Makamu wa Rais wa Jamhuri ya Muungano wa Tanzania Mhe. Samia Suluhu Hassan, akifungua Maadhimisho ya Siku ya Kiswahili katika Ukumbi wa Hazina Jijini Dodoma leo Januari 19, 2021. (Picha na VPO).

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizindua Vitabu vya Mkakati na Muongozo wa kufundishia Lugha ya Kiswahili kwenye Maadhimisho ya Siku ya Kiswahili yaliyoadhimishwa leo Januari 19, 2021 katika Ukumbi wa Hazina Jijini Dodoma.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiwa katika picha ya pamoja na Viongozi, Wajumbe, Wadhamini na Wafanyakazi wa  Taasisi za Kiswahili baada ya Kufungua Maadhimisho ya Siku ya kiswahili katika Ukumbi wa Hazina Jijini Dodoma leo Januari 19, 2021.

Naibu mkuu  wa Takukuru Mkoa wa Pwani Sadiki  Nombo akizungumza na waandishi wa habari ofisini kwake akitoa taariga  kuhusiana na utekelezaji wa kazi amabzo wamezifanya katika kipindi cha kuanzia mwezi Octoba hadi disemba mwaka huu. (Picha na Victor Masangu).  

VICTOR MASANGU, PWANI   

Taasisi ya kuzuia na kupambana na Rushwa (TAKUKURU ) Mkoa wa Pwani imefanikiwa kuokoa kiasi cha zaidi ya shilingi milioni 58 ambazo zimetokana na malalamiko yaliyowasilishwa yakiwemo ya wimbi la ubadhilifu wa fedha ambazo wamedhulumiwa  wakulima  wa  zao  la  korosho ikiwemo na vikundi vya vijana wanawake na walemavu.

Akizungumza na waandishi wa habari Ofisini kwake Naibu mkuu  wa Takukuru Mkoa wa Pwani Sadiki  Nombo kwa ajili ya kutoa taarifa ya utekelezaji wa majukumu ambayo yameyafanya kwa kipindi  cha   miezi mitatu iliyopita kuanzia mwezi Octoba hadi kufikia Disemba mwaka 2020 pamoja na mikakati waliyojiweke katika kukabliana na wimbi la rushwa.

Aidha alifafanua kuwa katika robo ya kuanzia mwezi octoba  hadi disemba mwaka 2020 Ofisi ya Takukuru iliweza kupokea mamalamiko yapatayo 196  ambapo kati ya hayo  malalamiko 113 uchunguzi wake bado endelea kufanyika ili kuweza kuwabaini wale wote waliohusika na sheria iweze kufuata mkondo wake.

Pia aliingeza kuwa katika utekelezaji huo Takukuru Wilaya ya Mkuranga waliweza kukoka kiasi cha shilingi milioni 18 ambazo zilizotoka na baadhi ya wakulima kudhulumiwa na viongozi wa bodi ya Amcos ya kimanzichana kusini.

Kadhalika katika Wilaya ya Kibiti Takukuru iliweza kuokoa kiasi cha shilingi zaidi ya shilingi milioni 18 ambazo ziliweza kuokolewa kutoka katika vikundi mbali mbali ikiwemo kwa vijana, wanawake pamoja na walemavu ambavyo vilikopeshwa na halmashauri hiyo kushindwa kurejesha mikopo hiyo.

Aidha alifafanua kuwa kupitia katika Ofisi ya Wilaya ya Kisarawe waliweza kufanya uchunguzi wa kina na kuweza kuokoa jumla ya kiasi cha  zaidi ya shilingi milioni nne amabzo ziliweza kuchangwa na wananchi wa kijiji cha Marui Ngwata kwa ajili ya kufanya ujenzi wa mradi wa zahanati ya kijiji hicho.

Kwa upande wa Ofisi ya Chalinze katika kipindi cha mwezi octoba hadi disemba mwaka 2020 iliweza kufanikia kurejesha kiasi cha shilingi milioni moja zikiwa ni sehemu ya shilingi milioni tano amabzo zimetokana na mikopo amabyo ilitolea kwa vikundi vya wanawake vijana pamoja  na watu wenye ulemavu.

Ofisi ya Takukuru Wilaya ya Kibaha waliweza kufanya uchunguzi na kuweza kuokoa kiasi cha  zaidi ya shilingi milioni tisa kutoka kwa wanunuzi wa dawa za kituo cha afya cha mlandizi ambapo manunuzi hayo yalikiukwa na utaratibu  haukuzingatiwa ipaswavyo kwani dawa ziliozagizwa kutoka kampuni binafsi ya Astra Pharma Limited.

Katika hatua nyingine Naibu huyo alibainisha kwamba Takukuru katika  kupambana vilivyo  na wimbi la rushwa ya ngono ambayo imeonekana kuwa ni chngamoto  kubwa katika baadhi ya maeneo hususan kwa wanafunzi wameanzisha kampeni maalumu ambayo itaweza kusaidia  kwa kiasi kupunguza  hali hiyo.

Takukuru Mkoa wa Pwani katika robo ya tatu kuanzia mwezi octoba hadi disemba mwaka 2020  imeweza kupokea  kesi zipatazo 27 ambazo zinaendelea kusikilizwa katika mahakama mbali mbali  pamoja na  kupokea malalamiko   yapatayo 196 ambapo kati ya hayo malalamiko 113 yapo katika hatua ya uchunguzi.

Mkuu  wa Mkoa wa Ruvuma Christina Mndeme.

Na Mwandishi Wetu

MKUU wa Mkoa wa Ruvuma Chritina Mndeme amewapongeza Wakurugenzi watendaji wa Mamlaka za Serikali za Mitaa kwa kusimamia ukusanyaji wa Mapato kwa mwaka wa fedha 2019/2020 ambapo Halmashauri zote nane zimevuka  asilimia 80 na kufanya Mkoa kuwa katika nafasi nzuri Kitaifa.

Mndeme pia ameipongeza Mamlaka ya Mapato Tanzania(TRA) Mkoa wa Ruvuma kwa kufanya kazi nzuri ya kukusanya Mapato ya ndani  ya Mkoa  katika kipindi cha mwaka 2019/2020 na kuweza kukusanya zaidi ya shilingi bilioni 15 sawa na asilimia 94.

“Naipongeza Halmashauri ya Tunduru  kwa kukusanya Mapato ya Ndani kwa asilimia 121.87,pia naipongeza Halamashauri ya Manispaa ya Songea tangu  imeanza kutumia stendi kuu ya Shule ya Tanga Januari1,2021  imeongeza mapato kutoka shilingi 200,000 mpaka  970,000 kwa  siku”,alisema.

Mndeme amesema Mkoa unatarajia kuimarika kiuchumi kwa kuongezeka kwa mapato yatokanayo na kodi pamoja na ushuru kwasababu Barabara ya Ushoroba wa  Mtwara imefunguka na kupelekea kutoa fursa nyingi za kibiashara na kiuchumi.

Hata hivyo amesema biashara ambazo zinapatikana maeneo mengine Nchi Jirani za Malawi na Msumbiji yanaunganishwa kwa kupitia usafiri wa Ndege kupitia Uwanja wa ndege wa Songea na barabara ya lami ya Mtwara corridor.

Amesema Meli katika Ziwa Nyasa zimeanza kazi za Usafirishaji baada ya kuzinduliwa rasmi kwa Meli ya abiria ya MV Mbeya  II Januari 5,2021 na Waziri Mkuu wa Jamhuri ya Muungano  wa Tanzania Kassim Majaliwa ambayo inabeba abiria  300 na Mizigo tani 200.

Hata hivyo Mndeme amewaagiza Wakurugenzi kusimamia Mapato yatokanayo na Kodi pamoja na Ushuru amesema fedha hizo hutumika katika kujenga miradi ya maendeleo ikiwemo vituo vya Afya,Barabara,Ununuzi wa Ndege,Ujenzi wa Reli na  huduma nyingine za kijamii.

Ameziagiza Halmashauri zote nane za Mkoa wa Ruvuma kubuni na kupanua wigo wa mapato kwa kuhimiza watu kudai Risiti na wafanyabiashara  kutoa risiti kila wanapouza  bidhaa mbalimbali.

Naibu Waziri wa Mambo ya Ndani ya Nchi Mh. Khamis Hamza Chilo, akiwasili katika ofisi za Makao Makuu ya Jeshi la Polisi Nchini zilizopo Dodoma, Katika ziara hiyo amelipongeza Jeshi la Polisi nchini kwa kuendelea kutekeleza majukumu yake ipasavyo ya kudumisha Usalama wa Raia na mali zao.

     Naibu Waziri wa Mambo ya Ndani ya Nchi Mh. Khamis Hamza Chilo, akisalimiana na Makamishna wa Jeshi la Polisi baada ya kuwasili katika ofisi za Makao Makuu ya Jeshi la Polisi Dodoma.

Naibu Waziri wa Mambo ya Ndani ya Nchi, Khamis Hamza Chilo, akisikiliza maelezo kutoka kwa Mkuu wa Jeshi la Polisi (IGP) Simon Sirro kuhusu Jengo la Makao Makuu ya Jeshi la Polisi Nchini lililopo Dodoma ambapo ameaidi kushirikiana na Jeshi la Polisi kwa kuhakikisha Jengo hilo linakamilika kwa asilimia mia moja ili Watendaji wake waweze kutekeleza majukumu yao katika mazingira mazuri.

Naibu Waziri wa Mambo ya Ndani ya Nchi Mh. Khamis Hamza Chilo, akisaini kwenye kitabu cha wageni katika ofisi ya Inspekta Jenerali wa Polisi (IGP) Simon Sirro Dodoma.

Mwalimu Mkuu wa Shule ya Msingi Shaurimoyo, Senebius Mtega akizungumza na mwandishi wa habari hizi hivi karibuni.

Mwalimu Mkuu Msaidizi Shule ya Msingi Maholong'wa, Bw. Chefasi Mdessa akizungumza ofisini kwake hivi karibuni.

Mwalimu Mkuu Msaidizi Shule ya Msingi Matika, Ludan Njuu (kushoto), kulia ni mmoja wa walimu maalum wa kujitolea wa darasa la jifunze shuleni hapo.

Na Joachim Mushi, Ludewa

BAADHI ya walimu wakuu wa shule za msingi zinazotekeleza mradi wa majaribio wa Darasa Jifunze ndani ya Halmashauri ya Wilaya ya Ludewa, mkoani Njombe wameomba mradi huo uwe endelevu ili kuwasaidia wanafunzi wanaokubwa na changamoto ya ujifunzani hadi kufika darasa la tatu na kuendelea wakiwa hawajui kusoma na kuandika. Kauli hiyo imetolewa hivi karibuni wilayani Ludewa kwa nyakati tofauti na walimu hao katika mahojiano na mwandishi wa habari hizi kuzungumzia maendeleo ya mradi wa darasa jifunze uliokuwa ukitekelezwa kwenye shule zao.

Mwalimu Mkuu Msaidizi Shule ya Msingi Maholong'wa, Bw. Chefasi Mdessa akizungumza amesema kuna mafanikio makubwa ya mradi huo unaotekelezwa kwa majaribio katika shule hiyo, jambo ambalo limeleta matumaini kwao na hivyo kushauri ikiwezekana mradi huo uendelee kutekelezwa katika shule za msingi zenye changamoto ya ujifunzaji. 

Alisema tathimini iliyofanywa kubaini wanafunzi wasiojua kusoma na kuandika kuanzia darasa la kwanza hadi la sita katika shule hiyo, ilibainini wanafunzi 83 wakiwa hawajui kusoma vizuri na hivyo kuingizwa rasmi katika mradi wa Jifunze uliotekelezwa kwa awamu tatu zenye siku 10. Alisema ndani ya siku 30 za utekelezaji mradi huo ilifanikisha kuwawezesha idadi kubwa ya wanafunzi na kusalia 9 tu ambao walikuwa bado na changamoto hiyo.

"...Mapendekezo mengine binafsi natamani mradi huu uwe wa kudumu shuleni hapa na utumike kwa kufundishia darasa la awali, darasa la kwanza na kwa darasa la pili, naamini mafanikio tulioyapata kwa muda mfupi tukiingiza mfumo huu ukawa wa kudumu tutapunguza kwa kiasi kikubwa wanafunzi waliojua kusoma na kuandika katika shule zetu," alisema Bw. Chefasi Mdessa.

Kwa upande wake, Mwalimu Mkuu wa Shule ya Msingi Shaurimoyo, Senebius Mtega alisema mradi wa darasa la Jifunze ulianza kutekelezwa katika shule hiyo tangu mwezi Agosti 2020 ukiwa na wanafunzi 78 wasiojua kusoma na kuandika katika hatua mbalimbali ulikuwa na mafanikio makubwa ndani ya kipindi kifupi. Alisema wapo wanafunzi ambao walikuwa wanashindwa kusoma herufi, wengine pia kushindwa kusoma maneno na pia wapo ambao walishindwa kusoma aya; ambapo waligawanywa kulingana na changamoto zao za ujifunzaji lakini idadi kubwa ilifanikiwa.

"...Tulianza kutekeleza mradi tukiwa na wanafunzi 78, kimsingi mradi huu umetusaidia sana kwani wanafunzi wengi wamefaulu kutoka katika changamoto ya awali ya kutokumudu kusoma na kuandika kwa ufasaha. Ni mradi mzuri tunaupenda na tunapenda hata uwe endelevu hapa kwetu na hata kwenye shule zingine," aliongeza Mwalimu Mkuu Shule ya Msingi Shaurimoyo, Bw. Mtega.

Naye Mwalimu Mkuu Msaidizi Shule ya Msingi Matika, Ludan Njuu anasema hadi wanaanza kutekeleza mradi wa Jifunze walikuwa na jumla ya wanafunzi 75, waliokuwa na changamoto za usomaji kwenye madaraja ya aya, maneno na silabi, lakini hadi mwisho wa mradi zinakamilika siku 30 ni wanafunzi 13 pekee ndio walikuwa na changamoto hiyo, huku wengine wote wakifanikiwa kuvuka katika changamoto hiyo.

"...Kimsingi zoezi hili kama litaendelea watoto wengi walio na changamoto hiyo tunaweza kuwapunguza. Alishauri viongozi sekta ya elimu kwa kushirikiana na Uwezo Tanzania kuangalia namna ya kuufanya mradi huo uwe endelevu na kutekelezwa shule zote kwa madarasa ya awali, darasa la kwanza na la pili ili kumaliza kabisha changamoto hiyo ambayo ipo katika maeneo kadhaa," alisema mwalimu huyo.

 NA VICTOR MASANGU, PWANI 

MBUNGE wa viti maalumu Mkoa wa Pwani kupitia tiketi ya Chama cha mapinduzi Hawa Mchafu amewahimiza wanafunzi wa shule za msingi na sekondari kuhakikisha kwamba wanajenga tabia ya kula matunda ambayo yameoshwa na maji safi na salama  pamoja na kunawa mikono yao  kwa lengo la kuweza kuthibiti hali ya mlipuko wa magonjwa mbali mbali ambayo wanaweza kuyapata.

Mchafu aliyasema hayo wakati akizungumza kuhusiana na mikakati yake aliyojiwekea katika  masuala  mbali mbali ya kuboresha sekta ya elimu ambapo alibainisha kuwa wanafunzi wanapaswa kuwa ana afya njema wakati wote hivyo wanatakiwa kuzingatia taratibu zote ambazo zinatolewa na wataalamu wa afya ili kuepeukana na mlipuko wa magonjwa hayo.

“Kwa sasa hivi katika baadhi ya maeneo kuna shule ambazo zina miti ya matunda mbali mbali hivyo wakati mwingine yanawez kuanguka chini na baadhi ya wanafunzi waneweza kuyaokota na kula pasipo kuyaosha lakini mimi nichukue fursa hii kuwaasa wawe na utaratibu wa kuosha mikono yao pamoja na kuosha matunda hayo hii itasaidia zaidi katika kujikinga na magonjwa,”alisema Mchafu.

Pia Mchafu aliongeza kuwa katika kuunga mkono juhudi za serikali katika kupambana na mlipuko wa magonjwa mbali mbali atashirikiana bega kwa began a walimu pamoja wataalamu wa afya ili waweze kutoa mafunzo juu ya umuhimu wa kunawa mikono wakati wa kula pamoja na kuachana na tabia ya kula matunda au vyakula ambayo hayijaoshwa.

Kadhalia aliongeza kuwa lengo la serikali ya awamu ya tano ni kuhakikisha kwamba wanafunzi wa shule za msingi na sekondari wanasoma katika mazingira ambayo ni rafiki na wakiwa katika afya nzuri hivyo ni vema kukawa na mipango madhubuti katika suala zima ya usafi wa mazingira katika maeneo mabali mbali hususan katika ulaji wa vyakula.

Katika hatua nyingine aliwakumbusha wanafunzi hao pia kuhakikisha kwamba wanakunywa maji ambayo yamechemshwa ili kuondokana na kupata magonjwa  mbali mbali ikiwemo kuumwa na matumbo na ambayo mengine yanakuwa na uchafu ambao unaweza kupelekea kusababisha madhara makubwa ya kiafya.

Pia  Mbunge  mchafu  aliahidi kuendelea kushirikiana na wananchi pamoja na wataalamu wa afya katika kuweka mipango madhubuti ya kutoa elimu ya mara kwa mara hasa katika maeneo ya vijijini ili kuweza kutoa elimu ambayoitaweza kuwa ni moja ya msaada na mkombozi mkubwa wa kuwasaidia wananchi kujikinga na magonjwa ya mlipuko.

 Meneja Mahusiano wa Idara ya Biashara na Kadi wa Benki ya NMB, Yusuph Achayo, akizungumza wakati wa kuchezesha droo ya Saba ya Promosheni ya Mastabata iliyochezeshwa jijini Dar es Salaam. kushoto ni Msimamizi kutoka Bodi ya Michezo ya kubahatisha, Pendo Albert Mfuru na kulia ni ofisa huduma kwa wateja wa Benki ya NMB, Yvette Nkhoma.

Meneja Huduma za Kadi kwa Wateja wa Benki ya NMB, Yuette Lupilli akizungumza na mmoja wa washindi wa promosheni ya mastabata wakati wa kuchezesha droo ya saba iliyochezeshwa jijini Dar es Salaam. Kushoto ni Msimamizi kutoka Bodi ya Michezo ya kubahatisha, Pendo Albert Mfuru na katikati ni  Meneja Mahusiano wa Idara ya Biashara na Kadi wa Benki ya NMB, Yusuph Achayo.

Na Mwandishi Wetu

KIASI cha Shilingi Milioni 56.8 kimenyakuliwa na washindi kwa droo ya NMB MastaBATA, ikiwa ni fedha taslimu na bidhaa nyingine zinazoshindaniwa katika droo hiyo inayoendeshwa na Benki ya NMB.

Hadi jana jumla ya washindi 280 wa kila wiki wamepatikana ambapo kila mmoja alishinda Shilingi 100,000 fedha taslimu tangu kuanza kwake Novemba 2020.

NMB MastaBATA, ni Kampeni ya miezi mitatu iliyozinduliwa Novemba 24, 2020 na itadumu hadi Februari mwaka huu, ambako zawadi mbalimbali zinatolewa zikiwamo pesa, simu janja, jokofu, runinga na safari ya kwenda kupumzika Zanzibar, Serengeti na Ngorongoro.

Aidha, jana walipatikana washindi 40 wa kila wiki waliojinyakulisha Shilingi 100,000 kila mmoja, ambapo idadi ya washindi hao imefikia 280 katika Droo iliyosimamiwa na Pendo Albert, kutoka Bodi ya Michezo ya Kubahatisha Tanzania (GBT), ambapo kigezo cha ushiriki ni matumizi ya Kadi za NMB Mastercard na Masterpass QR.

Akizungumza kabla ya kufanyika kwa droo hiyo, Meneja Uhusiano wa Biashara ya Kadi ya NMB, Yusuph Achayo alisema jana ilikuwa ni droo ya saba iliyotoa zawadi za jumla ya Shilingi Milioni 4 ambapo ni Shilingi 100,000 kwa kila mshindi kwa washindi 40.

"Tumeshuhudia watu wengi wakijinyakulia zawadi mbalimbali ikiwemo fedha taslimu na vifaa vya nyumbani. Tunawashauri wateja wetu waendele kutumia kadi zao kwenye manunuzi na huduma nyingine za kifedha," alisema Achayo.

Aliongeza kuwa, ukiondoa droo za kila wiki, pia NMB MastaBATA imewazawadia jumla ya washindi 12 kati ya washindi 15 wa droo za kila mwezi ambao wao wamekuwa wakijishindia simu janja aina ya Samsung Galaxy Note20, yenye thamani ya Shilingi Milioni 2.4

"Wito wetu kwa wateja wa NMB wenye kadi za NMB Mastercard na Masterpass QR, kufanya manunuzi na malipo mbalimbali ili kujiwekea nafasi ya kushinda droo zijazo za kila wiki, kila mwezi na ile zawadi kuu ya Grand Finale," alisema Achayo.

Aidha, zawadi kuu ya Grand Finale ambayo ni utalii Zanzibar, Ngorongoro ama Serengeti, inawapa washindi uhuru wa kuchagua zawadi mbadala kama runinga iliyolipiwa DSTV miezi mitatu, Jokofu, Laptop, Simu (Samsung A70), Water Dispenser na Microwave.

Kwa upande wake, Pendo, Ofisa wa GBT, aliwataka wateja wa NMB kuendelea kutumia kadi zao ili kujishindia zawadi zinazotolewa na NMB MastaBATA, na kwamba mchakato wa kuwapata washindi unafanyika kwa kufuata sheria na taratibu.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza na Wanafunzi wa Shule ya Sekondari Bukoba iliyopo Bukoba mjini mkoani Kagera muda mfupi mara baada ya kushuhudia utiaji saini wa Mkataba wa makubaliano kati ya Serikali na Kampuni ya LZ Nickel limited leo tarehe 19 Januari 2021.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza na wananchi wa Kyaka Misenyi mkoani Kagera wakati akielekea Wilayani Karagwe.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akiagana na Wanafunzi wa Shule ya Sekondari Bukoba mara baada ya kuzungumza nao.

WAZIRI wa Afya, Maendeleo ya Jamii, Njisia,Wazee na Watoto Dkt. Dorothy Gwajima.

Na Mwandishi Wetu, Dodoma

WAZIRI wa Afya, Maendeleo ya Jamii, Njisia,Wazee na Watoto Dkt. Dorothy Gwajima amesema Tanzania kuna ongezeko kubwa la wagonjwa wapya wa Saratani wapatao 50,000.

Kamanda wa Polisi Mkoa wa Pwani, Wankyo Nyigesa, akizungumza na waandishi wa habari ofisini kwake kuhusiana na tukio hilo.

Aliyekuwa askari wa Jeshi la Polisi Mkoa wa Pwani mwenye  namba E 6472  marehemu Yusuph Said (52), ambaye alijinyonga katika  nyumba yake aliyokuwa anaijenga katika maeneo ya Kata ya Kongowe akiwa katika picha na wenzake enzi za uhai wake. (Picha na Maktaba). 

NA VICTOR MASANGU, PWANI 

ASKARI wa Jeshi la   Polisi aliyekuwa anafanyakazi katika Kituo cha Polisi wilayani Kibaha Mkoa wa Pwani  namba E 6472   Yusuph Said  mwenye umri wa miaka (52)  amekutwa  amejinyonga hadi kufariki dunia  katika  nyumba yake anayoijenga katika maeneo ya miembe saba   kata ya Kongowe wilaya ya Kibaha.

Akizungumza na waandishi wa habari ofisini kwake Kamanda wa Polisi Mkoa wa Pwani Wankyo Nyigesa alithibitisha kutokea kwa tukio hilo ambalo limetokea katika eneo la Miembe saba B  kata ya Kongowe wilayani Kibaha ambapo alisema tukio hilo lilitokea Januari 18 majira ya saa 12 jioni.

Kamanda Wankyo alisema Yusuph alikua akitumikia katika kituo c anaishi Picha ya Ndege lakini siku ya tukio alienda Kongowe eneo ambalo anaendelea na ujenzi na ndipo alipokutwa amejinyonga na kamba.

Kamanda alibainisha kwamba uchunguzi kuhusiana na tukio hilo unaendelea wakati taratibu za kumsafirisha marehemu kwenda kwao Lindi kwa maziko zikiendelea.

Msaidizi wa balozi kwenye eneo hilo Imelda Kitosi alisema akiwa nyumbani alipigiwa simu kuwa kuna tukio la mtu kujinyonga ndipo akaenda kushuhudia akiwa na baadhi ya majirani.

Imelda alisema alipofika alielezwa na wazazi wa watoto waliokuwa karibu ya eneo hilo kuwa kuna watoto waliokuwa wanacheza kombolela nje ya nyumba hiyo ambao walisema walisikia mtu anajipiga ndani ya nyumba na walipochungulia wakamkuta tayari yupo chini akiwa na kamba shingoni na walikimbia kwenda kutoa taarifa.

Wazazi hao walipofika katika nyumba hiyo ambayo bado inajengwa walimkuta askari huyo tayari ameshafariki ndipo walipoanza kutoa taarifa kwa viongozi na kumpigia msaidizi huyo wa balozi.

"Mimi sasa baada ya kupigiwa simu niliingia hapa pamoja na baadhi ya watu waliokuwa karibu tulimkuta yuko kwenye chumba ambacho kilikua kinajengwa kama bafu au choo kamba kaifunga juu na chini kulikua na tofali ambalo baada ya kuhangaika sana mguu mmoja tulikuta kama umepiga goti na mwingine umeegemea tofali huku kamba ikiwa shingoni" alisema.

Balozi huyo alieleza kuwa baada ya kushuhudia tukio hilo ndipo walipiga simu Polisi kutoa taarifa na walifika na kuchukua mwili wa marehemu.

 NA HAMIDA RAMADHANI, DODOMA

Na Rayson Mwaisemba WAMJW- Dom

Msajili wa Baraza la Famasi nchini, Elizabeth Shekalaghe (pichani), ametoa siku 14 kwa wafamasia wanaosimamia famasi ambazo hazipo katika maeneo yao ya kazi kujisalimisha katika Baraza hilo.

Bi. Shekalaghe ametoa agizo hilo leo wakati akiongea na maafisa habari wa Wizara ya Afya katika ofisi zake zilizo katika jengo la Bima ya Afya Jijini Dodoma.

"Kwa wale wafamasia ambao, wanasimamia famasi ambazo hazipo ndani ya  maeneo yao ya kazi, natoa siku 14 kuanzia leo, kujisimisha Baraza la Famasi, mtu anakaa Morogoro anasimamia famasi Dodoma, lakini taarifa alizotuletea sisi yupo Dodoma, sasa tumeshaanza kufanya ufuatiliaji maalum ili kuwabaini" alisema Bi. Shekalaghe.

Bi Shekalaghe alisema kuwa, Baraza la Famasi limeanza kufanya ufuatiliaji maalum ili kuwabaini wafamasia wote wanaokiuka maadili na Sheria kwa kutoa taarifa za uongo za kuonekana yupo kwenye kituo fulani, wakati uhalisia anakuwa katika kituo kingine.

Kwa upande mwingine Bi Shekalaghe alisema kuwa, “Kifungu Na. 43 cha Sheria ya Famasi, Sura 311 kinaelekeza kwamba, hairuhusiwi mtu yoyote kujihusisha na biashara ya famasi kama sio mfamasia, huku akisisitiza endapo mtu huyo atahitaji kufanya hivyo, atalazimika kutafuta mfamasia ili asimamie huduma hiyo " alisisitiza Bi. Shekalaghe.

Alisema pia kuwa, Kanuni ya 10  ya Kanuni za Utendaji wa Taaluma za Mwaka 2020, zimeelekeza kwamba mfamasia atawajibika na usimamizi wa huduma katika famasi hiyo kila siku, huku akiweka wazi kuwa, kwa kiasi kikubwa bado wafamasia wengi hawawajibiki kwa kiwango cha kuridhisha katika maeneo yao ya kutolea huduma.

Aliendelea kusema kuwa, hivi karibuni kumekuwa na tabia ya wafamasia kuingia mikataba na wamiliki wa maduka ya famasi, huku wakishindwa kutekeleza majukumu yao, jambo ambalo ni kinyume na Kanuni za utendaji wa taaluma na bado wakipokea mishahara ya usimamizi wa famasi hizo bila kufika na kutekeleza majukumu yao ya msingi.

Aidha, Bi Shekalaghe ametoa rai kwa wafamasia wote nchini, kufika katika maeneo yao ya kazi.
"Nitoe rai kwa wafamasia kwamba, hakikisha unakwenda katika famasi unayosimamia kwasababu kanuni ya utendaji wa taaluma inakuelekeza kwamba, una wajibu  wa kufanya shughuli za usimamizi wa huduma za kila siku katika eneo hilo " alisema Bi Shekalaghe.

Mbali na hayo, amewaeleza wamiliki wa famasi kuwa, ni kosa kwa mfamasia kutokufika katika eneo la kazi, huku akisisitiza kuwa Kanuni ya 13 ya Kanuni za Usajili wa Famasi imeelezea kuwa,  kutofika kwa mfamasia katika famasi ni moja ya sababu za kufutwa kwa kibali cha uendeshaji wa huduma hizo kwa sababu ya kukosa usimamizi.  

Pia, Bi Shekalaghe amesisitiza kuwa, dawa si biashara, bali ni huduma ambayo inapaswa kusimamiwa kwa weledi wa hali ya juu na mtaalamu aliyepewa jukumu hilo kisheria na  mwenye vigezo na maadili ya utoaji huduma hiyo.

“Sitakubali kuona uzembe na kutowajibika kwa wafamasia wachache huku wakiendelea kuwaweka wananchi katika hatari ya kupata athari dhidi ya matumizi holela ya dawa. Hilo halikubaliki”

Amewakumbusha wanataaluma wote kusoma Sheria, Kanuni na Miongozo inayosimamia taaluma ya famasi na kuitekeleza pasipo shuruti wakati wanatekeleza majukumu yao.

Naibu Waziri wa Ujenzi na Uchukuzi, Mhandisi Godfrey Kasekenya, akisisitiza jambo kwa watumishi wa Mfuko wa Barabara (RfB), alipotembelea ofisini hapo jijini, Dodoma ili kujitambulisha na kukagua utendaji kazi wa Mfuko huo.

Naibu Waziri wa Wizara ya Ujenzi na Uchukuzi, Mhandisi Godfrey Kasekenya, akiwa katika picha ya pamoja na watumishi wa Mfuko wa Barabara (RfB), wakati Naibu Waziri huyo alipotembelea ofisini hapo jijini, Dodoma ili kujitambulisha na kukagua utendaji kazi wa Mfuko huo. PICHA NA WUU.

Naibu Waziri wa Ujenzi na Uchukuzi, Mhandisi Godfrey Kasekenya, ameitaka Bodi ya mfuko wa Barabara (RfB) kutumia vifungu vya sheria vitakavyowabana watumiaji wa barabara wanaoegesha magari kwenye mabega ya barabara, wanaoiba alama za barabarani pamoja na wanaopitisha mifugo kwenye barabara.

Mhandisi Kasekenya ameyasema hayo, alipotembelea ofisi za Mfuko huo zilizoko Njedengwa, jijini Dodoma ili kujifunza shughuli zinazofanywa na mfuko huo.

“Simamieni sheria na muwachukulie hatua wale wote wanaoujumu miundombinu ya barabara kwa namna moja ama nyingine ili tuzilinde barabara zetu na kutotumia fedha nyingi katika matengenezo”. amesema Mhandisi Kasekenya.

Aidha, amewataka Mameneja wa Wakala wa Barabara nchini (TANROADS) na wa Wakala wa Barabara za Vijijini na Mijini (TARURA) kuhakikisha wanaziba mashimo barabarani ndani ya masaa 48 kama sheria inavyoelekeza ili kupunguza ajali zinazoweza kutokea kutokana na uwepo wa mashimo hayo.

“Hakikisheni mnakuwa na uwezo wa kupata taarifa kwa kuambiwa au kukagua ili kubaini mashimo yaliyopo barabarani na kuziba mashimo haya ndani ya masaa 48, Sheria itachukua mkondo wake kwa yeyote asiyetii sheria hii’’, amesisitiza Kasekenya.

Naye, Meneja wa Bodi ya Mfuko wa Barabara Eliud Nyauhenga, pamoja na mambo mengine  amemueleza Naibu Waziri huyo kuwa Mfuko unafanya shughuli mbalimbali ikiwemo kukusanya fedha, kugawa fedha kwa Taasisi husika pamoja na kufuatilia matumizi ya fedha hizo.

Aliongeza kuwa, asilimia 70 ya makusanyo inapelekwa kwenye ukarabati wa barabara za kitaifa ambazo ziko chini ya wakala wa Barabara nchini (TANROADS) na asilimia 30 inapelekwa kwenye ukarabati wa barabara zilizoko chini ya Wakala wa Barabara za Vijijini na Mijini (TARURA).

Nyauhenga, amefafanua kuwa mfuko huo unategemea vyanzo mbalimbali vya mapato ikiwemo tozo za mafuta na barabara, tozo za magari ya kigeni (Transit fees) pamoja na tozo inayolipwa na wanaozidisha uzito wa magari barabarani.

Kasekenya, ametembelea Bodi ya Mfuko wa Barabara ambayo imekuwa ikitoa fedha kwa ajii ya matengenezo ya barabara nchini zinazosimamiwa na TANROADS pamoja na TARURA na kuhakikisha kuwa hali ya mtandao wa barabara nchini inakuwa bora.

Mkurugenzi Msaidizi Idara ya Maeandeleo ya Makazi Wizara ya Ardhi Nyumba na Maendeleo ya Makazi, Imaculate Senje akizungumza na Wenyeviti wa Mitaa ya Kata za Mpunguzi na Matumbulu katika halmashauri ya jiji la Dodoma (hawapo pichani) wakati wa kutangaza mpango wa uhamasishaji utekelezaji Mpango Kabambe wa jiji la Dodoma tarehe 20 Januari 2021.

 Na Munir Shemweta, WANMM DODOMA

Wizara ya Ardhi Nyumba na Maendeleo ya Makazi inatarajiwa kuanza utekelezaji Mpango Kabambe wa jiji la Dodoma kwa kuanza kuhamasisha wananchi wa kata za Mpunguzi na Matumbulu kufanya maendeleo kwa kuzingatia mpango huo.

Timu ya Wataalamu wa Wizara ya Ardhi Nyumba na Maendeleo ya Makazi pamoja na  Halmashauri ya Jiji la Dodoma ikiongozwa na Mkurugenzi Msaidizi Idara ya Maendeleo ya Makazi Wizara ya Ardhi Bi. Imaculate Senje ilikutana na Wenyeviti wa Mitaa iliyo kwenye kata hizo kwa lengo la kuwajengea ufahamu kuhusiana na utekelezaji Mpango Kabambe.

Akizungumza na Wenyeviti hao leo tarehe 20 Januari 2021 katika ofisi ya Mtendaji Kata ya Matumbulu jijini Dodoma, Bi Imaculate alisema Wizara kwa kushirikiana na halmashauri ya jiji la Dodoma imeamua kuanza uhamasishaji wa utekelezaji wa mpango huo ili wananchi waulewe  na kuachana na ile dhana ya kusema Serikali inapora maeneo.

Mkurugenzi huyo Msaidizi wa Idara ya Maendeleo ya Makazi Wizara ya Ardhi aliongeza kwa kusema kuwa, zoezi la utekelezaji Mpango Kabambe wa jiji la Dodoma unalenga maendelezo ya eneo hilo kufanyika kwa kuzingatia mpango huo.

Kwa mujibu wa Bi. Imaculate, kwa kuanzia utekelezaji Mpango Kabambe utaanzia kata ya Mpunguni na kuhusisha maeneo ya Mashamba na Viwanda na baadaye katika maeneo ya makazi ya wananchi ambapo zoezi litakalofanyika huko ni la urasimishaji.

‘’Kipaumbele kwa sasa katika zoezi la utekelezaji mpango kabambe wa jiji la Dodoma litakuwa katika maeneo ya mashamba na viwanda na hapa tunataka tuepuke ujenzi holela katika maeneo hayo na kuzingatia mpango kabambe uliopo’’ alisema Imaculate.

Alisema, wakati wa utekelezaji zoezi hilo hatua ya awali wataalamu watachukua taarifa za wamiliki wote kwenye maeneo yaliyopangwa kwa ajili ya mashamba na viwanda ambapo maeneo hayo yatapimwa na wamiliki wake kumilikishwa na kusisitiza kuwa, baada ya kumilikishwa hawataruhusiuwa kufanya maendelezo kinyume na mpango kabambe.

Kwa upande wake Afisa Mipango Miji wa halmashauri ya Jiji la Dodoma Aisha Masanja alisema lengo la kukutana na wenyeviti wa mitaa kabla ya kukutana na wananchi ni kuwataka wenyeviti hao kuwa mabalozi wazuri wa kuwaelimisha wananchi kuhusiana na zoezi hilo na kuongeza kuwa inachotaka serikali kupitia zoezi hilo ni kuhakikisha kila mwananchi anabaki katika eneo lake na kusisitiza kuwa baada ya hapo itatolewa ramani ya msingi itakayoainisha shughuli ya kila eneo kulingana na mpango.

 *Halmashauri zinazolima mkonge zatakiwa kuanzisha vitalu vya miche

WAZIRI MKUU Kassim Majaliwa ameziagiza Halmashauri zinazolima mkonge nchini pamoja na wakulima wakubwa wa mkonge watenge ekari 10 kwa akili ya kuanzisha vitalu vya kuzalisha miche ya mkonge ili kupunguza tatizo la upungufu wa mbegu.

Pia, Waziri Mkuu ameiagiza Wizara ya Kilimo itenge fedha katika bajeti yake kwa ajili ya kituo cha TARI Mlingano ili kukiwezesha kupanua eneo la uzalishaji miche kwa kununua vitendea kazi yakiwemo matrekta.

Ametoa maagizo hayo leo (Jumatano, Januari 20, 2021) baada ya kukagua kitalu cha miche ya mkonge la TARI Mlingano lililopo wilayani Muheza, Tanga na kufungua zoezi la ugawaji wa miche kwa wakulima wa zao hilo.

Waziri Mkuu amesema ili kukabiliana na changamoto ya upungufu wa miche ya mkonge nchini kila halmashauri na wakulima wakubwa wanatakiwa watenge ekari 10 kwa ajili ya kuandaa vitalu vya miche ya mkonge na kugawa kwa wananchi kwenye maeneo yao.

Amesema kituo cha TARI Mlingano kinatakiwa kijikite katika kufanya  utafiti wa mbegu bora pamoja na dawa za kudhibiti magonjwa katika zao hilo na suala la uzalishaji wa mbegu lifanywe kwa ushirikiano katika ya kituo hicho na wadau wa zao hilo.

Kadhalika, alisema kuwa lengo la serikali ni kuhakikisha mpaka ifikapo mwakani kuwa na ongezeko la uzalishaji wa miche zaidi ya Milioni mbili ya sasa kwani mahitaji ni makubwa kwa sasa.

Kwa upande wake Mkurugenzi Mtendaji wa Kituo cha Utafiti wa Kilimo cha Mlingano, Dkt Catherine Senkoro amesema hadi kufikia Januari, 2021 jumla ya hekta 32.6 sawa na ekari 81.5 zimepandwa miche ya mkonge katika maeneo ya TARI Mlingano.

Amesema kituo chao kwa kushirikiana na Bodi ya Mkonge Tanzania imetoa mafunzo kwa wakulima na Maafisa Ugani katika baadhi ya mikoa inayofaa kwa kilimo cha mkonge ambayo ni Tanga, Morogoro, Pwani, Kilimanjaro, Lindi, Simiyu, Shinyanga na Mara. “Kufikia Desemba 2020, wakulima 422 na Maafisa Ugani 840 katika mikoa hiyo walipatiwa mafunzo.”

Mkurugenzi huyo ameongeza kuwa katika mwaka wa fedha 2020/2021 Wizara ya Kilimo kupitia kituo cha TARI Mlingano imepanga kuzalisha miche 4,000,000 katika vitalu vyake, pia itapanua maabara ya uzalishaji wa miche kwa njia ya chupa  ili kuongeza kasi ya upatikanaji wa miche. Utaratibu huo unakadiriwa kuchangia miche milioni 10 kwa mwaka.

Mhe. Humphrey Polepole (mwenye tai), akipatiwa maelezo na Meneja Mahusiano TTCL, Bi. Puyo Nzalayaimisi juu ya vifurushi vinavyotolewa na TTCL CORPORATION alipotembelea viwanja vya Bunge leo asubuhi.

Waziri wa Afya na Maendeleo ya Jamii, Jinsia, Wazee na Watoto Dkt. Dorothy Gwajima, Mb (kushoto) akikabidhiwa zawadi ya kalenda ya mwaka 2021 na Meneja Mahusiano wa TTCL Bi. Puyo Nzalayaimisi (Kulia) mapema leo asubuhi katika viwanja vya Bunge.

Waziri wa Mawasiliano na Teknolojia ya Habari Dkt. Faustine Ndugulile (katikati), akifafanua jambo kwa watoa huduma wa TTCL waliotembelea viwanja vya Bunge mapema leo.

 Na Mwandishi Wetu, Dodoma 

Shirika la Mawasiliano Tanzania (TTCL CORPORATION), limeanza kutekeleza baadhi ya maagizo ya Waziri wa Mawasiliano na Teknolojia ya Habari Mhe. Dkt. Faustine Ndugulile (Mb) katika viwanja vya Bunge jijini Dodoma. Baadhi ya maagizo yaliyotolewa na Mhe. Ndugulile alipozungumza katika kikao kazi cha Shirika hilo kilichojumuisha viongozi wa Shirika na Mameneja wa Mikoa mwishoni mwa wiki iliyopita jijini Dodoma. Miongoni mwa maagizo yaliyotolewa ni pamoja na Shirika kuendelea kujitangaza, kuboresha bidhaa, kuboresha huduma kwa wateja  na kuongeza ubunifu.

Katika utekelezaji huo, baadhi ya watumishi wa Shirika hilo wakiongozwa na Meneja wa Mahusiano Bi.Puyo Nzalayaimisi, wameanza utekelezaji wa maagizo hayo katika viwanja vya Bunge kwa kutangaza zaidi bidhaa zao kwa kipindi chote cha Bunge. Huduma zinazotolewa kwa Waheshimiwa Wabunge ni pamoja na Usajili wa laini za TTCL, Huduma za T-PESA na Uuzaji wa bidhaa zinazotolewa na Shirika hilo.

Mmoja wa wabunge waliohudumiwa ni Waziri wa Afya na maendeleo ya jamii, jinsia, wazee na watoto Mhe. Dkt. Dorothy Gwajima (Mb) ambaye alilitaka Shirika kuendelea kutoa na kuboresha huduma ya mawasiliano katika sekta ya Afya Nchini.

Naye Meneja wa Mawasiliano wa Shirika hilo Bi. Puyo Nzalayaimisi aliahidi kuendelea kutekeleza maagizo yote yaliyotolewa na Waziri wa Mawasiliano, “Kama Shirika la Mawasiliano Nchini tutaendelea kutoa huduma zetu zenye viwango bora na kulitangaza Shirika letu ili kufikia malengo pamoja na kutimiza maazimio yaliyotokana na kikao kilichopita” alisema Bi.Puyo.

Afisa Mkuu wa Wateja Binafsi na Biashara wa Benki ya NMB, Filbert Mponzi akizungumza katika mkutano wa wadau wa zao Mkonge uliofunguliwa na Waziri Mkuu, Kassim Majaliwa jijini Tanga.

Afisa Mkuu wa Wateja Binafsi na Biashara wa Benki ya NMB, Filbert Mponzi, akizungumza jambo na Mkurugenzi Mkuu wa Tanzania Horticultural Association (TAHA), Jaqueline Mkindi, wakati wa mkutano wa wadau wa zao la Mkonge uliofunguliwa na Waziri Mkuu, Kassim Majaliwa  jijini Tanga. (Na Mpiga Picha Wetu).

Na Mwandishi Wetu, Tanga

Benki ya NMB imesema kuwa itahakikisha inaendelea kutoa huduma za kifedha kwa kushirikiana na wadau mbalimbali katika kufufua zao la Mkonge na kuboresha uchumi wa wakulima wa zao hilo nchini.

Hatua hiyo inakuja baada ya serikali kuanza mikakati ya kuhakikisha zao hilo linafufuliwa na kuwanufaisha wakulima na taifa kwa ujumla kama ambavyo ilivyokuwa miaka ya nyuma.

Akizungumza mbele ya Waziri Mkuu Kassim Majaliwa wakati wa kikao cha wadau wa Mkonge kilichofanyika jana mkoani Tanga, Ofisa Mkuu wa Wateja Binafsi  na Biashara wa Benki hiyo, Filbert Mponzi, alisema kuwa NMB itaendeleza jitihada za kufufua zao hilo ambazo imezianza.

Alisema kuwa tangu serikali imeanza kulifufua zao hilo benki hiyo imekuwa ikitoa ushirikiano ambapo imetoa zaidi ya Bilioni 1 kwa ajili ya ununuzi wa matrekta 11 na trela 22 vifaa ambavyo vitapunguza gharama ya uendeshaji na kuongeza tija na pato la wakulima wadogo wa mkonge.

Aidha aliongeza kuwa Benki hiyo imeendelea kutoa mikopo ya pembejeo na uendelezaji wa mashamba ya Mkonge kwa wakulima wadogo, kati na wakubwa ili kuongeza uzalishaji na mapato ambapo zaidi ya shilingi bilioni 6 zimeshatolewa kwa wakulima wa mkonge.

Alisema kuwa NMB imefanikisha kufungua akaunti kwa wakulima zaidi ya 1,500 ambapo akaunti hizo zinajumuisha wakulima mmoja mmoja na wale wanaozalisha kupitia Vyama vya msingi.

“ Uwepo wa akaunti hizi unajenga utamaduni wa wakulima kutumia huduma za benki kwa usalama wa fedha zao na mazingira sahihi katika kupata huduma zaidi ya kifedha ikiwemo Mikopo” alisema Mponzi.

"Mheshimiwa Waziri Mkuu ili kuendelea kuwajengea uwezo wakulima wadogo na kupata mitaji NMB kupitia taasisi kanzu ya NMB Foundation inaendelea kutoa mafunzo kwa wakulima kupitia vyama vya vya msingi na kikundi ili kuimarisha utendaji na kuongeza soko," alifafanua.

Mponzi alibainisha kuwa Benki ya NMB itaendeleza jitihada hizo, ikiwemo kutoa mikopo mikubwa, midogo na ya kati ili kuhakikisha wakulima wa zao wanazlisha kwa tija.

“NMB tutaendelea mikopo katika ngazi zote za uzalishaji wa zao la mkonge, ikijumuisha mikopo ya muda mfupi na muda wa kati (yaani uwekezaji). Mikopo hii inajumisha pembejeo, upanuzi na miundo mbinu ya mashamba, matrekta, mashine za uchakataji wa mkonge, viwanda vya mkonge pamoja na huduma mbalimbali katika sekta,” alisema.

Akizungumza katika kikao hicho cha wadau wa zao la Mkonge, Waziri Mkuu Kassim Majaliwa alisema kuwa mpaka kufikia mwaka 2025 Tanzania inatarajia kuzalisha tani 120,000 za Mkonge kwa mwaka.

Majaliwa alisema kuwa zao la Mkonge ni miongoni mwa mazao ya biashara hapa nchini ambayo mikakati yake ikitekelezwa vizuri itawezesha serikali kupata fedha za kigeni lakini pia kukuza pato la mwananchi mmoja mmoja.

"Kilimo cha zao la mkonge na mchikichi unatuondolea mzigo mkubwa sana kwa kupunguza gharama mfano baada ya kuhamasisha kulima mchikichi tunaokoa zaidi dola za marekani 470 milioni za kuagiza mafuta kutoka nje ya nchi," alisema Waziri Mkuu.

Kwa upande wake Naibu Waziri wa Kilimo, Hussein Bashe, alisema kuwa kwa sasa Wizara tayari imeshatenga shilingi Bilioni 175 kwa ajili ya kufanya utafiti ili kuzalisha mbegu bora na zenye gharama nafuu.

Bashe alisema kuwa Wizara imeweza kuandaa utaratibu wa hati ya dhamana (LC) utakaowezesha wakulima wadogo kuchukua mkopo kwenye taasisi za fedha kwa riba ya asilimia mbili tu.