Na John Marwa

TIMU ya Taifa ya Tanzania ya wasichana (U-18) inashuka dimbani leo kuvaana na ndugu zao kutoka Visiwani Zanzibar  katika mashindano ya kuwania ubingwa wa ukanda wa Afrika  Mashariki na Kati  (CECAFA).

Mchezo huo unatarajiwa kuchezwa majira y saa 12:00 ya jioni,  baada ya kukamilika kwa mchezo wa kwanza kati ya Ethiopia dhidi ya Burundi utakaopigwa saa 9:00 alasiri, ambapo michezo yote inalindima uwanja wa Azam Complex uliopo Chamazi nje kidogo ya jiji la Dar es Salaam, Tanzania ikiwa mwenyeji wa mashindano hayo.

Tanzania inashuka dimbani wakitoka kupata matokeo mazuri katika michezo miwili ya awali waliyocheza kwa kuwafunga Burundi 3-0 na kushindi mabao 2-0 dhidi ya Ethiopia.

Wakati  Zanzibar, hii itakuwa mechi yao ya pili katika mashindano hayo baada ya kuanza vibaya kwa kukubalia kichapo cha mabao 3-0 dhidi ya Uganda. 

Katika mchezo wa leo timu zote zinahitaji matokeo kujiweka sehemu salama ya kuendelea na mashindano hayo huku Tanzania ikidhamilia kutwaa ubingwa wa CECAFA  U -18. Ikiwa ni mara ya kwanza kufanyika mashindano hayo.

Wakizungumza kwa nyakati tofauti makocha wa timu hizo, kocha wa Tanzania Bakari Shime alisema ni mechi ngumu, Zanzibar walionyesha kiwango kizuri katika mechi yao ya kwanza kwa kucheza vizuri kipindi cha kwanza dhidi ya Uganda.

“Hii mechi  sio rahisi, tunahitaji kupambana kushinda nina imani watakuja kivingine tofauti na walivyocheza mechi yao ya kwanza, kikubwa wachezaji wako tayari kwa ajili ya kupambana kusaka ushindi katika mechi yetu ya kesho (leo),” amesema Shime.

Amesema hakuna mechi rahisi,  haichukulii Zanzibar ni timu rahisi kwa sababu mechi ya kwanza walisumbuliwa na  Burundi na hatimaye kupata matokeo katika kupindi cha pili.

Naye  Kocha Mkuu wa Zanzibar,  Abdulmutik Haji amesema baada ya kufanyia kazi mapungufu ya mechi ya kwanza sasa wako tayari kusaka ushindi dhidi ya Tanzania.

“Tumejiandaa vizuri, wachezaji wangu wako tayari kwa mchezo huo, nina imani utakuwa mchezo mgumu na wenye ushindani kwa sababu tunahitaji kupata matokeo chanya dhidi ya Tanzania,” amesema Abdulmutik.

Na Khadija Kalili, Kibaha

MWENYEKITI wa  Halmashauri  ya Mji Kibaha Mussa Ndomba  amemuomba  Mheshimiwa  Rais wa Jamhuri  ya Muungano wa Tanzania Dkt.Samia Suluhu Hassan  kuipandisha hadhi Halmauri ya Mji Kibaha  na Kuwa Manispaa  kwa sawababu imekidhi sifa na vigezo kwa asilimia 78 kuwa Manispaa.

"Nasema haya kwa sababu Mkoa wa Pwani ni kati ya Mikoa mikongwe ambao umeasisiwa 1975 hivyo hata Halmashauri  ya Mji  Kibaha  ni Kongwe ambayo pia ni Makao Makuu ya Wilaya zote ndani ya Mkoa wa Pwani hivyo tunamuobma Mheshimiwa Rais Dkt.Samia Suluhu Hassan  atupandishe hadhi  na kuwa Manispaa  kwani jambo hili limeshazungumzwa sana  katika mikutano mbalimbali  ya Siasa  nchini kadhalika Mbunge wetu wa Jimbo la Kibaha Mjini Mheshimiwa Silyvestery  Koka amelisemea sana  akiwa katika vikao vya  Bunge Jijini Dodoma pia niwakumbushe ndugu wajumbe hata kwenye kampeni za uchaguzi mkuu wa mwaka 2020 jambo hili limezungumziwa kwenye majukwa ya siasa" amesema Ndomba.

Wakati huohuo Mwenyekiti  huyo amesema kuwa  kwa niaba ya Madiwani na  viongozi wa Halmashauri Kibaha anamuomba Mheshimiwa Rais Dkt.Samia Suluhu Hassan  kutoa idhini ya kumegewa eneo la Shirika la Elimu Kibaha kwa ukubwa wa ekari 576  lililopo kandokando ya  barabara  iendayo Morogoro  ikiwa ni katika  kuweka mandhari nzuri na ya kuvutia ya Halmashauri ya Mji  Kibaha iliyopo  Mkoani  Pwani kwa wanaoingia na kutoka.

"Mheshimiwa Rais  tunamuomba atupatie eneo la ukubwa  wa hekari 576 ili Halmashauri  iweze kuweka mipango miji mizuri ikiwemo uwekezaji kwa wafanyabiashara na kuuweka mji katika hali ya kuvutia pindi unapoingia, Kibaha ni  Wilaya mama na lango la kuingia Mji wa  mkubwa wa biashara Dar es  Salaam  tofauti na ilivyo hivi sasa  kwani  hakuna mandhari nzuri kwa sababu ya kuonekana mapori tu ambayo kwa sasa ni eneo linalomilikiwa na Shirika la  Elimu Kibaha  lenye ukubwa wa  hekari zaidi ya  3000 ambazo wahusika wameziacha zikiwa mapori   bila ya kufanya  jitihada zozote za kuendeleza katika eneo hilo"amesema Ndomba.

Amesema kuwa endapo Halmashauri  ya Mji Kibaha itapatiwa eneo hilo la ukubwa wa hekari 576 tu watapanga  shughuli  za  maendeleo  ya Mji Kibaha.

Mwenyekiti  Ndomba amesema hayo  katika kikao   cha Baraza la Madiwani cha robo ya nne ya mwaka  kilichofanyika mwishoni mwa wiki  na kuhudhuriwa na viongozi  mbalimbali  kutoka vya ma vya siasa , wakuu wa Idara zote  na wataalamu  ndani ya  Halmashauri  hiyo akiwamo Mkuu wa Wilaya Kibaha Nickson Simon, Mkurugenzi Mhandisi Mshamu Ali Munde pamoja  na   wananchi wa Wilayani hapa.

Mkurugenzi Mtendaji wa Kampuni ya UTT AMIS, Simon Migangala, akizungumza na Wahariri wa Vyomba mbalimbali vya Habari kuhusu mafanikio ya utendaji kazi wa taasisi hiyo.

Mjumbe wa Kamati ya Utendaji Jukwaa la Wahariri (TEF), Angela Akilimali akitoa neno la shukrani wakati wa mkutano huo.

Mkuu wa Mkoa wa Mbeya Mhe. Juma Homera (kulia) akipokea mfano wa hundi ya Shilingi milioni 80 kutoka kwa Kaimu Meneja wa NMB Kanda ya Nyanda za Juu - Frank Rutakwa kwa ajili ya udhamini wa Benki ya NMB katika maonesho ya Kilimo Nane Nane yanayofanyika Kitaifa Mkoani Mbeya.

Na Mwandishi Wetu

Kwa kuthamini mchango wa kilimo katika ukuaji wa uchumi nchini, Benki ya NMB imedhamini Maonesho ya Nane Nane kwa kutoa shilingi milioni 80. Maonesho haya makubwa ya wakulima Nane Nane yanatarajiwa kuzikutanisha zaidi ya nchi 30 na kitaifa yanafanyika Jijini Mbeya kuanzia leo tarehe moja hadi tarehe Nane mwenzi huu.

Akikabidhi mfano wa hundi ya kiasi hicho cha fedha, kwa Mkuu wa Mkoa wa Mbeya, Kaimu Meneja wa Kanda Nyanda za Juu - Frank Rutakwa amesema kwa kipindi cha miaka sita cha maonesho hayo ambayo yamekuwa yakifanyika Kitaifa mkoani Mbeya, Benki hiyo imedhamini jumla ya Shilingi Milioni 255.

Aliongeza kuwa, NMB imeweka idara maalumu ya Kilimo na Mameneja Uhusiano kwenye kila Kanda ili kuhakikisha kilimo kinafanikiwa na kinakuwa msingi imara kwa uchumi wa nchi yetu. Aidha, alisema kuwa ndani ya miaka minne, wamefungua zaidi ya akaunti 644,034 za wakulima nchi nzima. Mwaka huu kwa Mkoa wa Mbeya pekee, wamefanikiwa kufungua akaunti zaidi ya 87,044 za wakulima wa kahawa, mpunga, parachichi, mahindi nk.

Bw. Rutakwa alibainisha kuwa kupitia NMB Foundation, NMB imeweza kutoa elimu ya fedha na mfunzo ya biashara kwa vyama vya ushirika vya wakulima (AMCOS) 1,450 nchi nzima, ili kuwajengea uwezo wa namna bora ya kusimamia mapato yao. Huku kwa Nyanda za juu pekee wameshirikiana na AMCOs zaidi ya 555 zilizopo Mbozi (kahawa), Rukwa (Mahindi, Soya na Ufuta), Chunya  (Tobacco), Njombe (Viazi Ulaya)

Akizungumza mara baada ya kupokea mfano wa hundi ya shilingi milioni 80 kutoka Benki ya NMB, Mkuu wa Mkoa wa Mbeya-Mhe. Juma Homera aliishukuru Benki ya NMB kwa msaada huo na kwa kuendelea kuwa karibu na wakulima kwa kuwasaidia pembejeo na Matrakta hivyo kusidia kukuza sekta ya kilimo nchini.

 “Benki ya NMB ni mojawapo ya taasisi za kifedha zinazoongoza nchini kwa kuchangia kwa dhati juhudi za serikali katika kukuza kilimo, ufugaji, uvuvi na sekta zingine hususani za Elimu na Afya ambazo wamekuwa mstari wa mbele kutoa michango mara kwa mara,” Alisema Mkuu huyo wa Mkoa.

Mkuu wa Idara ya Biashara wa Benki ya NMB, Alex Mgeni (katikati) akimkabidhi mfano wa tiketi ya ndege Editha Kassim ambaye ni mmoja kati ya wafanyabiashara 10 wanaokwenda nchini China kwa ufadhili wa Benki ya NMB kwenda kutembelea Viwanda, Biashara na Masoko ya Kimataifa. Hafla hiyo ilifanyika jijini Dar es Salaam Agosti 1, 2023. Kushoto ni Meneja Mwandamizi Idara ya Biashara NMB, Christopher Mgani. Hii ni mara ya Tatu Benki hiyo inawapa fursa wafanyabiashara kujifunza zaidi kutoka wenzao waliopo nchi za nje (Na Mpiga Picha Wetu).

Na Mwandishi Wetu

Na John Marwa

Uongozi wa Klabu ya Simba umeiandikia Serikali barua ya kuutaka Uwanja wa Uhuru kwa akili ya tamasha la wanasimba la Simba Day ''Unyama Mwingi' ambalo litafanyika Agosti 6 Uwanja wa Benjamin Mkapa jijini Dar es Salaam.

Hayo yamebainishwa na Mwenyekiti wa klabu hiyo Murtanza Mangungu katika uzinduzi wa hamasa kuelekea kilele cha Simba Day.

“Tumeandika barua kuiomba serikali itupatie na Uwanja wa Uhuru kwa kuwa tunaamini tutaujaza Uwanja wa Mkapa mapema tu.”- Murtaza Mangungu, Mwenyekiti wa klabu ameongeza kuwa.

"Tukio hili la Simba Day wengine wameiga ingawa hawataki kukiri hilo. Wameondoa neno Day wameweka Wiki."-amesema.

Na John Marwa

Klabu ya Simba imezindua hamasa kuelekea kilele cha wiki ya Simba ambapo kitahitimishwa Agosti 6 Uwanja wa Benjamin Mkapa na siku ya wanasimba.


Simba Day Unyama Mwingi itafanyika Agosti 6 mwaka huu, ukiwa ni mwaka wa 14 wa tamasha hilo kubwa la michezo Barani Afrika ambalo hutumika kuwakutanisha wanasimba na kuwatambulisha wachezaji wao wa msimu mpya.

Akizungumza katika hafla ya uzinduzi wa hamasa uliofanyika Buza jijini Dar es Salaam kuelekea kilele cha Simba Day Meneja Habari na Mawasiliano wa Klabu hiyo Ahmed Ally amewataka wapenzi na mashabiki wa Simba kujitokeza kwa wingi kwani ndio utaratibu wao linapokuja jambo lao.

"Tumekuwa na utaratibu wa kupita eneo kwa eneo ili kuwafikia Wanasimba, kuwe kuna mabonde, milima ilimradi Wanasimba wenzetu wapo sisi tutafika ndio maana leo tupo hapa Buza. Lengo letu ni kuhakikisha tunawaalika Wanasimba mjitokeze kwa wingi kwa Mkapa siku ya Jumapili.”- Ahmed Ally ameongeza kuwa.

"Kuna mchezaji kila dirisha la usajili likifunguliwa wanamsajili lakini msimu ukianza anachezea Simba, njoo Jumapili kwa Mkapa mje mumwone." Amesema Ahmed.

Wapenzi mashabiki na wanachama wamejitokeza kwa wingi katika uzinduzi huo, jambo linalotoa ishara njema kuelekea kilele cha Simba Day.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

Waziri wa Habari, Mawasiliano na Teknolojia ya  Habari, Mhe. Nape Moses Nnauye akikabidhi Tuzo na Vyeti kwa Wafanyakazi waliofanikisha ujenzi wa miundombinu ya mawasiliano ya intaneti na walioshiriki uzinduzi wa huduma ya Intaneti katika Kilele cha Mlima Kilimanjaro Disemba 13, 2023 katika hafla iliyofanyika Marangu Gate, mkoani Kilimanjaro.

WAZIRI wa Habari, Mawasiliano na Teknolojia ya Habari, Mhe. Nape Nnauye (Mb) amekabidhi tuzo na vyeti kwa Wafanyakazi na wadau walioshiriki katika zoezi la kufanikisha mradi wa usimikaji wa huduma ya Intaneti katika Mlima Kilimanjaro.

Akikabidhi tuzo hizo, Mhe. Nnauye alisema mafanikio ya kuimarisha Mawasiliano ya Intaneti katika Mlima Kilimanjario ni kielelezo tosha kuwa Tanzania imepiga hatua kubwa katika kukuza matumizi ya TEHAMA na kukuza sekta hii ya Mawasiliano ambayo ni ingini ya ujenzi wa uchumi. 

Alisema kufanikisha kwa mradi huo wa mawasiliano kunaenda kuongeza thamani Mlima Kilimanjaro sambamba na kuimarisha sekta ya Utalii nchini ukizingatia kuwa Idadi ya Watalii wanaotembelea nchi yetu imezidi kuongezeka.

"..Hivi sasa tumeanza kuona matukio yakifanyika katika Mlima Kilimanjaro, SIMBA sports Club jana tarehe 21/07/2023 imezindua jezi zake katika kilele cha Mlima Kilimanjaro, Mpiga Kinubi maarufu Duniani, Siobhan Brady ni Mwanamuziki na Mpiga Kinubi aliyeshinda tuzo za Guinness kwa kupiga Kinubi katika Milima ya Himalaya, yupo Tanzania na anatarajia kupiga Kinubi akiwa katika kilele cha Mlima Kilimanjaro, ni matumaini yangu kuwa uwepo wa intaneti kutasaidia kutangaza tukio hilo sambamba na kuutanga mlima wetu.

Aidha aliongeza kuwa, zipo faida lukuki za uwepo wa mawasiliano ya Intaneti katika Mlima Kilimanjaro zikiwemo kukuza sekta ya utalii, kutengeneza mazingira rafiki kwa watalii kupata huduma za mawasiliano pamoja na watoa huduma za kitalii, TTCL kujipatia mapato kutoka kwa watumiaji huduma hizo, Serikali kupata mapato, sambamba na kuimarisha Ulinzi na usalama eneo la Hifadhi. Mradi pia utasaidia Serikali kupitia Wizara ya Habari, Mawasiliano na Teknolojia ya Habari katika utekelezaji wa  mkakati wa kujenga Tanzania ya Kidijitali.

Awali akizungumza katika hotuba yake, Mkurugenzi Mkuuu wa Shirika la Mawasiliano Tanzania, Eng. Peter Ulanga alibainisha kuwa Shirika la Mawasiliano Tanzania litaendelea kuhakikisha huduma ya Intaneti inapatikana muda wote na yenye kasi kwa wateja wetu ili kuendelea kuunga mkono juhudi za Serikali ya Awamu ya Sita(6) inayoongozwa na Mhe. Dkt Samia Suluhu Hassan, Rais wa Jamhuri ya Muungano wa Tanzania ya kutangaza vivutio vya Utalii nchini. 

"Tangu huduma hii izinduliwe huduma ya Intaneti katika kilele cha Mlima Kilimanjaro, ambayo imenufaisha Watalii na wasio watalii, jumla ya zaidi ya watumiaji 24,837 wametumia huduma hiyo tangu tuanze mradi mwezi wa Agosti mwaka jana 2022 na tunatarajia kuwa katika kipindi cha msimu wa Watalii ambao umeanza sasa idadi ya watumiaji itaongezeka. Kuongezeka kwa watumiaji kutasaidia kuongezeka kwa mapato ya Shirika na nchi kwa ujumla". Alisema Mkurugenzi Mkuu wa TTCL, Eng. Ulanga.

Akifafanua zaidi juu ya mradi huo, Eng. Ulanga alibainisha ujenzi wa mradi huo ni kazi nzuri iliyofanywa na Wahandisi wazawa wa TTCL hivyo wana kila sababu ya kuwapongeza kwa kazi ya kizalendo waliyoifanya licha ya mazingira ya utekelezaji wa kazi hiyo kuwa magumu sana. Alitumia nafasi hiyo kuwashukuru 'Porters' zaidi ya 200 waliofanya kazi ya kubeba vifaa vya mawasiliano na kupandisha katika maeneo ambayo ujenzi ulikuwa ukifanyika. 

"...Hii inaonesha jinsi gani tumepiga hatua kama Taifa yakuwa na wataalam wa kuweza kufanya kazi hizi bila kuhitaji msaada wa wataalamu kutoka nje ya nchi. Kwa mara nyingine naomba ninawashukuru na kuwapongeza kwa weledi waliouonesha katika kukamilisha mradi huu kwa wakati." Alisisitiza, Eng. Ulanga katika hotuba yake.

Hata hivyo, ili kuongeza wigo wa upatikanaji wa huduma ya mawasiliano ya Intaneti kwenye vivutio vya Utalii nchini, TTCL imeanza ujenzi wa Mkongo wa Mawasiliano katika njia ya Machame Gate na inatarajia kukamilisha mradi huo kabla ya mwezi Septemba mwaka huu 2023. Aidha, mradi wa kupeleka Intaneti kwa njia ya Wi-Fi kwenye maeneo ya umma (Public Wi Fi), umeanza katika Vyuo Vikuu, ikiwemo ufungaji wa 'Wi-Fi' katika Chuo Kikuu cha Dar es salaam katika College of Information and Communication Technologies (CoICT). Na vyuo vingine ambavyo viko katika hatua za awali za utekelezaji mradi.

"Katika utekelezaji wa Mkakati wa Shirika, hivi sasa tunatekeleza mradi wa FAIBA MLANGONI KWAKO ambapo tunapeleka huduma ya Intaneti kwenye makazi na ofisi. Huduma hii ni BURE, mteja ataingia gharama ya kununua Kifurushi tu ambacho gharama yake inaanzia shilingi Elfu Hamsini na Tano (55,000/-). Huduma hii itasaidia pia kupunguza gharama za bando kwa Wananchi wetu," alieleza Eng. Ulanga.

Kwa upande wake, Mwenyekiti wa Bodi ya Wakurugenzi ya Shirika la Mawasiliano - TTCL Tanzania, Bi. Zuhura Sinare Muro akizungumza katika hafla hiyo, alisema Bodi ya Wakurugenzi inafarijika kuona matukio makubwa yameanza kuonekana mubashara kwenye Mlima Kilimanjaro, mbali na Serikali kupata mapato jambo ambalo linaendelea kuvitangaza vivutio vya taifa Kitaifa na Kimataifa.

Jumla ya Wafanyakazi 14 waliofanikisha zoezi hilo walikabidhiwa vyeti na tuzo wa wakiwemo wafanyakazi 11 wa TTCL na wafanyakazi watatu wa KINAPA, pamoja na makundi mengine yalioshiriki ufanikishaji zoezi zima.

Mwenyekiti wa Bodi ya Wakurugenzi ya Shirika la Mawasiliano - TTCL Tanzania, Bi. Zuhura Sinare Muro (wa pili kulia) akisalimiana na Waziri wa Habari, Mawasiliano na Teknolojia ya Habari, Mhe. Nape Nnauye (Mb) mara baada ya kuwasili kwenye hafla ya kuwatunuku tuzo na vyeti Wafanyakazi na wadau walioshiriki katika zoezi la kufanikisha mradi wa usimikaji wa huduma ya Intaneti katika Mlima Kilimanjaro. Wa kwanza kulia ni Mkurugenzi Mkuuu wa Shirika la Mawasiliano Tanzania, Eng. Peter Ulanga akifuatilia.

Na Eleuteri Mangi, WUSM, Zanzibar

Timu ya Wakaguzi ya utayari wa nchi za Kenya Uganda na Tanzania kuhusu utayari wao wa kuwa wenyeji AFCON 2027, leo hii Julai 31, 2023 wapo Zanzibar ambapo wamekagua Uwanja wa Amaan, hospitali ya Mnazi Moja, Uwanja wa Ndege wa Kimataifa wa Abeid Aman Karume pamoja na viwanja vingine vya mazoezi.

Timu hiyo kutoka Shirikisho la Mpira Afrika (CAF) imezungukia maeneo hayo ikiongozwa na Katibu Mkuu Wizara ya Utamaduni, Sanaa na Michezo Bw. Saidi Yakubu, Rais wa Shirikisho la Mpira wa Miguu Tanzania Bw. Wallace Karia na Rais wa Shirikisho la Mpira wa Miguu Zanzibar Bw Suleiman Mahamud Jabir.

Maafisa wengine kutoka Serikali ya Jamhuri ya Muungano wa Tanzania wakiwemo Kaimu Mkurugenzi wa Michezo Bw. Ally Mayayi na Katibu Mtendaji Baraza la Michezo la Taifa (BMT) Bi. Neema Msitha na kutoka Serikali ya Mapinduzi Zanzibar ni Kamishna Idara ya Michezo Bw, Ameir Mohammed, Katibu Mtendaji Baraza la Michezo Zanzibar Saidi Marine pamoja na maafisa wengine kutoka TFF na ZFF.

*Yageuka kimbilio kwa wenye vipato tofauti, faida sasa Trilioni 1.5/-

Na Beatrice Sanga-MAELEZO

KAMPUNI ya Uwekezaji wa Mitaji ya Pamoja (UTT AMIS) imetoa rai kwa wananchi kuwekeza kwenye mifumo mbalimbali ya kampuni hiyo ili kuweza kujikimu  kimaisha na kuwa na uhakika wa maisha ya sasa na ya baadae ambapo kwa sasa inaendelea kuelimisha wananchi kuhusu  uwekezaji huo na kwamba imekuwa kimbilio la wengi bila kujali vipato vyao.

Hayo yamebainishwa Julai 31, 2023 Jijini Dar es Salaam wakati wa Mkutano wa Msajili wa Hazina, UTT AMIS, Wahariri na waandishi wa habari wenye malengo ya kuelezea majukumu na namna gani kampuni hiyo inafanya kazi.

Na Khadija Kalili

WAZIRI Mkuu Mstaafu wa awamu ya tatu  Mheshimiwa Mizengo Kayanza  Peter  Pinda  leo amefungua mafunzo kwa Viongozi  kutoka katika Taasisi mbalimbali  za seeikali  mafunzo hayo ya Uongozi na Maadili yanayofanyika kwenye Shule ya Uongozi ya Mwalimu Nyerere iliyopo Wilayani Kibaha Mkoani Pwani.

Akifungua mafunzo hayo leo Julai 31  wa  Chama na Serikali  kujiendeleza  na elimu ya Uongozi ili waweze kuwasimamia vyema wanaowaongoza  katika sehemu zao za  kazi  huku amesema kuwa    kwamba elimu haina mwisho.


Amesema kuwa upo umuhimu wa  akitoa wito wa kuwaendeleza wataalamu  mbalimbali  kwa lengo la kuwajengea uwezo ,uzalendo wa nchi yao jambo ambalo litachochea wqtu kufanya kazi kwa bidii, juhudi,maarifa makubwa na kutojali kuona wanapoteza nguvu zao kwa kiasi gani.

 "Uzalendo ni dhana yenye wigo mpana zaidi hivyo jambo hili ni la muhimu mtu kukaa darasani na kupikwa ili pindi anapomaliza mafunzo haya atoka akiwa  ameiva  na kuelewa dhana halisi ya kua mzalendo ndani ya nchi yako, zamani viongozi  walipikwa pindi walipoteuliwa tofauti na ilivyo sasa hivyo ili  kuongeza ufanisi katika uongozi  nashauri viongozi wakiwemo Wakuu wa Wilaya, Wakurugenzi na watu wa kada mbalimbali  wawekewe utaratibu  wa kupata mafunzo kama haya mara kwa mara"amesema Mheshimiwa  Pinda.

Akifungua mafunzo hayo ya wiki moja Mheshimiwa  Pinda amesema kuwa amefurahishwa kuona uwiano wa washiriki wa mafunzo hayo ambapo jinsia zote zimeshirikiswa ipasavyo.

Amesema kuwa wakati umefika wa  kuwajengea uzalendo wananchi wa kada zote wakiwamo wanafunzi  huku akitolea mfano wa nchi ya Izrael namna ambavyo wamewajengea  wananchi wao kuipenda na kuithamini nchi yao huku akisema kuwa kila Mtanzania  anapaswa kuwa mzalendo licha ya kuwa na itikadi tofauti za kidini, kabila  na rangi lakini wote wawe  kitu kimoja.

Ametoa sifa kwa uongozi  wa Shule ya Uongozi ya Mwalimu Nyerere  kuwa licha ya kuwa hakina muda mrefu lakini matunda yake yameanza kuonekana na maua yake yamechanua kutokana na mafunzo waliyopatiwa watu  mbalimbali wakiwemo wanasiasa , viongozi wa  ndani na nje ya nchi.

"Viongozi  wangu katika serikali naomba tuwajibike kikamilifu, kwanza wajibika halafu dai haki yako  kila Kiongozi  anapaswa kuwa mbunifu na mzalendo katika Taasisi yake na  kuwajibika ipasavyo.

"Mashirika makubwa na Taasisi nyingi za serikali  zinayumba sababu Viongozi  wengi siyo waadilifu,kitu kinachoitwa uadilifu ni kigumu lakini endapo utakaa na kina babu ambao ni wakongwe  kuna mambo  mazuri  unaweza kuyapata  binafsi naweza sema nimepata bahati ya kufanya kazi  na viongozi   wakongwe  wengi ambao ndiyo walionijenga  natumia mfano huu ikiwa ni lengo la kutaka kuwakumbusha  umuhimu wa kuthamini wazee katika utendaji  wetu" amesema Pinda.

"Nasisitiza uadilifu na kuacha maovu ambayo yanaathiri jamii kwa ujumla ndiyo maana CAG akitoa ripoti  yake inakua imejaa madudu mengi yote haya ni  kutokana na upungufu wa maadili  ya uongozi kwa baadhi ya viongozi  nchini ". amesema  Waziri Mkuu Mstaafu wa awamu ya tatu Mheshimiwa  Pinda.

Ametoa rai  kwa uongozi  wa Shule ya Mwalimu Nyerere kuwepo na utaratibu wa kutoa mafunzo  mafupi yanayohusu uongozi, uzalendo  na  uendeshaji nchi kwa ujumla .

"Wateule  wote wa Chama Cha Mapinduzi (CCM) jipangeni ili mje kupata mafunzo hapa itumieni  fursa ya Shule hii ya siasa kuwapika makada wa chama ili waweze kukinadi chama kwa weledi wa hali ya juu"amesema.

Mkuu wa Shule hiyo ya Mwalimu Nyerere Prof.Marceline Chijoliga  amesema kuwa  wanajivunia kwa kutoa mafunzo bora  kwani hadi sasa  tayari zaidi ya wahitimu 2,000 wamepata mafunzo katika  Shule hiyo.

"Mapema mwezi huu jumla ya viongozi  wanawake 71 wamehitimu mafunzo  yaliyowashirikisha  washiriki kutoka katika Taasisi mbalimbali  nchini  na wamehitimu vyema hivyo tunatarajia watakua viongozi bora huko waliko,  mafunzo waliyopata  yamewajengea uwezo viongozi hao wanawake  na ambao wanauzoefu  siyo chini ya miaka mitano ambayo yamefanyika kwa mara yakwanza hapa nchini  ambapo wahitimu wamefundishwa  mbinu bora  za Uongozi  wa Utawala  Bora  katika Taasisi wanazoziongoza.

Aidha ufunguzi huo umehudhuriwa na viongozi wa chama na serikali akiwamo Mheshimiwa  Mkuu wa Wilaya ya Kibaha Nickson Simon , Mwanasiasa Mkongwe  nchini  ambaye ameshika nyadhifa mbalimbali  Mzee Paul Kimiti.

Mstaafu Paul Kimiti amewahimiza  viongozi hao kuwa wazalendo ndani ya nchi yao.

Amesema kuwa hakuna aliye  juu zaidi ya mwingine hivyo amesisitiza kuwa kila mmoja anamtegemea mwenzake  na kusema kuwa katika maisha epuka  kufanya  maamuzi katika jambo lolote  bila kushirikisha  wenzako wengine wanao kuzunguka kwani  hiyo  ndiyo sifa ya Kiongozi  bora.

"Kiongozi bora huheshimu   anaowaongoza na kuwashirikisha   bila ya kujali umri ,itikadi zao za  dini na mambo mengineyo yanayowatofautisha.
 

Mkuu wa wilaya Mufindi, Dk. Linda Salekwa akikabidhi Kajuna Maurice zawadi ya bingwa wa mashindano ya gofu ya wazi ya Mufindi 2023

NA DENIS  MLOWE, MUFINDI

Na John Marwa

Mashindano ya Mbunge Cup Jimbo la Ukonga maarufu kama Nane Nane Cup yamefikia patamu baada ya kupata timu za robo fainali ngazi ya vijana.

Hatua hiyo imefikiwa mara baada ya michezo iliyopigwa leo katika viwanja mbalimbali jimboni humo jioni ya leo.

Timu ya Naweza Youth imeifulusha mabao (3 - 0) Jagwa FC, Chanika City nao wametinga Robo Fainali kwa kuwaondosha kwa mikwaju ya penati (4-3) dhidi ya Wala Mboga FC,  Majohe United dhidi ya Kipunguni (hawakufika Uwanjani sababu ya msiba).

Wakati Chakenge wamitungua mabao (4-2) Msongola, Buyuni United wamewatupa nje Pugu United kwa mikwaju (5-4), Goms United wao wamefungisha virago vyao kwa penati (3-4) dhidi ya Pugu Stesheni.

Mratibu wa Wiki ya AZAKi 2023, Justice Rutenge akizungumza katika hafla hiyo kuelezea namna kaulimbiu ya mwaka huu ilivyobeba dhima nzima ya Wiki ya Azaki.

 Na Mwandishi Wetu, Dar es Salaam

Mkurugenzi wa Foundation For Civil Society (FCS) Francis Kiwanga, amesema kuwa Teknolojia inaweza kuwa chachu ya kuongeza kasi ya maendeleo pamoja na kuwawezesha watanzania kuongeza uzalishaji, kutafuta masoko na hatimaye kukuza vipato vyao.

Kiwanga ameyasema hayo wakati wa uzinduzi rasmi wa Wiki ya Azaki iliyofanyika Agosti 1, 2023 Jijini Dar es Salaam.

Amesema kuwa lengo la kuwepo kwa Wiki ya Azaki ni kutazama kwa jinsi gani maendeleo ya teknolojia yanavyoweza kuwawezesha watanzania kuongeza uzalishaji, kutafuta masoko na hatimaye kukuza vipato vyao.

Aidha ameeleza kuwa mwaka 2018 Wiki ya Azaki ilifanyika kwa mara ya kwanza ambapo pamoja na mambo mengine walijifunza namna ya kuimarisha mahusiano yao na Serikali.

“Mnamo mwaka 2018 tulikutana kwa mara ya kwanza kwa ajili ya CSO Week, tulianza kujiuliza tunawezaje kuimarisha mahusiano yetu na Serikali.

“Lengo jingine lilikuwa ni kuwajengea uwezo (Capacity Building) kwa wananchi wa kawaida, ili kuweza kuboresha maisha yao, na kuleta tija katika shughuli mbalimbali za kimaendeleo wananzozifanya” ameeleza Kiwanga.

Pia ameongeza kuwa, kufanyika kwa Wiki ya Azaki mwaka huu kutakuwa ni mwendelezo ikiwa ni mara ya tano kuzindua ikiwa ni  kuelekea kwenye Wiki ya Azaki itakayofanyika mwezi Ogasti 2023, lengo likiwa ni kuwagusa wananchi wanaowapa nguvu ya kufanyakazi kila siku.

“Mimi Binafsi kwa mfano, ninapata nguvu ya kufanya kazi kila ninapoona picha ya mama mmoja toka kijijini, akiwa na furaha na tabasamu kubwa baada ya kupata mavuno yake, hawa ndio wanaotupa msukumo wa kuendelea kufanya kazi na kufanya CSO Week kila mwaka” ameongeza Kiwanga.

Kwa upande wake Mkurugenzi Mtendaji wa Kituo cha Sheria na Haki za Binadamu (LHRC), wakili Anna Henga, ameweka wazi kuwa moja ya haki za msingi za binadamu ni kufikia huduma za teknolojia ambapo amebainisha kuwa ukuaji wa Sayansi na Teknolojia utawezesha wananchi kupata taarifa mbalimbali kuhusiana na haki zao kupitia vifaa vya teknolojia.

Wiki ya Azaki inaleta pamoja Asasi za Kiraia (AZAKI ) Pamoja kutoka Tanzania nzima kwa ajili ya tukio la wiki moja lenye lengo la kujadili na kuboresha ushirikiano wa kimkakati ikiwa na Kauli mbiu isemayo ‘ Teknologia na Jamii . Tulipotoka, tuilipo sasa na tunapoelekea , kuangazia fursa na changamoto zinazotokana na ulimwengu wa teknolojia unaoendelea’

Mratibu wa Wiki ya AZAKi 2023, Justice Rutenge ameelezea kuhusu uchaguzi wa kaulimbiu ya mwaka huu iliyobeba dhima nzima ya Wiki ya Azaki ambapo amesema kuwa uchaguzi ulifanywa kwa madhumuni, na inalenga kuziwezesha asasi za kiraia kufahamu na kupata utaalamu unaohitajika ili kuishauri Serikali na Sekta Binafsi juu ya faida na vikwazo vinavyotokana na teknolojia kwa maendeleo ya nchi.

Wiki ya Azaki inatajiwa kuanza rasmi tarehe 23 hadi 27 Oktoba 2023 Jijini Arusha, ambayo inatokana na mafanikio ya matoleo yake ya awali ya mwaka 2018, 2019, 2021 na 2022, ambapo kwa mwaka huu inatarajiwa kuwa chachu ya mabadiliko, kukuza uelewa wa kina wa athari za teknolojia kwa jamii na nafasi yake inayowezekana katika kuunda.

 NA MWANDISHI WETU, MBEYA

MAKAMU wa Rais Dk. Philip Mpango, amekiri kuvutiwa na uwezeshaji kwa wabunifu wazawa unaofanywa na Tume ya Sayansi na Teknolojia (COSTECH), aliyoitaka kuhakikisha inaenda mbali zaidi kwa kukifanyia kazi kilio chao cha kutaka kuwapatia Mafunzo ya Mifumo ya Kielektroniki, Ili kuwaongezea ufanisi katika bunifu zao.

Dk. Mpango ameyasema hayo Jumanne ya Agosti 1, alipotembelea Banda la COSTECH, wakati wa uzinduzi wa Maonesho ya Kimataifa ya Kilimo ya Nane Nane (Tanzania International Agricultural Trade Show 2023), kwenye Viwanja vya John Mwakangale jijini Mbeya, ambako alikuwa mgeni rasmi na kuyazindua kwa kuitaka Wizara na mamlaka husika kutoa tuzo na zawadi za fedha kwa wabunifu wazawa

Akiwa COSTECH, Dk Mpango alivutiwa zaidi na mbunifu Adam Kinyekile 'Street Engineer,' aliyewezeshwa na tume hiyo kubuni Mashine Maalum ya kuchakata mazao, ikiwemo kupukuchua nafaka, kusaga nafaka zisizo na mafuta, kuvuta maji ya kumwagilia mazao na kuyabeba mazao hayo baada ya kuvunwa mashambani kupeleka ghalani, ambapo alipokuwa akitoa hotuba ya jumla ya uzinduzi rasmi mbele ya wahudhuriaji, alirudia kuimwagia sifa COSTECH, kwa uwezeshaji kwa kijana huyo na wenzake.

Dk. Mpango aliipongeza COSTECH kwa kuthamini bunifu za vijana wa Kitanzania, ambako alishuhudia bandani hapo bidhaa za Kilimo, Ufugaji na Ufundi kutoka kwa vijana walioshiriki Mafunzo Atamizi, kisha akasikiliza kero na changamoto zao na kuahidi kuzifanyia kazi, huku akiitaka tume hiyo kuwaongezea vijana wabunifu Mafunzo ya Kielektroniki, kama alivyoomba Kinyekile Ili kuongeza ufanisi wa bunifu zao, kwani liko ndani ya uwezo wao.

Akizungumzia ubunifu wa Mashine hiyo, Dk. Mpango alimpongeza Adam kwa ubunifu huo, lakini akamshauri kutenganisha kazi za mashine zitokanazo na ubunifu wake Ili kupunguza gharama yake ambayo inaweza kuwa ghali kwa mkulima wa kawaida kuimudu na kubainisha kuwa itakapotenganishwa na kila moja ikafanya kazi tofauti, zitashuka bei na kuwapunguzia mzigo wakulima.

"Kwanza nikupongeze kwa ubunifu huu, tunahitaji vijana wa Kitanzania wabunifu kama wewe. Nitumie fursa hii kuwaomba vijana wote wabunifu wenye uwezo wa kutengeneza Mashine za kuchakata mazao kama hizi wafanye hivyo, COSTECH ipo hapa kwa ajili ya kuwasaidia kama walivyokusaidia wewe na vijana wenzako.

"Mamilioni uliyopewa na COSTECH ni mengi, sio haba kwa mkulima kuyamudu, kwahiyo nashauri utenganishe mashine hizi Ili kupunguza gharama kwa mnunuzi ambaye ni mkulima," alisema Dk. Mpango na kuitaka tume hiyo kuwasaidia wabunifu hao Ili kubuni mashine tofauti tofauti zinazotumia Mifumo ya Kielektroniki kama alivyoomba Adam.

Awali, Afisa Uratibu na Utafiti wa COSTECH, Dk. Deogracious Protas, alimueleza Makamu wa Rais kuwa, licha ya Sh. Mil. 99 walizotoa kwa Adam, tume yake imesaidia Mafunzo Atamizi ya vijana wanaojihusisha na Kilimo, Uvuvi na Ufugaji, sambamba na kutoa mitambo yenye thamani ya Sh. Mil. 400 kuboresha usindikaji kwa Kituo cha Utafiti cha TARI Makutupola kilicho chini ya JKT Makutupola, ambayo imekuwa msaada mkubwa kwa wakulima wa zabibu inayosindikwa hapo kuzalisha mvinyo bora.

Dk. Protas alimuahidi Makamu wa Rais kuwa tume yake italifanyia kazi agizo lake la kutaka iwasaidie wabunifu wazawa kupata Mafunzo ya Kielektroniki Ili kuwawezesha kubuni kwa faida bidhaa zenye mifumo hiyo kwa ustawi wa wakulima na Sekta ya Kilimo, Uvuvi na Ufugaji kwa ujumla, Ili iweze kutoa mchango kwa ukuaji wa uchumi wa nchi na kuongeza mchango wa Sekta hiyo katika kukuza Pato la Taifa.

Na Richard Mrusha, Mbeya

JESHI la kujenga Taifa Nchini(JKT) limewataka wananchi wa Mkoa wa Mbeya na Mikoa jirani kuendelea kujitokeza kwa wingi kwenye banda lake lililopo katika viwanja vya John Mwakangale ambako maonesho ya nane nane yanaendelea na kwamba wafike ili kujifunza mambo mbalimbali yanayohusu shughuli za kilimo na kuongeza kuwa kwa upande wa shuguli zinazofanywa na jeshi hilo, ikiwa ni shirika la uzalishaji mali la Suma JKT pamoja na vikosi, shule na chuo.

Pia jeshi hilo limesema kuwa mbali na kutoa mafunzo katika nyanja za kilimo, mifugo na uvuvi lakini vilevile linatoa elimu kwa watanzania wote kuhusu sekta ya kilimo pamoja na mambo mengine.

Akizungumza kwa niaba ya mkuu wa majeshi Nchini, pamoja na mkuu wa jeshi la kujenga Taifa,Mkuu wa Tawi la Utawala Jeshi la kujenga Taifa Buligedia Hassan Rashid Mabena ameyasema hayo Jijini Mbeya Agost 1,2023 baada ya Makamu wa Rais wa Jamhuri ya Muungano wa Tanzania, Dkt. Philp Mpango kuzindua maonesho hayo.

Kufuatia hali hiyo buligedia Mabena ametumia nafasi hiyo kuwaasa wananchi hao kufika kwenye banda la JKT ambapo watajionea shughuli za kilimo ambazo zinafanywa, na jeshi la kujenga Taifa lenyewe linajihusisha na uzalishaji wa mazao ya chakula yakiwemo mazao ya mahindi, mpunga, Maharage pamoja na alizeti.

Alisema kuwa mazao mengine yanayozalishwa na jeshi hilo ni pamoja na mazao ya mbogamboga ambazo zinapatikana kwa wingi katika bustani zao lakini pia mazao ya biashara ya kimkakati kama zao la kahawa, chikichi, korosho pamoja na mkonge.

''Wananchi wafike hapa banda la JKt ili kujionea shughuli za kilimo zinazofanywa na jeshi hili lakini pia shughuli za ufugaji na uvuvi, jeshi la kujenga Taifa linajihusisha ufugaji wa mifugo ikiwa ng'ombe, mbuzi, kuku, lakini vilevile na ufugaji wa samaki lakini tunatoa elimu ya ufugaji wa samaki na nirahisi sana ambapo hata mfugaji ana eneo dogo sana na akaweza kuweza kufuga kisasa na akaweza kujipatia kitoweo lakini vilevile kuweza kujipatia mapato kuuza wale samaki ambao atawazalisha katika eneo lake dogo kwahiyo niwaase waje kwa wingi na kuweza kupata mafunzo hayo,''alisema Buligedia Mabena.

Aliongeza mafunzo hayo yanatolewa kwa vijana kupitia wataalamu wa kilimo wa jeshi hilo na kubainisha kuwa mafunzo yanatolewa kwa kundi la vijana wa lazima kwa maana ya mujibu wa sheria na lile kundi la vijana wa kujitolea.