mwaka huu, ametoa zawadi kwa shule ya tatu za halmashauri ya wilaya ya Mufindi ili kuhamasisha Taaluma.

Katika fainali ya Kihenzile Cup and awards Mgeni Rasmi alikuwa ni Naibu Waziri wa Utumishi na Utawala na Utawala Bora Deogratius Ndejembi alimpongeza Kihenzile Kwa kuanzisha mashindano Hayo huku akimtaka kuandaa Combine ya wachezaji waliofanya vizuri katika mashindano hayo ili waweze kuunda Timu ambayo itaenda kucheza mechi ya kirafiki na Timu ya Combine ya Chamwino Jijini Dodoma.

Mashindano Hayo yamehusisha Timu 16 kutoka katika kata za Jimbo la Mufindi kusini yameshuhudiwa na Mwandishi Nguli wa Habari za Michezo hapa Nchini Shaffih Dauda ambaye ameahidi kuwachukua vijana waliofanya vizuri ili kuwapeleka katika vilabu vikubwa na kufanya majaribio.

Naye Mjumbe wa Halmashauri Kuu ya Taifa bara NEC, Mh. Richard Kasesela amewapongeza washindi waliopatikana katika michuano hiyo ya Kihenzile Cup huku akiwasisitiza vijana watakaopata nafasi ya kuchaguliwa na Mwanahabari Dauda kwenda kufanya majaribio, kuonesha nidhamu na kufanya vizuri ili kuwashawishi Maskauti wengine kuja Mkoani Iringa kutafuta wachezaji wenye vipaji vya Mpira.

Na Mwandishi Wetu

Wawakilishi Bora wa ukanda wa Afrika Mashariki na Kati katika Mashindano ya Ligi ya Mabingwa Afrika (CAFCL) kwa misimu mitano mtawalia Simba SC wamepangwa kundi C msimu huu wa 2022/23.

Katika droo iliyopangwa mchana wa leo jijini Cairo nchini Misri Simba wameangukia kundi C ambapo watapambana na Raja Casablanca ya Morocco, Horoya ya Guinea Bissau na Vipers ya Uganda.

Simba walitin2 15,

Katika hatua hiyo ya makundi washindi wawili katika kila kundi watatinga hatua ya Robo Fainali ya Ligi ya Mabingwa Afrika CAFCL. 

Makundi ya Ligi ya Mabingwa Barani Afrika ukiachana na kundi C ni haya yafuatayo.

*CAF CHAMPIONS LEAGUE*

 _*GROUP A*_ 

*W.A.C* mar

*A Petro* Ang

*Js kabylie* alg

*As vita club* Congo

 _*GROUP B*_ 

*Al-ahly* egy

*Mamelod* Rsa

*El -hilal* sud

*Coton sport* cmr

 _*GROUP C*_ 

*Raja*

*Horoya a.c* gun

*Simba sc* Tan

*Vipers sc* uga

 _*GROUP D*_ 

*E.S.T* tun

*Zamale sc* egy

*Cr belouzdad*  alg

*Al -merikh* sud

Mwisho

Droo hiyo ambayo inafanyika mchana huu imeanza na Kombe la Shirikisho CAFCC kisha Ligi ya Mabingwa Afrika CAFCL.

Yanga ambao ni wawakilishi wa Tanzania katika Kombe la Shirikisho wameangukia kundi D sambamba na TP Mazembe ya DR Congo, US Monastir ya Tunisia na Real Bamako ya Mali.

Katika hatua hiyo kila timu itacheza mechi sita, tatu nyumbani na tatu ugenini na washindi wawili wa juu katika kila kundi watatinga hatua ya Robo Fainali ya Kombe la Shirikisho Barani Afrika CAFCC, 2⁰22/2023.

Makundi mengine ya Kombe la Shirikisho Barani Afrika CAFCC ni kama yafuatayo..

🔴 Group A:  

• USM Alger 🇩🇿 

• Marumo Gallants 🇿🇦

• Al Akhder 🇱🇾 

• Eloi Lupopo 🇨🇩

🔴 Group B:

• ASEC Mimosas 

• Diables Noir 🇨🇬

• Rivers United 🇳🇬 

• Motema Pembe 🇨🇩

🔴 Group D:

• TP Mazembe 🇨🇩

• US Monastir 🇹🇳 

• Yanga SC 🇹🇿 

• Real Bamako 🇲🇱

Mwisho

Na Hussein Ndubikile, Dar es Salaam

Katika kuhakikisha mazingira ya Bahari na maji yanatunzwa Wadau wa Mazingira kutoka Nchi Wanachama 15 wa Afrika wameshiriki katika Warsha ya siku tatu kwaajili ya kukuza Uelewa wa pamoja juu ya Mkataba wa Kimataifa wa Utunzaji wa Mazingira ya Bahari.

Naibu Katibu Mkuu wa Wizara ya Ujenzi na Uchukuzi (sekta ya uchukuzi) Dkt. Ally Possi akizungumza katika warsha hiyo leo jijini Dar es Salaam amesema kuwa Mwitikio wa nchi mwanachama umekuwa mkubwa na ni jambo ambali dunia imeanza kuipa kipaumbele mkataba wa kimataifa kwaajili ya kulinda mazingira ya bahari ili kuhakikisha viumbe vitakavyo zaliwa majini vinakuwa hai.

Akizungumzia kuhusiana na hali ya bahari kwa sasa amesema kuwa Mazingira ya Bahari kwa sasa ni manzuri lakini tahadhari mbalimbali lazima zitolewa kwaajili ya Vizazi vya vijavyo.

"Ifahamike kuwa vyanzo vya maji hususani bahari vinasimamia sera ya uchumi wa bluu, sasa bahari inapochafuka na inapoharibiwa kimazingira, sera ya uchumi wa bluu inakuwa ngumu kwani kwa sababu ya viumbe ambavyo vinafanyika kuwa uchumi vitapotea pamoja na vyombo vya usafiri majini vitaharibika na kushindwa kufanya kazi inayotakiwa."

Amesema Dkt. Possi

Amebainisha kuwa  mkutano huo utatilia mkazo wa uridhiaji wa Itifaki ya sheria ya Bahari kwaajili ya kuendeleza uelewa mpana wa wadau wote.

Washiriki wa mkutano huo ni Wafanyakazi wa Shirika la Uwakala wa Meli Tanzania (TASAC), Bandari, Taasisi ya Bahari ya Dar es Salaam (DMI) wa Wawakilishi wa Nchi 14 za Afrika.

Kwa upande  wake, Mkurugenzi Mkuu wa TASAC, Kaimu Abdi Mkeyenge amesema Shirika hilo limekasimiwa mamlaka ya kudhibiti mazingira ya majini na Maji yanayotokana na uchafunzi wa vyombo vya Usafiri Majini hivyo madhumuni ya warsha hiyo ni uelewa wa pamoja wa Jinsi ya kudhibiti maji, kusimamia masuala ya usafiri majini.

.....kwa kukaa sana yale maji inawezekana kuna viumbe ambavyo vinazaliwa na yale maji yaliyokuwa kwenye meli hakishushwa baharini katika maji ya kitaifa au eneo lolote la bahari kunauwezekano wa kushushwa na viumbe wengine ambao wamezaliwa baada ya yale maji kukaa muda mrefu

Hivyo basi yale maji yakishushwa yanaweza kuzalisha viumbe wengine ambavyo vitakuwa hatarishi kwa uendelevu viumbe ambao wapo baharini na tunavihitaji.

Amesema uchumi wa bluu unaweza usifikiwe kama maji yanakuwa hayadhibitiwi. Kwahiyo hatutaufikia uchumi wa bluu kama mikataba hii hatutairidhia na kuzingatia ni jinsi gani tunaweza kujikinga na hivyo viumbe ambavyo vinaweza kuzalishwa.

Shirika la Kimataifa la Bahari linatoa elimu kwa Taasisi mbalimbali zinazohusika na masuala ya usafiri kwa njia ya maji, taasisi zinazohusika na masuala ya bahari zimeshiriki warsha hiyo ili kuwa na uelewa wa pamoja ili mkataba utakaporidhiwa na kutengeneza kanuni za Kutumika hapa nchini.

Nae,  Mkurugenzi wa Usalama na Mazingira Baharini kutoka Wizara ya Ujenzi na Uchukuzi, Sekta ya Uchukuzi Stela Katondo amesema kuwa maji yanahobebwa na meli yanasaidia meli pale ambapo inakuwa haina mzigo pia ikiwa na mzigo mdogo yanapunguzwa au kuongezwa ili kuweka uzito sawa katika meli na Maji hayo watu wenye meli wamekuwa wakiyamwaga baharini jambo ambalo sio zuri.

"Maji hayo yanaviumbe na mimea ambayo sio asili ya huku kwetu kwa hiyo ikitokea yanamwagwa baharini yatakuwa na viumbe wavamizi wataleta namna tofauti ya kimazingira Shirika la Kimataifa la Bahari (IMO) liliona umhimu wa kuweza kudhibiti hali hiyo kwa sababu kimazingira sio sawa, kinachotakiwa ni kuto kumwagwa baharini kama nchi mwanachama wa IMO tunatakiwa kuridhia mkataba huo ili kuweza kusimamia kuwa haitakiwi ukifika bandarini kumwaga maji inatakiwa kwenda kumwagwa katika kati ya habari ili yasiweze kuleta shida katika eneo letu la mazingira ya maji.

Amesema kwa Tanzania Sasa hivi tupo katika hali nzuri kwa sababu tumeshaanza kuridhia mkataba pia amesema Kama wizara wameshatoa maoni na mapendekezo kwa wadau mbalimbali wanaohusika na mkataba huu. Na mpaka sasa wameshaanza kupokea maoni yao.